LUKE 17:1 - PATHIEN LEKHABU THIENGTHO (BSI)

¹ Chun, Isu’n a sinsakte kawmah, “Pukna haw hi umlo thei ei puoi, himahlele, pukna tun sakpa chung chuh a gik hi!

LUKE 17:1 ပူးပေါင်းရင်းမြစ်များ

MATTHAI 16:23

Isu chuh a kiheia, Peter kawm achun, “Setan, ka nung ah hung ah, keia dingin pukna na hi. Pathien thil haw ngaihtuoh lo in, mihiem thil haw na ngaihtuoh zaw ahi hi,” a ti a

MATTHAI 18:7

Pûkna haw ziekin khawvel chung a gik hi! pûkna haw chuh hung um ding vang a hin; himahlele pûkna umsaktu chung chuh a gik hi!

LUKE 16:31

Himahleh, Abraham chun, ‘Mosi leh thiemgaute thu a ngaih loh u chun, mithi laka tho kit chieh mahleu le awi diek puo’n au,’” ti’n a dâwng a.

ROME 14:13

Zieziekchun, ki-awimawh ta puoi tingun, kuon le, amah suohpih dalna ahim, pukna ahim siem loh guo zawu hen.

ROME 16:17

Chun, suohpihte, kithu-hilhna thu, nangmau haw na dawnsa ngei te, kalh lama kikhenna leh pukna siemte chuh vengpha ding leh nungngatsan dingin ka hun nget na hiu hi.

1 KORINTH 10:32

Judate ahim, Grikte ahim, leh Pathien sapchuom haw dingin le, a pukna dingun bangmah hih kiu.

1 KORINTH 11:19

(Na lak uh a a tak takte chuh a lat theihna dingin, kibungkhenna le um ding him ahi.)

1 KORINTH 8:13

Zieziekchun, ka nek le châkin ka suohpih a sukpuk chun, ka suohpih ka sukpuk lohna dingin, kumkhuotuong in, sa himhim ne ta puo’ng ka.

1 TIMOTHE 4:1

Himahlele, hun nunung achun, mi khenkhatte chuh, mi lepchiehte gukhahna zieka puihmang a um in, thagau haw leh thithate sinsakna thu lunggulh in, taksanna chuh hun haihsan un au tih, Thagau chun kichien takin a gen a.

THUPHUON 2:14

Himahlele, neukhat demna ka hun nei hi, na lak uh a Balaam sinsakna zui, mi khenkhat na umpih ziekun, amau chun, Israel chate chuh milim hona sa a nekna dingun leh, kideihchakna thanghuoia gilo dinga a puih theihna dingin, Balak chuh a sinsak sek uh a.

THUPHUON 2:20

Himahlele, demna ka hun nei hi, thiemgaunu kiti, Jezebel khah na thuok theih ziekun, amahnu chun, ka sawntawlawite chuh, kideihchakna thanghuoi leh, milim hona sa nekte a sinsak in, a puimang sek ngâl a.