LUKE 15:5 - PATHIEN LEKHABU THIENGTHO (BSI)

⁵ Chun, na muh tieng u leh, lawp takin na liengko u ah na pu sek u a,

LUKE 15:5 ပူးပေါင်းရင်းမြစ်များ

HEBRAI 12:2

Chun, Isu, I taksannau siempa leh subukimpa lam chuh en zing hitiu. Amah chun, a masanga lawpna a um ziek chun, zahchâkna chuh ngaidau in, kross achun a thuok a, tichun, Pathien lalchutphah changlam achun a va chu ta a.

LUKE 19:9

Chun, Isu’n a kawmah, “Tuni hin zie In ahin hukdamna a tung tai, amah hile Abraham chapa ahi ngâl a.

MIKA 7:18

Aw Lalpa, nang tawbang Pathien, a goluoh ding a mite, a suokcha sunte gitlohna ngaidam leh a sukkhelhnau subei dang a um puoi. A lungnat na chu kumlekhuo’n a vawp zing puoh a, zahngaihna chuh a kipahpih lam tak ahih ziekin.

LUKE 23:43

Isu’n a kawmah, “Tihtakzet a ka hun hilh na hi, tuni hin, ka kawmah, paradis ah um inla,” a ti a.

LUKE 15:32

Himahleh, zie na nau hi a thi sa, a hung hing kit ahi a, a mang sa, I muh kit uh ahi ta a, ziezieka chuh, kipâk tak leh lawp taka I um dinguh a puo!’” a ti a.

EZEKIEL 18:23

Migilo thihna ahin kipahna ka nei a ahim? A umdan te a kiheimangsan a, a hin leh nuomsa hizaw lo ka him?” Lalpa Pathien in a tii.

1 PETER 1:5

Hun nunung a lang ding ginna a hukdamna chuh mu dingin; taksanna ziekin, Pathien thilhih theihna a ven chuh na hiu hi.

2 TIMOTHE 2:26

Khutichun, Diabol thâng a awkte chuh Pathien deih bang sem dinga a hung suohchak theih na dingun.

1 THESSALONIKA 1:5

Khati a, ka Chanchin Pha genteu khah, thu maia na kawmuh tung lo a, thilhih theihna leh Thagau thiengtho tawh thudik hetna bukim tawh a hungtun tâk khah. Nangmau haw makhuo ding khuol a, bang tawbang mi ka hih uh na he ngâl u a.

EPHESI 3:7

Chanchin Pha zenviela ka panna hi, Pathien thilpiek chuom ahi a, zie chuh a thilhih theihna nasep bang zela ei piek ahi.

EPHESI 2:10

Thilpha hih dinga Krista Isu a siem a um in, amah khutsuok I hi ngâl u a; zie thilpha bawl chuh I umna dinguh a Pathien in a guonggalh khawl ahi.

JOHAN 15:11

“Ka kipahna nangmau a a um zing na’n leh, na kipah uh a bukimna’n zie thu haw hi na kawm u a ka gen ahi.

ZEPHANIA 3:17

Lalpa na Pathien chun a hun umpih a; va thilhih theihna chun zawhna a hun piei. Lalpa chuh na chungah kipâk intin, a lungsietna chun hinna thak hun pie’n a.

MIKA 5:4

Amah a hung tieng chuleh, Lalpa apat a hatna leh, Lalpa Pathien lopina ngêi chun, a mite vaihawm sak ina. Lei chung pumpi a mi chengcheng in a lopina chuh a het tâk ziekun, amau chuh bit takin um zing un tin; amah chu lei tâwp chanin lopi ding ahi ngâla.

EZEKIEL 33:11

A kawm u achun, ‘A hin a ka hin lai chan chuh, migilo thihna ahin kipahna himhim ka nei puo a, migilo in a umdan a nutsieh a a hin hi ka kipahna lam ahi zawi. Na umdan phalo hawu apat chun vaikit un, vaikit un! Aw Israel insung mite haw, bang ziekin e na thih ding uh?’ Lalpa Pathien chun a tii,” ti’n gen in.

ISAI 63:9

A lungkhamna chengcheng u achun amah chule a lungzîng seka, a masanga um Vânsâwlchâk chun amau chuh a hukdawk seka; a hehpihna leh a zahngaihna chun a tandawk ta a, a masang hun lai cheng khan amau chuh a puoh a, a pawm sek hi.

ISAI 62:12

Tichun, amau chuh “Mi Thiengtho, Lalpa hukdam sate” tih hiu intin, chun, nang u chule, Khawpi nutsieh a um hilo in, “Hawldawk a um,” ti a sap hita’n lau, a ti a.

ISAI 62:5

Tangval in nungak thiengtho zi a a neih sek bangin, Nang hun siempa chun hun kichên pih ding ahi. Chun, moneipa chuh mo chunga a kipah bangin, Na Pathien chuh na chungah kipâk ding ahi ta ngâl a.

LUKE 15:4

“Nanguh lak ah kuo’n le, belam za nei hen la, a laka khat mansak ta leh, sawmkuo leh kuote chuh gamthip a taihsan in, a mang chuh na muh kit masang sieh uh kuo a hawl lo a um ding?

LUKE 15:6

Tichun, In na tun tieng u leh na invengteu na samkhawm u a, ‘Ei lawppih un, ka belam mang kha ka mu kit tai!’ na ti sek ui.