LUKE 17:8 - PATHIEN LEKHABU THIENGTHO (BSI)

⁸ ‘Ka nek ding nei siem sak in la, na puon cheng in la, ka nek a, ka dâwn zawh masang cheng chuh, ka nek bawl ah; zie nung chu leh nangin ne na’n la,’ ti zaw ding na hiu hi.

LUKE 17:8 ပူးပေါင်းရင်းမြစ်များ

THILSIEMBUL 43:16

Chun, Joseph in Benjamin a kawm u a um chuh a muh phetin, a in ngakpa kawm achun, “Amau khuh In sung ah puilut inla, sa that inla, guonggalh in; amau khun sun leh ka kawma an ne ding ahiu hi,” a ti a.

2 SAMUEL 12:20

Khutichun David chu tuol apat chun a tho dawk a, a kisil a, thau a kinuh a, a puonhaw a theng a; chun, Lalpa In ah a chieh a, Pathien chibai a bûk a; chun, a In lam ah a chieh kit a, an a ngên a, a masang achun a hun lui u a, a ne ta a.

LUKE 12:37

A pu a hung phata, suok amah a na ngak zinga a muh te chuh mi hampha hi’n a; tihtakzet a ka hilh na hiu hi, amah chun a puon cheng det intin, amah chuh ankuong ah chut sak intin, a nau sep sak ina.

LUKE 17:7

“Na lak u a khat hin, suok, lo kai in ahim belam chingin ahim nei un la hi leu chin, lo apat a In a a hung tun tieng chu leh, ‘An hun um zieng ah,’ kuo a na ti ding?

LUKE 17:9

Na thuu a a nun ziek u chun na suokteu in, kipah thugen a lawh ngei um leh?

JOHAN 13:4

Khutichun, dawhkân apat chun a kipan a, a puon silh chungnung te chuh a kawih a, kithiekna puon a la a, a cheng a.