LUKE 18:32 - PATHIEN LEKHABU THIENGTHO (BSI)

³² Jentel te kawmah pieu intin, engho un tin, zahhuoi takin bawl un tin uh; chil sietkhum un au.

LUKE 18:32 ပူးပေါင်းရင်းမြစ်များ

LUKE 23:11

Herod leh a sepaihte chun Isu chuh a engho u a, musit takin a bawl u a; puon lopitak silh sak in, Pilate kawmah a sawl kit tau a.

ISAI 53:3

Amah chuh mite muhsit leh deihloh in a um a, lungkham leh natna he mi ahi a, mite chun kihetmawh sak in a mai uh a sel u a; amah chuh muhsit in a uma bangmah lo a ngaih in a um a.

ISAI 50:6

Ei zêpte kawm achun ka tingzang ka dawh a, ei sukzahchak lai u leh, ka sam ei lawih pulh sak lai un le, ka maichang a chil ei sietkhum lai un le bangmah ka gen diek puoi.

NASEPTE 3:13

Abraham te, Isak te, Jakob te Pathien, ei suonteu Pathien chun, a suok Isu hi a limbawl ahi ta hi. Amah chuh na matsak u a, Pilate in thahdawk a guot nasan inle, a masang ngêi ah na deih loh uh ahi kha.

MARK 14:65

Chun, khenkhat in chil a sietkhum pai u a, a mai a tuom sak u a, a bêng u a, a kawmah, “Gen lawk ale,” a tiu a. Chun, suokte chun a bêng diek diek u a.

MATTHAI 26:67

Tichun, a maichang chuh chil a sietkhum u a, a zêp u a, chun, midang te chun a khut un a bêng u a.

MATTHAI 16:21

Zie a kipat chun Isu’n Jerusalem khuo a a chieh dân ding haw, upate, Thiempuliente leh Danthuzikte laka thil tamtak a thuok zie ding haw, thah a a umzie ding haw, ni thum ni a kaihthawha a um zie ding haw chuh a sinsakte a hetsak pan ta a.

MIKA 5:1

Tuhin nang chuh kulh a ûmkimvel na hita a, a hawn in pangkhawm un; Israel puitu chuh mawlh in a bieng a zêp sak tau hi.

ISAI 52:14

A mel chuh a hah siet ziekin mihing mel le a pu ta puoh a, pien dân ale mihing pien dân sangin a sie zaw a, mi tamtak in mak a sak guol mah un,

NASEPTE 2:23

Amah chuh Pathien lemguot leh hetlawk bangin, a matsak u a, nangun migilote khut in kross ah na khêndên u a, na sulum tau a.

JOHAN 18:35

Pilate in, “Kei Juda mi hi dingin nei ngaihtuoh em? Nangmah mite ngêi leh, Thiempu Liente’n ka kawma a hun puih uh na hi hi; thil banga na hih?” ti’n a dâwng a.

JOHAN 18:30

Amau chun a kawmah, “Zie pa hi thil gilo hih hi kileh, na kawmah hun pui puo’ng kau,” ti’n a dâwng u a.

JOHAN 18:22

Isu’n zie chuh a gen phetin, a kienga ding mimante khat chun a bêng a, “Thiempu lienpen tihin na dâwng ngam maw?” a ti a.

LUKE 23:35

Chuleh, Juda lawiupate chun, “Mi dang bawn hihdam seka, Pathien tel Krista a hih chun, amah kihihdam heh!” ti a a ho siet lai u chun, mipite chun din sa’n a gâl et u a.

LUKE 23:1

Khutichun mipi haw cheng chuh a kipan u a, Isu chuh Pilate kawmah a pui tau a.

MATTHAI 27:2

Khutichun, Amah chuh a kân u a, a puidawk uh a, gamsung vaihawmpa Pilate kawmah a pie tau a.

JOHAN 18:28

Chun, zingkal matak in Isu chuh Kaiapha In apat chun, gamvaipuo pa In achun a pui u a. Juda lawiupa haw chuh vang leng in achun a lut puou hi, khutilochun, kisubuok un tin uh, Chiehkân Kut an ne theilo ding a hih ziekun.

MARK 15:1

Chun, zingkal matak in, thiempu lien chun, dân thuzikte leh upate leh, vaihawm pawl chengcheng chuh kin takin a kimuhpih a, thil a guonggalh tau a. Isu chuh a kân u a, a puidawk u a, Pilate kawmah a pie dawk tau a.

MATTHAI 20:19

nuihsan a mat ding leh, zêp ding leh kross a khetdên ding in Jentel te kawmah pie’n au; chun, ni thum ni, leh kaihthawh in um ina,” a ti a.

MATTHAI 22:6

mi dangte chun a suokte chuh a man u a, zahhuoi takin a bawl u a, a that tau a.

LUKE 18:33

Chun, zêp untin, that un tin uh, ni thum ni leh tho kit ina,” a ti a.

JOHAN 18:32

(Isu’n a thih dân ding thu a gen banga kha a hung tunna dingin ziehaw huh hung um ahi.)