LUKE 17:2 - PATHIEN LEKHABU THIENGTHO (BSI)

² Zie mi neucha cha laka khat le sukpuk sang chun, a supuk pa ngâwng achun buh gawih gawpna suong awh sak in, tuisuohgiet ah kikhie leh, amah dingin phazaw ding ahi.

LUKE 17:2 ပူးပေါင်းရင်းမြစ်များ

ISAI 40:11

Amah chun belam chingpa bangin, a belamte chuh veng intin; belam note chuh a khut nih in pawm intin, a ângsung ah kawih in tin, chun, a pi-nokaite chuh awlcha cha’n chiehpih dên dên ina.”

ZEKARIA 13:7

“Aw chemzâm, kipan inla, ka belampu leh ka na seppih pa chuh do ah! Belampu chuh zêp inla, belam hawn chuh dalh u hen. A note chung achun ka khut tha ding ka hi.

MATTHAI 17:27

Himahleh, zie mipi haw hi suklungkim loh I nuom puou hi. Tichun, nang dîl ah va chieh inla, ngakuoi khâi in la, nga hung pawt masapen chuh man in, chun, a kha na keu tieng leh dangka nih mu zieng in la; zie chuh la’n la, kei leh nanga dingin a kawm u ah pie’n,” a ti a.

MATTHAI 18:10

“Zie mi neucha haw laka khat hile musit lo dingin chingthei un;

MATTHAI 18:14

Zie tawbang mah chun zie mi neucha cha haw laka khat manthai hile na pau van a um deihlam ahi puoi.

MATTHAI 26:24

Mihiem Chapa hi, a chanchin a zik guol tak uh khan chieh ding ahii, himahlele, Mihiem Chapa matsak ding pa mihiem chung chuh a gik hi! zie mihiem chuh pieng kihen la hileh amah dingin phazaw’n a,” ti’n a dâwng a.

MARK 9:42

“Chun, kuole, zie ei gingchate, mi neucha haw laka khat le supuk ta chuh, a ngâwng a buh hêkna suong lienpi awhsak a, tuisuohgiet a paih lut chuh amah dingin pha zaw’n a.

JOHAN 21:15

Chun, zing an a nek zawh un, Isu’n Simon Peter kawmah, “Simon, Johan chapa, ziehaw sang hin nangin kei nei hehpih em?” a ti a. Amah chun a kawmah, “Hi, Lalpa ka hun hehpih hi tih na hêi,” a ti a. Isu’n a kawmah, “Ka belamno te vak ah,” a ti a.

1 KORINTH 9:15

Himahlele, kei vangin, ziehaw chuh khat chale ka mat loh ahi; ka chunga khutibang chuh na hihna dingun le, zie thu haw hi ka hun zik ahi diek puoi. Kuo’n le, ka kisuonna ding dawl diktak hi, bangmahloa a chansak sang un, thi mai leng kei dingin a pha zawi.

1 KORINTH 9:22

Zawngkhalte ka lâklut theihna dingin, zawngkhalte kawmah zawngkhal bangin ka um sek hi. Bang ahim ti a mite ka hukdam theihna dingin, mi chengcheng kawmah, bang cheng ka hi tai.