LUKE 16:15 - PATHIEN LEKHABU THIENGTHO (BSI)

¹⁵ Ziephet chun, Isu’n a kawm u ah, “Mipi dangte mit muh a thiem kichan mai mai na hiu hi, himahleh, Pathien in na lungthim uh a he ngâl a. Mihingte’n a ngaihlul mah mah uh thilte chuh, Pathien mitmuh in bangmahlo ahi.

LUKE 16:15 ပူးပေါင်းရင်းမြစ်များ

1 KHANGTHUBU 29:17

Ka Pathien uh nangin lunggilte na patep sek a, diknate le na kipahpih hi tih ka heu a. Kei hin vang lunggil tak takin, zie thil haw hi kipâk takin ka hun pie a, zie a na mipite hin le, kipâk taka na kawma hun lân ka muh hin ka kipâk mah mah hi.

2 KHANGTHUBU 6:30

na umna van a pat in na ngaitha’n la, ngaidam inla, mitin a um dân chiet uh bangin lawhtit sak in, nangin mitin lunggil chu na he chiet ngâl a;

SAM LEHKHABU THE PSALMS 10:3

Migilosalo chun a lungthim deihlam u chuh a kisuonpih u a, Mi duh-âm chun hansie kilawh ding chauh in Lalpa chuh a paih tha a, a musit sek.

SAM LEHKHABU THE PSALMS 49:13

Zie hi ngawlhuoi taka a kimuonnau gah chu ahi a: a thil neih u a kisulung-awite tawpna ding chuh zie chu ahi. Selah

SAM LEHKHABU THE PSALMS 49:18

A dam lai in kihamphat sak hen la, thil na hih phat tieng leh mi’n hun pakcha sek mah leu

SAM LEHKHABU THE PSALMS 7:9

Aw, migilote gitlohna chuh hung tâwp hen la, himahleh, mi diktat vang chuh hihdet in. Pathien diktat tak chun lunggil leh lungthim a en chien zel sek in.

THUCHINGTE 16:5

Kuole, mi chapo chuh Lalpa dingin kihdak-um ahi a, kithutuok mahleu le gawt loh in suokcha puo’n au.

THUCHINGTE 20:6

Mitin in amau phatna leh ginumna thu gen untin, himahleh mi diktat chuh kuo a mu thei ding?

THUCHINGTE 21:2

Mihingte lampi chuh amau mitmuh in a dik vek a, himahleh Lalpa’n lungthim a en sek.

JEREMIA 17:10

Kei Lalpa hi, mitin a umdan dungzui leh, a nasep gah hawu bang zela pie dinga lunggil mudawkpa leh lungthim patep sek pa chuh ka hi.”

MALAKI 3:15

Chun, mi kiletsakte chuh mi kipâk ahiu a. Mi gilote chuh a kiphattheih chauh uh hilo in, a thilhih gitlohteu chun Pathien thuokhatna chuh a patep u a, tichun, a suokcha zel ui,” na tiu a.

MATTHAI 23:5

A thilhih chengcheng u chuh mihiemte muh dinga a hih sek uh ahi. A thilbuhteu leh kawpteu chuh a pêk a hih lien sek u a, a puonmawng uh a hih bawk lien u a,

MATTHAI 6:16

“An na ngawlh tiengu lele mi, migukhahte guolin nguoi mel pu kiu; amau haw chun mite muh a anngawl a hih uh a kilat theihna ding in a mel uh a hih zatchuom sek ui. Tihtakzet a ka hilh na hiu hi, a kipahman u chuh a mu zo tau hi.

MATTHAI 6:2

“Khutichun, thilpiek mi kawma na piek tieng leh, mi, mi gukhah te’n pahchak ding deihna a, kikhawpna Inhaw leh khawlai dung le vaia a hih sek guol un, na mau ah pengkun mût kiu. Tihtakzet a ka hilh na hiu hi, a kipahman uh a mu zo tau hi.

MATTHAI 6:5

“Chun, na paucham tieng u leh, mi, migukhahte banga na um dinguh ei puoi; ziete chuh mi’n a muh theihna dingun kikhawpna Inhaw leh khawlai lamthuom haw a dinsa a paucham a nuom sek ui. Tihtakzet a ka hilh na hiu hi, a kipahman uh a mu zo tau hi.

LUKE 10:29

Himahlele, dân sinsakpa chun amah thiem kichan sak nuom in, Isu kawm achun, “Ka vengte chuh kuo ahi?” a ti a.

LUKE 11:39

Lalpa chun a kawmah, “Nang haw, Pharisaite’n, khawn leh kuong pawlam chuh na sawp ngim ngut sek u a, na sunglam hawu chu la, lepgukna leh gitloh in a dim ngâl a.

LUKE 18:11

Pharisai chuh a ding dawka, amah mai in hiti hin a paucham ta a: ‘Pathien, mi dangte guola lepgu, diktatlo ahim, zawlsai ahim ka na hih loh ziekin, na chungah ka kipâk hi. Zie taka siehdawlpa tawbang khuh ka hih loh ziekin le ka hun pakchai.

LUKE 18:14

Ziephet chun Isu’n, “Ka hilh na hiu, Pharisai chuh hilo in, siehdawlpa zaw chuh in lam ah thiemchang in a kileh kit tai. Zieziekchun, kuole, kingailul ta tawm un tin, kingaitawm ta chu limbawl in um un au,” a ti a.

LUKE 18:21

Amah chun a dâwng a, “Zie thu haw chengcheng chuh, chapang neucha ka hih apat ka zawp ei tai,” a ti a.

LUKE 18:9

Chun, amah chun, mi diktat tak hih kigingcha, mi dang cheng musit sek, kuote ahim kawmah zie tehkal thu hile a gen a:

LUKE 20:20

Khutichun, hun lemchâng a hawl tau a. Tichun, mi huntieng, mipha tak hileh kilawm taka va um dingin a gawlhguu a; Isu chuh Rome gam vaipawpa thuneihna leh, thilhih-theihna khuta a piek theihna ding u a, a thugen khiel chângtha ding leh, man dingin a sawl tau a.

LUKE 20:47

meithaite sum a neguu a, mi thepna’n sawttak tak a paucham sek ui! Ziehaw gawtna chuh nasa zawsem ding ahi!” a ti a.

JOHAN 2:25

A chanchinhawu chuh kuomah hilh a ngai puoi, amah ngêi in a lungthim u a um haw chuh a he ngâl a.

JOHAN 21:17

Chun, a thumveina chun Isu’n, “Simon, Johan chapa, nangin kei nei hehpih em?” ti’n a dawng kit a. Isu’n a thumveina a “Nangin kei nei hehpih em?” a kawma a tih ziek chun Peter chuh a lungkham a, a kawmah, “Lalpa, bangakai na he a, ka hun hehpih hi tih na hêi!” a ti a. Isu’n a kawmah, “Ka belamte enkawl ah.

NASEPTE 1:18

(Zie Juda chun a gitloh hih zieka a dangka muh chun mun khat a chaw a, a bungbu’n a kie a, a lai ah a puokkek a; a gil chengcheng a pawt vek ta a.

NASEPTE 1:24

Chun, a paucham u a, “Nang Lalpa, mihiem chengcheng lungthim he pa,

NASEPTE 15:8

Chun, Pathien, mitin lunggil he pa chun, ei uh ei piek guol khan, Thagau Thiengtho chuh amau haw kawm ale pien, a chungu ah a kipâk hi tih a hetsak a.

ROME 3:20

Khutichun, Dan thilhih ziekin mi kuomah a mitmuh in thiem changin um puo’n au; Dan um ziekin gitloh hetna hung um ahi zaw ngâl a.

ROME 8:27

Chun, Pathien, lunggil en pa chun Thagau lunggulh chuh a he a, khutichun, Thagau in amah deihdan bangin, eihaw a dingin Pathien kawmah ei ngetsak sek hi.

1 KORINTH 4:5

Zieziekchun, a hun tun masang in kuomah zedap kiu in. Vaihawmna tawpna chuh Lalpa hung tienga ngak ding ahi a; amah chun thima thil selgûk haw chuh vak ah hun la dawk intin, lunggil a tup haw chule hun sulang ina. Zie tieng chu leh, mitin in, Pathien apat a pahchakna a lawh ding bang chiet u chuh mu ta’n au.

1 PETER 3:4

Sunggil lama dikna, lunggil a kingaihniemna leh nunnem silhlechen sie thei lo a kivan chuh hi zaw hen, zie chuh Pathien mitmuh in lul mah mah a hi zaw ngâl a.

1 PETER 5:5

Khutibang mah in, nanguh tanglak deuhte haw; upate kawmah kitulut un. A hii, na bawn uh a kizen tuoh chiet dingin, nuoilutchuhna’n kivan un; Pathien in mi husiete a do a, kingainiemte vang chuh lungsietna a pie sek hi.

THUPHUON 2:23

A nungzuite cheng chule that ing ka ting, tichun, kei hi mi tin ngaihtuohna he pa leh, en pa ka hi tih, sapchuom haw lawi chengcheng chun he ta’n au. Na lak uh a mitin, a thilhih dungzui chiet un dinthuk ing ka.

1 SAMUEL 16:7

Himahlele, Lalpa chun Samuel kawmah, “A mel ahim a sân lam ahim en ki’n la; amah hi chu ka deihloh ahi; Lalpa chun mihing et dân in a en puoh ngâla; mihing chun pawlam latdan a en sek a, himahleh, Lalpa chun chu lunggil a en zaw sek hi,” a ti a.