LUKE 18:11 - PATHIEN LEKHABU THIENGTHO (BSI)

¹¹ Pharisai chuh a ding dawka, amah mai in hiti hin a paucham ta a: ‘Pathien, mi dangte guola lepgu, diktatlo ahim, zawlsai ahim ka na hih loh ziekin, na chungah ka kipâk hi. Zie taka siehdawlpa tawbang khuh ka hih loh ziekin le ka hun pakchai.

LUKE 18:11 ပူးပေါင်းရင်းမြစ်များ

SAM LEHKHABU THE PSALMS 134:1

Aw hung tiem u, Lalpa suok, Lalpa In a zan a ding sek chengcheng te, Lalpa chuh pakchau in.

SAM LEHKHABU THE PSALMS 135:2

Lalpa In a ding a, I Pathien uh In huongsung inmai a dingte haw, Amah chuh pakchau un.

THUCHINGTE 20:6

Mitin in amau phatna leh ginumna thu gen untin, himahleh mi diktat chuh kuo a mu thei ding?

THUCHINGTE 30:12

Amau mita thiengtho kisa mi le a um u a, himahlele, a thien lohnau chuh sawp theih ahi diek puoi.

ISAI 1:15

“Tichun, paucham a na khutteu na zak tiengu lele hun kiheimang san ing ka ting. Tamtak vei na paucham tiengu lele hun ngaitha puo’ng ka; na khutteu chuh thisan in adim ngâl a.

ISAI 58:2

Amau haw chun ni chengin ei ho sek u a, Ka lampi thute le het a nuom sek u a; diktat taka hih leh, a Pathien uh vaihawmna haihsan ngeilo namte bangin ka kawmah vaihawmna diktak ei ngên sek u a, Pathien hun naih le a utcha sek ui.

ISAI 65:5

Tichun, mi dangte kawmah, “Kiveng in la, ei hung naih kih, nang haw sang chun ka thiengtho ngâl u a,” a ti sek ui. Zie tawbang mite chuh ka nak a meikhu leh ni tum a meikuong tawbang ahiu hi.

JEREMIA 2:28

Na pathien siem te kha khawitak ah a um tau hi? Amau chuh tho u henla, na buoi na ah a hun hukdam thei kha mawh ding u? Aw Juda, na pathiente chuh Juda khawpite zah zet ahiu hila.

JEREMIA 2:35

zie malak chun nangin, thiem ka chang hi, ka chunga lungnat na a dai hi, na ti behlap nalai a. Ngaitie, “Ka gilo puoi,” na tih ziekin na chung thu ngaihtuoh ing ka.

EZEKIEL 33:31

Chun, ahawn in na kawmah hung intin un, ka mite bang mai in na ma ah chu’n tin un, na thu chuh ngaitha’n tin un, ahihziekin hih taktak diek puo’n au: a kam un hehpihna nasatak nei guolin kilang intin un, ahihziekin, a lunggil un amau lawkna ding chauh delh zaw chiet in au.

MIKA 3:11

Khawpi a lawiupate chuh gawlhgukna kinem in vai a hawm tau a. Thiempute chun lawh kinem in dân a sinsak u a; thiemgaute chun, dangka muh kinem in kilâkna thu a gen u a, a bawn u chun, Ka kawmah Lalpa a um hi, a ti chiet u a. “Ka chunga ah thil phalo hungtung puo’n a, Lalpa chuh ka kawm u ah a um ngâl a,” a ti tei tei u a.

MATTHAI 10:3

Philip leh Bartholomai; Thoma leh siehdawlpa Matthai; Alphai chapa Jakob leh Thaddai;

MATTHAI 5:20

Na diktatnau in Danthuzikte leh Pharisaite diktatna a khel loh chun van gam ah lut hiel puo’n lau, tih ka hilh na hiu hi.

MATTHAI 6:5

“Chun, na paucham tieng u leh, mi, migukhahte banga na um dinguh ei puoi; ziete chuh mi’n a muh theihna dingun kikhawpna Inhaw leh khawlai lamthuom haw a dinsa a paucham a nuom sek ui. Tihtakzet a ka hilh na hiu hi, a kipahman uh a mu zo tau hi.

MARK 11:25

Chuleh, na paucham a na din tieng u leh kuo chung hi ta leh thukhawk bang ahim na neih u chun, ngaidam un, khutichun, na Pau, van a um in hun ngaidam ina.”

LUKE 20:47

meithaite sum a neguu a, mi thepna’n sawttak tak a paucham sek ui! Ziehaw gawtna chuh nasa zawsem ding ahi!” a ti a.

LUKE 22:41

Tichun, suong a seh phakna ding vela hin a va chieh chuom a, zie chun, khupdin in a paucham a,

GALATI 3:10

Dan thilhih a kinga taphawtte chuh, hansie nuoia um ahi “Dan Lehkhabu a kizik chengcheng zawp lo taphawt chuh, hansie nuoia um ahiu hi!” tih zik ahi ngâla.

PHILIPPI 3:6

Dan lam achun Pharisai ka hi a; gunchuhna lam achun sapchuom haw sugimthei pên ka hi a; Dan thu a diktatna lam achun paulap bei ka hi ngâl a.

THUPHUON 3:17

‘Ka neizo in, sum ka hau in, bangmah ka tasam puoi,’ na tih ziek leh, nang mi gimthei, ngaihtuoh-um, neilah, mitdûk, sangawn chuh na hi tih na kihet loh ziekin!