LUKE 16:25 - PATHIEN LEKHABU THIENGTHO (BSI)

²⁵ Himahlele, Abraham chun, ‘Ka chapa, nangin na dam lai khan thilpha na chang a, khutibang mah in Lazarus thil phalo a chan kha hezingin! Tu’n chuh, amah taka hin lungmuong takin a um a, nang vang a gim na hi ta kha!

LUKE 16:25 ပူးပေါင်းရင်းမြစ်များ

LUKE 6:24

“Amahvang chuh, nang haw, tu a neizote haw, na chunguh a gik hi, na lungmuon nau chuh na mu ta ngâl u a.

1 JOHAN 2:15

Khawvel hi hehpih kiu inla, khawvel a thil umte hile hehpih diek kiu un. Mi kuo’nle, khawvel a hehpih chun, Pa a hehpihna amah ah a um puoi.

SAM LEHKHABU THE PSALMS 17:14

Aw Lalpa, na khut in mihiemte lak ah, Khawvel mihiemte lak ahin, humbit inla; Amau chanvo chuh tu damsunga a neih u hi a hi a, A gilpiu chuh na go in na sukdim sak sek a: Cha lungkim na kham set a nei u a, A sum mat val u chuh a chasen teu a taihsan sek ui.

MARK 9:45

Chuleh, na keng in a hun sukpuk leh, tan mai ah, keng nih nei a Gehen a mei mit ngei lo a chieh sang chun, keng beia hinna a lut nang dingin a pha zaw ngâl a.

ROME 8:7

Phehlevo lunggulh lam chuh Pathien dona ahi a, zie chuh Pathien dân ah a um puoh ngâl a, um le a um thei lo him ahi.

PHILIPPI 3:19

Ziehaw tawpna chuh gawtmun a hi a, a pathien u chuh a gilpiu ahi. A lopina hawu chule a zahhuoinau a hi a, zie khawvel thilte mai hi a lunggulh sek ngâl ui.

NASEPTE 14:22

“Dahum tamtak thuokin, Pathien gam ah I lut ding him uh ahi,” ti’n, sinsakte haw lungthim a sudet u a, taksanna a chuh um zing dingin a tîl zel u a.

HEBRAI 11:25

chawmkhat sunga gitloh nuomsakna lawppih sang chun, Pathien mite tawh sukgimtheih thuok khawm chuh a tel zaw ta a.

1 THESSALONIKA 3:3

Zie sukgimtheihna thuokna zieka hi kuomah na kihei kit lohna dingun. Nangmau haw mawng in le, zie sukgimtheihna haw hi, keihaw dinga Pathien phasak lam a hi tih na he ngâl u a.

THUPHUON 7:14

Kei chun a kawmah, “Hepu, ka he puoi, nangin na he’i” ka ti a. Amah chun ka kawmah, “Ziehaw hi, gimtheihna nasatak apat a pawtte khah ahiu a, Belamno thisana a puon uh sawp vamte ahiu hi.

JOHAN 16:33

Zie thu haw hi na kawm u ah ka gen ta hi, keimah a na um ziek u a lungmuonna na neih theihna dingun. Khawvela hin dahum thuok in na um sek ui. Himahlele, kipâk takin um un, ken khawvel ka zo tai,” a ti a.

LUKE 16:23

Chun, mithi khuo achun na thuok himhim in a um ta a; tichun, a vak dâk a, gamla taka Abraham ângsung a Lazarus um chuh a vak mu ta a.

LUKE 16:20

Chuleh, Lazarus kiti, mi chagah tak khat le tak achun a um a; meima’n a bawm a, mi neizopa kawtkhak bul achun a kuol sak sek u a,

DANIEL 5:30

Zie zan mah mah chun Babulon leng Belshazar chuh thah ahi ta a.

SUNNA LA 1:7

Zie banga thawmhau taka a um lai chun, Jerusalem chun a malai lopinate kha a hedawk sek a; Melmate khuta a puksiet lai in kuomah amah panpih ding himhim a um puou. A melma teu chun a puksietna chu a nuihsan tau a.

SAM LEHKHABU THE PSALMS 49:11

A gam teu chuh amau min in phuok mahleu, a thân u chuh kumkhuo a a In dinguh ahi ta a, khang chengcheng tienga a chênna dinguh ahung hi tai. A gam u haw chu a mau min mah mah a lawh sak sek ui.

JOB LEHKHABU THE BOOK OF JOB 22:18

Khutisa chun le a In teu chuh thilpha’n a hihdim a, Minunsiete ngaihtuohna vang chuh kei a pat in gamla tak ah a um a.

SAM LEHKHABU THE PSALMS 73:7

Thauna ziekin a mit uh a pawng a; A lunggil u a duhthusam sanga tamzaw a nei u a.

MATTHAI 27:63

a kawmah, “Hepu, zie mi lepchiehpa chun a damlai khan, ‘Ni thum zawh leh thokit ing ka,’ a tih kha ka hezing ngâl u a.

LUKE 16:26

Zie tihloh achun, taka pan a nang u kawma hung guote chuh a chieh theih lohna dingun, leh kuomah tak apan a kha kei u kawma a hung kaih theih lohna dingun, kei u leh nanguh kikala hin lei khi nasatak a siem ui,’ a ti a.

DAN NIHNA 28:17

“Na sêng u leh na chângthâk mêkna haw cheng u le gausap changin um in au.