LUKE 15:28 - PATHIEN LEKHABU THIENGTHO (BSI)

²⁸ Ziephet chun, a lungna ta a, In sung achun a lut nuom ta puoh a, tichun, a pa a hung pawt a, lut dingin a thêm ta a.

LUKE 15:28 ပူးပေါင်းရင်းမြစ်များ

JONA 4:9

Himahleh, Pathien in Jona kawmah, “Um gui chungchâng ahin bang lungnatna ding na nei a ahim?” a ti a. Jona chun, “Ka nei na mah hi, thi hiela lungnatna dingin thuneihna ka nei hi!” a ti a.

1 SAMUEL 18:8

Chun, Saul chu a lungna mah mah a, thu kigen chun a sukipak hiel puoh a; “David chu a sing lam a that in a ngai u a, kei vang chu a sang lam chauh a that in ei ngai u a: lalgam tih loh ngâl bang danga a neih beh ding um nalai?” a ti a.

LUKE 15:2

Tichun, Pharisaite leh Danthuzikte chun, “Zie pa hin mi gilote a lawp a, a kawm u ah an le a ne sek hi!” ti’n a phunchiek tau a.

LUKE 7:39

Chun, a chiel pa Pharisai chun zie chuh a muh phetin a lungthim in, “Zie pa hi thiemgau a hih chun, a khawih nu hi kuo ahi a, bang tawbang mi ahih a het kilawm ahi a, migilo ahi ngâla” a ti a.

ISAI 66:5

Nang haw, amah kihcha a, a thu zawpte haw, Lalpa thugen hi a na ngaithau in: Na suohpih teu nanguh hun hawte leh ka min zieka hun nawhdawkte chun hiti hin a tiu a “Lalpa chuh pahchak in um hen” a tiu a. Himahleh, amau haw chuh hung muolpho ding ahiu hi!

ISAI 65:5

Tichun, mi dangte kawmah, “Kiveng in la, ei hung naih kih, nang haw sang chun ka thiengtho ngâl u a,” a ti sek ui. Zie tawbang mite chuh ka nak a meikhu leh ni tum a meikuong tawbang ahiu hi.

NASEPTE 14:2

Himahlele, awi nuom lo Judate chun, Jentel te chuh, a lunggil u a suohpihte haw dingin a tîlguu a.

NASEPTE 13:45

Himahlele, Judate’n mipite chuh a muh phet un, a mitthîp mah mah tau a; Paul thugen chuh a nielkalh u a, a zehawt ten tau a.

LUKE 24:47

amah min in, lunghei na thu leh gitloh ngaihdamna thu, Jerusalem khuo a kipatin, namtin kawmah gen in um ina,’ ti’n.

LUKE 13:34

“Aw Jerusalem, Jerusalem, thiemgau haw that, na kawma thupuo a hun sawlte suong a sep lum! Akpi’n amah note a tha nuoia a awp khum guolin, na chate bang zat vei a awp khum ka guot tâk kha! Himahleh na ut ngâl puou a.

LUKE 5:30

Chun, Pharisaite leh Danthuzikte chuh sinsakte chungah a phunchiek u a, “Bang zieka siehdawlte leh migilote kawma na nek u a na dâwn u a?” a tiu a.

MATTHAI 20:11

Tichun, a kilak phet un, a in neipa chunga chun a phunchiek tau a,

1 SAMUEL 17:28

Chun, a suohpih upapen Eliab in mite kawma a thugen chu ahun za a; tichun Eliab chu David chung achun a lungna phut ta a, “Bang zieka zie tak a hi hung suk na hi? Gamthip a belam tawmcha umte kha kuo na ven sak ahi? Na chapo zie leh na lungthim phatloh zie hi ka hêi; kido en dinga hung maimai na hi,” a ti a.

1 THESSALONIKA 2:16

Jentel te kawma hukdam a hung hih theihna ding u a, thu ka gen ding nasan uh ei khap sek uh a hi kha! Khutibanga chuh hihin, a gitloh tehnau chuh a sudim tau ui. Khutichun, Pathien lungnatna chuh a chungu ah a huoisie thei pên in a hungtung tai!

2 KORINTH 5:20

Khutichun, Krista sika palai ka hiu a, Pathien in keimauhaw ei mang in a hun nget na hiu hi tih theih ahi. “Pathien tawh na kicham un,” ti a Krista sika ka hun nget na hiu hi.

ROME 10:19

A hih leh, Israel mite’n a he puou a ahi leh? “Chi a gen kham loh te chuh mang in Nanguh hun thîk sak ing ka ting, Nam chinglote chuh mang in Nanguh hun sulungna’ng ka ting,” ti’n Mosi’n a gen masapen hi.

NASEPTE 14:19

Himahleh, Pisdia gama Antiokei leh Ikonium apat Judate khenkhat, tak achun a hung u a, mipite chuh a thempai u a, tichun, Paul chuh suongin a sep u a, thi dinga a ginchak ziekun, khuo a kipat chuh a kaidawk tau a.

NASEPTE 13:50

Himahlele, Judate chun numei zahum, Pathien khawksate leh, khuo a upahaw chuh a tîlguu a, Paul leh Barnabas chuh a bawlsiet sak u a, a gam u apat a nawhdawk tau a.

MARK 1:40

Chun, Isu kawmah phâk khat a hung a, “Na nawp chun, nei hih thiengtho thei hi,” ti’n a ângah khupdin in, hah nget in a ngên a.

LUKE 15:27

Suokpa chun a kawmah, ‘Na nau a hungkit a, na pa’n dam leh bit taka a muh kit ziekin bâwngno thau tak kha a thah ahi,’ a ti a.

LUKE 15:29

Himahlele, amah chun a pa kawmah, ‘En in, kum zie chanpi hi ka hun vaka, na thu lah ka awilo kha puoh a, ka guolte tawh lawpna ka siemna dingin kelno chakhat le nei pie kha ngut puoh a.

JEREMIA 35:16

Rekab chapa Jonadab suonte chun a suonteu thupiek a zui u a, zie chite vang hin chuh ka thugen a ngaitha puou hi.