LUKE 15:29 - PATHIEN LEKHABU THIENGTHO (BSI)

²⁹ Himahlele, amah chun a pa kawmah, ‘En in, kum zie chanpi hi ka hun vaka, na thu lah ka awilo kha puoh a, ka guolte tawh lawpna ka siemna dingin kelno chakhat le nei pie kha ngut puoh a.

LUKE 15:29 ပူးပေါင်းရင်းမြစ်များ

THUPHUON 3:17

‘Ka neizo in, sum ka hau in, bangmah ka tasam puoi,’ na tih ziek leh, nang mi gimthei, ngaihtuoh-um, neilah, mitdûk, sangawn chuh na hi tih na kihet loh ziekin!

THUPHUON 2:17

“Thagau in sapchuom haw lawite kawma thu a gen hi bil nei chun zau hen. A zo tacheng kawm achun, manna selguk khenkhat chuh pie ding ka hi. Chun, a kawmuh achun, suong vam, a chunga min thak kizik, a mute ngâl lo in a het loh uh chuh pie chiet ing ka, ti’n.

ROME 10:3

Pathien diktatna helo in, amau haw diktatna sukdet guo’n, Pathien diktatna nuoia a kitulut ngâl puou a.

ROME 7:9

Keimah ngêi le, makhan danlo in ka hing a, himahlele, thupiek chuh a hung um phetin, gitloh chuh a hung halh a, kei chuh ka thi ta a.

LUKE 19:21

Mi khel tak na hih ziekin ka lau a, nanga lo pile na la sek a, na tuh loh poh le na ât sek ziekin,’ a ti a.

LUKE 18:9

Chun, amah chun, mi diktat tak hih kigingcha, mi dang cheng musit sek, kuote ahim kawmah zie tehkal thu hile a gen a:

LUKE 17:10

Khutibang mah in, nang haw’n le, na kawm u a hih ding a thupiek chengcheng na hih nung un, ‘Suok phachuom lo ka hiu hi; ka sep ding mawng uh ka sep uh ahi,’ tiu in,” a ti a.

LUKE 15:7

Ka hilh na hiu hi, mi diktat sawmkuo leh kuo, lungheina chuom na ding nei lote chung sang chun, migilo khat lungheina chung achun van a mipi kipâk zaw’nau.

MATTHAI 20:12

‘Zie a nunga te hin dâkkâl khat mai a sem u a, nangin keihaw, nisa satlai cheng thuok a semte hi tawh nei kibat sak mai hih,’ a tiu a.

MALAKI 3:14

“Pathien nasep hi a thâwn ahi: a thupiek I zawp u leh Bangkim hihthei Lalpa ma a I thilhih teu leh kisulungkham taka I um sek u hi banga a phatchuom na?

ZEKARIA 7:3

Sepaihte Lalpa chun a thiempute leh thiemgaute kawm achun a gen u a: Tuma kum tam taka ka na hih bangin keimah kikawihchuom in tha ngana achu ka su’na, an ka ngawlh sek ding ahi dem? ti’n.

ISAI 65:5

Tichun, mi dangte kawmah, “Kiveng in la, ei hung naih kih, nang haw sang chun ka thiengtho ngâl u a,” a ti sek ui. Zie tawbang mite chuh ka nak a meikhu leh ni tum a meikuong tawbang ahiu hi.

ROME 3:27

Ahih leh, kisuonna ding khawi ah a um hi? Pawlam a khâk khum in a um tai. Bang dân in ahi die leh? Thilhih dân in ahi die? Hilo e; taksanna dân in ahi zawi.

ROME 3:20

Khutichun, Dan thilhih ziekin mi kuomah a mitmuh in thiem changin um puo’n au; Dan um ziekin gitloh hetna hung um ahi zaw ngâl a.

LUKE 15:28

Ziephet chun, a lungna ta a, In sung achun a lut nuom ta puoh a, tichun, a pa a hung pawt a, lut dingin a thêm ta a.

LUKE 15:30

Himahleh, zie na chapa, nawhchizuokte laka na sum chengcheng peimang zo pa hi a hung phetin, amah dingin bâwngno thau tak poh kha na thah sak vang vei a!’ a ti a, a dâwng a.