LUKE 17:30 - PATHIEN LEKHABU THIENGTHO (BSI)

³⁰ Khutibang mah chun, Mihiem Chapa a hung kilak ni chu leh um ina.

LUKE 17:30 ပူးပေါင်းရင်းမြစ်များ

MATTHAI 16:27

Mihiem Chapa hi a vânsâwlchâkte tawh, a pa lopina a kivan a hung ding ahi ngâl a. Zie tieng chuleh vang, mitin a thilhih bang zel un din chiet ina.

MATTHAI 24:3

Chun, Isu olive tânga a chut lai chun, sinsakte chuh a mau mai in a gûkin a kawmah a chieh u a. “Ziehaw chuh bangtik leh e, a hung um ding? Na hung kitna ding leh khawvel beihna ding melchikna chuh bang a hi die? ei hilh in,” a tiu a.

MATTHAI 24:37

Chun, Noah dam lai guol mah kha Mihiem Chapa hung kitna ding chuh hi’n a.

MATTHAI 24:39

himahlele, tui a hung let a, a bawn uh a a tawh mang masieh chun bangmah a he puou. Mihiem Chapa hung kitna ding chule khutibangmah chuh hi’n a.

MATTHAI 26:64

Isu’n a kawmah, “Hi e, himahlele, ka hun hilh na hi, tunung leh, Mihiem Chapa hi Bangakai hihtheipa khut changlama chu a, van meipi chunga hung hun mu ding na hiu hi,” a ti a.

MARK 13:26

Zie tieng chuleh, Mihiem Chapa chuh thilhih theihna nasatak leh lopina nasatak tawh meipi chunga hung mu’nau.

LUKE 17:24

Kâwlmawng lehlam apat a kâwl a phet a, vannuoi kâwlmawng lehlam tienga a en sek guol hin, Mihiem Chapa a hung ni chu leh um ding ahi.

LUKE 17:29

Himahlele, Sodom khuo apat Lot a pawt ni chun, van apat in mei leh kât in a zu a, a bawnchau in a thi suok kêi ta a.

LUKE 21:22

Zie nihaw chuh ‘Phuba lak ni’ hi ding ahi, Pathien lehkhathu a kizik chengcheng a tunkimna dingin.

LUKE 21:27

Zie tieng chuleh, Mihiem Chapa hi thilhih theihna leh lopina nasatak tawh mei laka hung mu ding na hiu hi.

1 KORINTH 1:7

I Lalpau Isu Krista hung kilâkna ding na ngaknau ahin, vangsakna na muhna dingu ah na lawhsam kha himhim puou hi.

1 KORINTH 1:8

Amah chun, I Lalpau Isu Krista Ni a chuh, demkailo a na um theihna dingun, a tâwp chanin hun vengbit zing ina.

KOLOSSA 3:4

Krista a na hinnau tak tak chuh a hung kiphuon tieng leh, nanguh le amah kawmah lopi takin kiphuong ta’n lau.

2 THESSALONIKA 1:7

tichun, nangmau haw chunga leh, keihaw chung ahin chawlhdamna ei pie’n a. Zie chuh, Lalpa Isu van a kipat, a vânsâwlchâk hattak tawh,

1 PETER 1:13

Zieziekchun, na lungthim uh puontum chengin, pilkieu unla, Isu Krista a hung kilak tieng leh, vangsakna a hun piek ding chuh lungthuoi lo in kinem zingun.

1 PETER 1:7

Na taksannau patepna, sana, meia etchien a hih nunga mangthai sek sanga le lul zaw chun, Isu Krista hung kilak tieng leh, pahchakna leh, limbawlna leh, lopina ding a hung hih theihna dingin.

1 PETER 4:13

Krista thawkna thuokpih te na hih ziekun, kipâk zawu un; khutichun, a lopina a hung kilak tieng leh, nanguh le lawp takin um thei unlau.

1 JOHAN 2:28

Khutichun, naute, amah ah um zing un; tichun, amah a hung kilak tieng leh, hangsan tak leh, zakcha lo a, a hungna Ni a chuh na um theihna dingun.

1 JOHAN 3:2

Deihtakte, tuhin Pathien chate I hiu a, bangti’n a I um dinguh tih vang a kichien tadih puoi; amah a hung kilak tieng le vang, amah bangin ki-um ina tih vang I heu hi, amah chuh a um ngei bang banga mu ding I hi ngâl uh a.

THUPHUON 1:7

Ngaitiem u, amah chuh meipi haw chunga hung ding ahi ie! Mit tin chengin amah muu un tin uh, amah sunte mawng khan tawh; khawvel a nam chengcheng in le amah kahcham un au. A hi. Amen!