LUKE 18:12 - PATHIEN LEKHABU THIENGTHO (BSI)

¹² Chawlhkal khatin an nih vei ka ngawl a, ka neih cheng apat sawma-khat ka pie sek hi,’ a ti a.

LUKE 18:12 ပူးပေါင်းရင်းမြစ်များ

2 LENGTE 10:16

Chun, amah chun, “Ka kawmah hung inla, Lalpa a dinga ka phachuomngaih zie hi hung mu mawng tie!” a ti a. Khutichun, a kangtalai chung achun a chu khawm u a, Samari khuo ah a chieh tau a.

ISAI 1:15

“Tichun, paucham a na khutteu na zak tiengu lele hun kiheimang san ing ka ting. Tamtak vei na paucham tiengu lele hun ngaitha puo’ng ka; na khutteu chuh thisan in adim ngâl a.

MALAKI 3:8

Mihing in Pathien chuh a gûk sak dinga ahim? Mahleh nang u chun nei gûk sak ngâl u a, Nang haw chun la, ‘Bangti’n ahim ka hun gûk sak uh?’ na tiu a. Sawma-khat leh thilpiek haw ahin nei guksak ui.

KISIMNA 18:24

Israel chate’n Lalpa kawma a sawma-khat a piek teu chuh a chanvo ding u a ka piek ziekin.”

KISIMNA 23:4

Pathien in Balaam chuh a na kituok pih a; Balaam chun a kawmah, “Maichâm sagih ka siem a; chun, maichâm chengcheng achun bâwngchal khat leh belamchal khat zel ka kawih hi,” a na ti a.

MATTHAI 5:20

Na diktatnau in Danthuzikte leh Pharisaite diktatna a khel loh chun van gam ah lut hiel puo’n lau, tih ka hilh na hiu hi.

MATTHAI 6:1

“Na thilpha hihteu mihiemte muh a hih lo dingin chingthei un; khutilochun na Pau van a um kawm apat kipahman nei puo’n lau.

MATTHAI 6:16

“An na ngawlh tiengu lele mi, migukhahte guolin nguoi mel pu kiu; amau haw chun mite muh a anngawl a hih uh a kilat theihna ding in a mel uh a hih zatchuom sek ui. Tihtakzet a ka hilh na hiu hi, a kipahman u chuh a mu zo tau hi.

MATTHAI 6:5

“Chun, na paucham tieng u leh, mi, migukhahte banga na um dinguh ei puoi; ziete chuh mi’n a muh theihna dingun kikhawpna Inhaw leh khawlai lamthuom haw a dinsa a paucham a nuom sek ui. Tihtakzet a ka hilh na hiu hi, a kipahman uh a mu zo tau hi.

MATTHAI 9:14

Zielai chun Johan sinsakte a kawmah a hung u a, “Bangati a keihaw leh Pharisaite hin an ka ngawlh sek u a, na sinsakte hin a ngawlh loh uh a?” a tiu a.

LUKE 11:42

“Na chunguh a gik hi! Nanguh Pharisaite haw, Pudina bang, pathikhawm ngat bang leh, thai tin chengte Pathien kawmah sawma-khat na pie sek u a, himahleh, vaihawm dikna leh Pathien hehpih ding chuh na ngaihsak ngâl puou a. Ziehaw chuh apuo, na sin ding u chuh, a dangte hih chuh haihsan diek lo in,

LUKE 17:10

Khutibang mah in, nang haw’n le, na kawm u a hih ding a thupiek chengcheng na hih nung un, ‘Suok phachuom lo ka hiu hi; ka sep ding mawng uh ka sep uh ahi,’ tiu in,” a ti a.

ROME 3:27

Ahih leh, kisuonna ding khawi ah a um hi? Pawlam a khâk khum in a um tai. Bang dân in ahi die leh? Thilhih dân in ahi die? Hilo e; taksanna dân in ahi zawi.

1 KORINTH 1:29

Khutichun, Pathien ângah kuomah kisuong thei puo’n au.

GALATI 1:14

Chun, ei suonte thuguichin zuih thu a phachuom ka ngaih takluot ziekin, Judate sakhuo hona lam achun, ka chipihte laka ka guolpih tamtak le ka makhelh ta a.

EPHESI 2:9

thilhih ziek ahi puoi, khutilochun, mi’n kisuonpih kha’n au.

1 TIMOTHE 4:8

Taksa kisawihzawina hin phatchuomna huntieng a nei na a, Pathien khawksakna vang hin chuh, tu a umsa leh, hung um kit ding piek tiemna a neih ziekin, thil tin chengah a phachuom hi.

1 SAMUEL 15:13

Chun, Samuel chu Saul kawmah a hung a; Saul chun a kawmah, “Lalpa’n vang hun pie hen, Lalpa thupiek chu ka hih tai” a ti a.