LUKE 16:23 - PATHIEN LEKHABU THIENGTHO (BSI)

²³ Chun, mithi khuo achun na thuok himhim in a um ta a; tichun, a vak dâk a, gamla taka Abraham ângsung a Lazarus um chuh a vak mu ta a.

LUKE 16:23 ပူးပေါင်းရင်းမြစ်များ

SAM LEHKHABU THE PSALMS 16:10

Ka thagau sheol ah nusieh puo’n na tin; Na mithiengtho hi muotna muh sak lo ding na hi.

SAM LEHKHABU THE PSALMS 49:15

Ka hinna vang chuh Pathien in Sheol khut apat tan dawk ina. A mah chun ei na tuok ding ahi ngâla. Selah

SAM LEHKHABU THE PSALMS 86:13

Ka chunga na zahngaihna a nasa a; Ka hinna hi Sheol apat in na humbit ta a.

SAM LEHKHABU THE PSALMS 9:17

Minunsie te chun Sheol zuon un tin, Nam Pathien hetngilh te chengcheng chu tawh.

THUCHINGTE 15:24

Mipil lampi chuh chunglam zuonin a chieh to a, nuoi lama thihna khawvel chuh a taihsan theihna dingin.

THUCHINGTE 5:5

A keng chuh thihna achun a kum suk a, a kalsuon chun thihna khawvel a zuon hi.

THUCHINGTE 7:27

Amahnu In chuh Sheol zawtna lampi a hi a, thihna phuol a lut ahi.

THUCHINGTE 9:18

Himahlele mithi haw chuh zie chun a um ui tih a he puou a; zie a zin te chule Sheol thuk tak sung ah a um ui tih a he diek puoi.

ISAI 14:15

Himahlele, thihna khawvel ah, kawkhuk mawngbei achun nawhthak in na um ta a.

ISAI 14:9

“Nuoi lam apat Sheol chuh Babulon leng muok dingin a kisazo ta a. Lei chunga thagau thilhih thei mah mah te chuh a chawktho a. Namtin lalte thagau chuh a lalchutphah uh apat in a kaitho tai.

MATTHAI 11:23

Chun, nang Kapernaum, van tienga kichawihsan ut na him? Mithi khuo tienga paihthak ding na hi a puo! nang haw chunga thilmak kihih haw kha Sodom khuo a hih hileh chuh, tu tiengin um zing nalai ina.

MATTHAI 18:9

Chuleh, na mitin a hun sukpuk chun kheuhdawk inla paihmang kei ah; mit langnih nei a Gehen meia paih sang chun, mit langkhat nei a hinna a lut chuh nang dingin a pha zawi,

MATTHAI 23:33

Nang haw gulte haw, gûl suonte haw, Gehen a vaihawmna chu bangti’n a na pelhthâk theih dinguh?

MATTHAI 5:22

Kei chun chuh, ‘Kuole a suohpih chunga lungna ta chuh vaihawmna a dingin lauhthawng-um takin um zing un tin’; kuole a suohpih kawma, ‘Raka’ ti ta chuh vaihawmte thutan saka um in lauhthawng-um takin um zing untin; chun, kuole ‘More’ ti ta chuh Gehen meia paih lauhthawng-um takin um un au, tih ka hilh na hiu hi.

MATTHAI 5:29

Khutichun, na mit changlam in a hun sukpuk chun kheuhdawk in la, paih mang in; na sapum Gehen a paih a hih sangin na sapum ka khat beihmang chuh nang dingin a pha zawi.

MATTHAI 8:29

Chun, ngai tie, amau chun, “Isu, nang Pathien chapa, nang leh kei u nih in banga kitihmatna I neih uh? a hun maa ei sugimthei dinga taka hi hung na him?” tin a kiko u a.

LUKE 16:24

Khutichun, a kiko a, ‘Hepa Abraham! nei lungsiet inla, Lazarus kha hun sawl ah, a khut zung mûk tui hun dieh hen la, ka lei hih daihna dingin, zie mei kuong a hin ka na mah mah hi!’ a ti a.

LUKE 16:28

Pienpih pasal nga ka nei ngâl a. Chieh hen la, zie gimtheihna muna hin hung kha kha’n au, phachuomngai takin va hilh hen,’ a ti a.

LUKE 8:28

Chun, Isu a muh phet chun, aw ngeih tak in, a kiko a, a keng bul ah a bawkkhup a, a kiko a, “Isu, Pathien Chungnung pên Chapa, kei leh nang banga I kizawlna um? Ei gawt lo dingin ka hun ngên hi,” a ti a.

1 KORINTH 15:55

“Aw thihna, na gu chuh khawi ah a um ta? Aw thân, na zawhna chuh khawi a um ahi ta?”

2 PETER 2:4

Chun, Vânsâwlchâkte’n thil a sukkhelh lai uh khan, Pathien in a hâwi puoh a, gawtmun ah a paih lut vek a, a chungthuu chuh vainung leh tan sak dingin a sit a, kawkhuk thim ah a khum tai.

THUPHUON 20:10

Tichun, amau haw thempa Diabol chuh. sahang leh thiemgau lêm umna, mei leh kât dîl achun a paih tau a; tichun, kumkhuotuong in, a sun a zan a sukgimtheih in um ta’n au.