LUKE 17:29 - PATHIEN LEKHABU THIENGTHO (BSI)

²⁹ Himahlele, Sodom khuo apat Lot a pawt ni chun, van apat in mei leh kât in a zu a, a bawnchau in a thi suok kêi ta a.

LUKE 17:29 ပူးပေါင်းရင်းမြစ်များ

THUPHUON 11:8

Tichun, a luong u chuh a Lalpau a khetdênnau, khawpi lien tak khawlai dung achun kital ina. Zie khawpi etsakna min ding chun, Sodom leh Aigupta a tih uh a hii.

JUDA 1:7

Sodom leh Gomorra, a kimvel uh a khuote tawh, khutibang mah in, kideihchakna a kipumpiek in, nunsie taka a um tâk ziekun, kumsawt a meia gawtna thuok in, etsakna dinga tâk dawka a um bang uh khan.

2 PETER 2:6

Pathien in Sodom leh Gomorra khawpi chuh thiemmawh chan sak in, mei in a sumangthai ta a, tichun, Pathien khawksaklote chunga thil hungtung dingte etsakna dingin a hun mang ta a.

ZEPHANIA 2:9

Khutichun, Sepaihte Lalpa, Israel Pathien chun, “A hi’n a ka hin sung chuh, Moab chuh Sodom tawbang hung hi’n tin, Ammon te chuh Gomorra mite bang hung hi’n au; thakhai mun leh chi khuk leh kumkhuo luoh loh hung hi’n a. Ka mi a na um nalaite chun amau haw chawmgam un tin, a gam u chuh luoh un au.”

JEREMIA 50:40

Pathien in Sodom leh Gomorra leh a kimvel a khuo te a suksiet bang tak khan; zie tak achun kuomah cheng ta puou intin, mihing cha kuomah cha’n tawh ta puo’n au. Lalpa’n a tii.

ISAI 13:19

Chun, Babulon chuh khawpi laka hawihpen leh, a mipite kisuonpih ahi a, himahleh, Kei, Lalpa hin, Sodom leh Gomorra ka sukmangthai bang khan, sumangthai ding ka hi.

AMOS 4:11

“Sodom leh Gomorra khuo Pathien in a sukchip lai bang khan, na lak uh a khenkhat ka suchim a, meikuong laka thingkhuoh lâkdawk bang na hiu a: khutisa chun le ka kawmah na hung vaikit puou ui,” Lalpa chun a tii.

HOSEA 11:8

“Aw Ephraim, bangti’n ahim ka hun paih thak theih ding? Aw Israel, bangti’n ahim ka hun taihsan theih ding? Admah ka sukmangthai bang khan na chungah bangti’n a ka hih ding? Zeboiim bangin ka hun bawl thei dinga ahim? Ka sung ah ka lunggil a kilek a, ka lungsietnate chuh a kimut âm zaw ta a.

ISAI 1:9

Sepaihte Lalpa chun sukmangthai mâwk tawmcha a na nutsieh sak lo hile chuh, Sodom guolin ana um tai ting un, Gomorra tawbang khah hita ding I hiu hi.

LUKE 17:28

Khutibang mah khan. Lot dam lai inle a hung um a, a ne’n, a chau a, a chawu a, a zuok u a, a chi’ng u a, a sa sek ui.

LUKE 17:30

Khutibang mah chun, Mihiem Chapa a hung kilak ni chu leh um ina.

THUPHUON 14:10

Pathien lungnatna uain, a thangtawmna khawn bangmah tawh helloh a hun sundawk chuh dâwn untin, chun, vânsâwlchâk thiengthote leh Belam No mitmuh ah mei leh kât a gawt a um ding ahi, ti’n aw ngeih tak in a kiko a.

THUPHUON 19:20

Tichun, sahang chuh a man uh a, thiemgau lêm, sahang melchikna nei leh, a lim note a lepbawl theihna dinga thilmak a mitmuh uh a hihpa khale a man tel uh a. A nih uh chun, mei leh kât a kâng dil achun a hingsan in a paih lut tau a.