LUKE 18:14 - PATHIEN LEKHABU THIENGTHO (BSI)

¹⁴ Ziephet chun Isu’n, “Ka hilh na hiu, Pharisai chuh hilo in, siehdawlpa zaw chuh in lam ah thiemchang in a kileh kit tai. Zieziekchun, kuole, kingailul ta tawm un tin, kingaitawm ta chu limbawl in um un au,” a ti a.

LUKE 18:14 ပူးပေါင်းရင်းမြစ်များ

LUKE 14:11

Kingaisang ta chuh niem intin, kingainiem taphawtte chuh limbawl in um un au,” a ti a.

LUKE 16:15

Ziephet chun, Isu’n a kawm u ah, “Mipi dangte mit muh a thiem kichan mai mai na hiu hi, himahleh, Pathien in na lungthim uh a he ngâl a. Mihingte’n a ngaihlul mah mah uh thilte chuh, Pathien mitmuh in bangmahlo ahi.

JAKOB 4:10

Lalpa masang achun kingainiem un, tichun, ama’n hun chawisâng ina.

MATTHAI 23:12

Kuole, amah kingailul ta chuh niem intin, kuole amah kingainiem ta chuh chawihsân in um ina.

THUCHINGTE 29:23

Chapona chun mi a suniem a, himahleh kingainiem te chun limbawlna mu’n au.

JAKOB 4:6

Himahlele, Pathien in hehpihna ei piek chuh a hât zawsem ngâl a. Pathien Lehkhabu’n, “Pathien in mi husiete a do a, mi kingainiemte vang chuh vang a pie sek hi,” a tih guolin.

LUKE 1:52

Leng lopi takte chuh a lalchutphah uh apat chun a luoi tha a, dinmun niemte chuh a chawisâng ta a.

SAM LEHKHABU THE PSALMS 138:6

Lalpa chuh chungnung tak ahi na a, mineute le a limsak zel sek a: Himahleh, mi kisathei haw chuh gamla taka kipan in a muchien sek hi.

MATTHAI 5:3

“Thagau lama tasam kisate chuh a hamphau hi; van gam amau a ahi ngâl a.

ISAI 57:15

“Chungnung pên Pathien lopi, chawihsân a um, kumlekhuo a hing zing Amin Thiengtho kiti chun hiti hin a gen hi: ‘Mun sang leh Mun Thiengtho achun ka chênga, kingainiemte leh lunggil kisik vulvul te hihhalh ding leh lungthim thasie te chuh suhalh dingin.’

THUCHINGTE 3:34

Muhsit chîngte chuh a musit sek a, himahleh, kingainiemte chuh zahngaihna a pie sek hi.

JOB LEHKHABU THE BOOK OF JOB 25:4

Pathien masangah bangti’n mi a diktat thei die? Bangti’n ahim numei hinthak himhim a thientho theih ding?

GALATI 2:16

Himahleh, Dan thilhih ziekin mi, hukdam in a um puoh a, Isu Krista taksanna ziek mai in mi, thiemchang a um ahi zawu hi tih, I he ngâl uh a. Eihaw’n le, Dan thilhih ziek hilo in, Krista taksanna zieka thiem changa I um theihna dingun, Krista chuh I ginchak uh ahi ngâl a. Dan thilhih haw ziekin kuomah, thiem chang himhim um ding ahi puoh ngâl a.

ROME 4:5

Himahlele, na sem lo a, Pathien limsak lo te nasan thiem chansak pa gingcha zawte, taksanna chuh amah diktatna a san ahi.

ROME 3:20

Khutichun, Dan thilhih ziekin mi kuomah a mitmuh in thiem changin um puo’n au; Dan um ziekin gitloh hetna hung um ahi zaw ngâl a.

LUKE 10:29

Himahlele, dân sinsakpa chun amah thiem kichan sak nuom in, Isu kawm achun, “Ka vengte chuh kuo ahi?” a ti a.

THUCHINGTE 18:12

Mi lungthim chapo chuh manthaina masangah a chieh sek a, limbawlna masang achun kingaihniemna a chieh sek hi.

THUCHINGTE 15:33

Lalpa kihchak na chuh pilna kisinsakna achun a um a, kingaihniemna chuh limbawla umna ahi.

JOB LEHKHABU THE BOOK OF JOB 22:29

Midang te chuh tawhniem a a um tieng u leh a chapo ziekuh ahi na ti a, Mi kingainiemte chuh a hukdam sek ngâla.

1 SAMUEL 1:18

Chun amah chun, “Na suoknu hi na mit tung hen,” a ti a. Khutichun, numeinu chu a chieh ta a, an a ne a, lungkham mel le a pu ta puoh a.

PAWTDAWKNA 18:11

Tuhin chuh Lalpa chuh pathien chengcheng sangin a lopi zawi tih ka he tai; Aigupta te’n simmawh taka a bawlna tâk u ah Amah chuh a chung u a um ahi,” a ti a.

ROME 8:33

Pathien mi telte chuh kuo a hêk ding? Thiemchan sakpa chuh Pathien ahi ngâl a.

ROME 5:1

Zieziekchun, taksanna zieka thiemchang I hih tâk ziekun, I Lalpau Isu Krista vangin Pathien tawh kicham I hitau hi.

DANIEL 4:37

“Tichun, kei Nebuknezar hin van Lengpa chuh ka pakcha ta a, ka chawisâng a, ka limbawl a; a thilhih chengte chuh a dik in a lampite chuh a kitûp ngâl a: kuole chapo taka thilhihte chuh a suniem thei ahi,” ka ti a!

ISAI 53:11

A thuokgimna a beih tieng chuleh, kipahna hun nei intin, lung-awi ta’n tin, A thuokna chuh a thâwn ahi puoi tih hun he ta’n au. Ka suok diktak, a chunga ka kipahna mah mah pa chun mi tamtak dingin thuok intin, Amah min ziekin amau haw chuh ngaidam ing ka.

ISAI 45:25

Tichun, Israel suonte chengcheng chuh Lalpa achun guolzo un tin, tichun, Lalpa suong ding ahiu hi, ti’n.

JOB LEHKHABU THE BOOK OF JOB 9:20

Kei leh kei dik kisa lengle ka kam hin thiemloh ei chansak in a, Phabukim hi lengle thiemloh ei chansak in a.

HABAKKUK 2:4

Ngaitie, kuole amah a thagau diklo chuh lawhsam in tin, himahleh, mi diktat chuh ginna’n hing ina.”

THUGENPA 9:7

Khawsa zel inla, kipâk takin na chângthâk ne’n la, uain dâwn in; na thilhih chengcheng chuh masang lai apat a khah Pathien in pha a sak sa ahi.

SAM LEHKHABU THE PSALMS 143:2

Na sawntawlawi chung ahin vaihawm ki’n la; Na mitmuh achun mihing mawng mawng thiemchang um ding ahi puoh ngâl a.

ISAI 66:2

Zie thil haw cheng hi keimah khut ngeia ka siem ahi a! tichun, keia ahi tau hi, Lalpa’n a tii. Himahleh, mi gimthei, thagau a kisik tuntun leh ka thu a kithing sek te lam chuh en zawng ka.

THUCHINGTE 25:7

Mi lopite masanga sukniem a um sangin; “Zie lam ahin hung chun la, chutna pha ahin hung chu to tie” tih chuh nanga dingin a phazawi.