LUKE 15:24 - PATHIEN LEKHABU THIENGTHO (BSI)

²⁴ Zie ka chapa hi a thi a, himahleh a hung hing kit ahi tai; a mang a, I muh kit uh ahi tai,’ a ti a. Tichun, kipâk takin a um pan tau hi.

LUKE 15:24 ပူးပေါင်းရင်းမြစ်များ

EPHESI 2:5

I sukkhelhna hawu zieka thi I hih nasan un le. Krista tawh thakhat in ei na suhing ta a. hehpihna ziekin hukdam na hi tau hi.

EZEKIEL 34:16

“A vakmangte chuh hawl ing ka ting, nawhmang a um haw chuh puikit ing ka, a liem haw chuh tuom ing ka ting, a zawngkhal haw chuh suhat ing ka; himahleh, a thau leh a hat haw chuh subei ing ka ting; thu dik in chawm ing ka.

KOLOSSA 2:13

Khatvei chuh, na gitlohnateu ziek leh, Jentel dân neilote na hih ziek un, thagau lama thi na hiu a. Himahlele, tuhin, Pathien in Krista tawh a hun sukhin khawm na hi tau hi. Pathien in I gitlohnateu chuh. ngaidam in,

LUKE 19:10

Mangthaite hawla hukdam dingin, Mihiem Chapa hi hung ahi him hi,” a ti a.

EPHESI 2:1

Malai khan nang haw le, na sukkhelh u leh na gitloh ziek u a thi na hih lai u khan, a hun sukhin na hiu hi;

LUKE 15:4

“Nanguh lak ah kuo’n le, belam za nei hen la, a laka khat mansak ta leh, sawmkuo leh kuote chuh gamthip a taihsan in, a mang chuh na muh kit masang sieh uh kuo a hawl lo a um ding?

LUKE 15:32

Himahleh, zie na nau hi a thi sa, a hung hing kit ahi a, a mang sa, I muh kit uh ahi ta a, ziezieka chuh, kipâk tak leh lawp taka I um dinguh a puo!’” a ti a.

ROME 6:11

Khutibang mah chun, nang haw le gitlohna thihsan a, Krista Isu tawh pumkhat in Pathien a dinga hing ka hi tau hi; ti’n kingai un.

ROME 8:2

Krista Isu a hinna thagau dân chun, gitlohna leh thihna dân apat chuh ei pawtsak ta ngâl a.

ROME 12:15

Kipakte chuh kipahpih unla, kapte chuh kahpih un.

ISAI 35:10

Tichun, Lalpa tatsate chuh vaikit un tin, lasa kawm in Zion chuh tung un tin; a lu chung u achun kumsawt kipahna um in tin, lawpna leh kipahna chang tau in tin, lungkham leh dahna cheng bei ta’n a.

JOHAN 11:25

Chun, Isu’n a kawmah, “Kei hi thawh kitna leh hinna chuh ka hii. Kuole, ei gingcha chuh, thi mahlele hing ina;

EPHESI 5:14

thil khawvak a suklata um ta chuh, vak a hi sek hi. Zieziekchun ahi, “Nang ipmu, hak inla, mithi lak apat tho in; Tichun, Krista chun hun salhvak ina,” ti a gena a um khah.

1 KORINTH 12:26

Khutichun, ka khat hin a thawk chun, ka chengcheng hin le a thuok sek ui, ka khat limbawla a um chun, ka dang cheng inle, a kipahpih sek ui.

1 TIMOTHE 5:6

Himahlele, meithai, amah nawpchenna lama kipie chuh, a damlai ngêi inle, a thisa ahi.

ROME 11:15

Amau haw paihthak na chuh, mihingte leh Pathien kicham kitna ahih chun, amau haw lawp kitna ding chuh, thihna apat hin kitna lo chuh banga hi ding?

ROME 6:13

Na sapum bâkkaiteu le diktatlohna hiem mata dingin gitlohna kawmah pie phal diek kiu in. Zieziekchun, mithi lak apat a hing kit guolin, Pathien kawmah kipieu inla, na sapum bâkkaiteu chule diktatna hiem mat dingin Pathien kawmah pie phal zawu in.

JOHAN 5:21

Pa’n mi thite a kai tho a, a hih hin sek guolin, Chapa’n le a ut ta poh a hih hing sek.

MARK 8:22

Chun, Bethsaida a hung tung u a; mitdûk khat a kawmah a hun pui u a, amah khawih dingin a ngên u a.

EZEKIEL 34:4

A zawngkhal haw la na suhat puou a, a damlo haw na sudam puou a, a keng bawng haw na tuom puou a, a vakmang haw na hun puikit puou a, a mang haw le na hawl diek puou a; khauh tak leh nunsie takin na enkawl zawu a.

THUPHUON 3:1

“Chun, Sardis khuo a sapchuom haw lawi vânsâwlchâk kawm achun hiti hin zik ah: “Pathien Thagau sagih leh, aksi sagih neipa khan zie thu haw hi a gen a hii: Na thilhih ziete ka hêi, thi zing ngâla, hing min na put hi.

JUDA 1:12

Ziete haw chuh, kihehpihna guolvakna a na kawmuh a a tel tieng uh leh, suongpi, tui chup suoksa tawbang ahiu a, lauhna zie helo, belam chinga amau kivakte tawbang ahiu hi. Meitang tui puo lo, huih mût lawn viel tawbang ahiu a, thinggah lo, chavang nasan ale gah lo, thing, a zung puma kibawtdawk ahiu a,

LUKE 10:19

Ngaitiem u! gulte, aikawmte tawhden theihna thu ka hun piek na hiu hi; tichun, bangma’n hun suna puo’n a.

THILSIEMBUL 45:28

Jakob chun, “A hun tai; ka chapa Joseph chuh hingledam a ana um nalai ahi hi; ka thih ma’n amah va mu’ng ka ie leh,” a ti tai.

ISAI 66:11

Tichun, lungmuonna nawitui chuh na chep u a, na lung-awih theihna dingun; chun, a lopina kiting tak chuh kipâk taka dangno keuh keuh a na dâwn theih na dingun.

MATTHAI 8:22

Himahlele Isu’n a kawmah, “Nei zui ah; mithi’n amau mithi kivuih u heh,” a ti a.

LUKE 9:60

Isu’n a dâwng a, “Mithi chun amau mithi a na kivuih u he’n, nang chieh inla, Pathien Gam thu va gen zak ah,” a ti a.

LUKE 15:23

Chuleh, bâwngno thau tak kha hun lau inla, that unla, ne khawm hiting un kipâk takin um hitiu!

LUKE 15:25

“Zielai chun, a chapa upa zaw chuh lo a um a hi a. A hung kita, In a hung tun ding kuon chun, thil githei kitum gi leh lam thawm a za ta a.