LUKE 15:15 - PATHIEN LEKHABU THIENGTHO (BSI)

¹⁵ Tichun, zie gam achun mi khat chuh a va bel a; zie pa chun vawk an pie dingin a lo lam ah a sawl a.

LUKE 15:15 ပူးပေါင်းရင်းမြစ်များ

TITA 3:3

Ei uh le makhan ngawl tak leh thu a nung lo leh, diklo I hiu a. Utchakna leh, nawpna tincheng suok a um I hiu a. I hinkhuou chuh mi muhdahna leh itthikna’n I mang uh a; mi dangte’n ei hawu a, ei un le mi dangte I hawt kit uh ahi.

ISAI 1:5

Bang zieka zêpa um a, kiphin nalai ding na him? Luchang chuh a pum in a na a, lunggil chule a pum in a chau zo tai.

MALAKI 2:9

Zieziekchun, ka lampite hawh na umloh bang u leh, na sinsak nau a khenchuom na neih bang zel un, mi chengcheng muhsit leh niem taka hun siem ding ka hi,” ti’n.

JEREMIA 5:3

Aw Lalpa, thutak chuh na muh nawp lam hilo ahim? amau chuh na zêp a, mahleh a lungkham diek puou; amau haw chuh a ne zo u a, thununna chuh a pawm nuom diek puou hi. A mai u chuh suongpi sanga tak zaw’n ahih u a, a kisik nuom diek puou hi.

ROME 6:22

Himahlele, tuhin chuh gitlohna lak apat kithiel dawkin, Pathien suokte na hung hih phet u hin, thienthona mu kham in, gah na hun nei tau apuo, a tawpna kumkhuo a hinna ngêi chuh.

LUKE 15:13

Chun, ni sawtlo cha nung chun, a neu zaw pa chun, a chansik cheng chuh a lakhawm suok kêi a, khuol gamla tak ah a chieh ta a, tak achun nawp chin helo in a um a, a sum chuh a peimang maimai ta a.

NAHUM 3:6

Muhsit-um takin hun bawl ing ka ting thil kihdak-um takin hun tuom ing ka. Tichun, mitin in kihdak takin hun en un au.

EZEKIEL 16:63

Khutichun, na thil hihsa chengcheng ngaihdamna ka hun siem sak tieng leh na hetzing a, na zahchâk zieka na kam na kât tâk lohna dingin,” Lalpa Pathien chun a tii.

EZEKIEL 16:52

Na suohpihnute aphazaw guola na kilatsak tâk ziekin nangmah ngêi in na muolphona chuh na puok ding ahi; amau haw sangin thil tenum nasa zaw haw chuh na hih a, na gitlohnate ziekin amau chuh nang sangin a fel zawu ahi; ahi, na suohpihnute apha guola na kilatsak ziek hin nangin muolphona chuh abawn a na chan ding ahi,” ti’n.

ISAI 57:17

A gitloh ziek u leh, a huoiham ziekun a chungu ah ka lungna a, ka gawt a, ka kiheisan ta a. Himahleh, genhak takin a um u a, amau lampi chiet ah a kiheimang tau hi.

2 KHANGTHUBU 28:22

A lungzînna a san deuh deuh phet chun, Ahaz hin Lalpa chungah thil a sukhiel deuh deuh mai ta a.

PAWTDAWKNA 10:3

Khutichun, Mosi leh Aron chuh Pharaoh kawm achun a valut u a, a kawmah, “Lalpa, Hebraite Pathien in, ‘Ka masang ah bang chan ahim kingainiem nuom lo a um na guot? Ka mite hin kei ei ho theihna dingun pawtsak in.

MATTHAI 7:6

“Uicha thil thienglim pie kiu; vawk masanga le na tuikawk suong uh paih kiu in, khutilochun chil sie khau in tin, kihei in hun pîk tel kha’n au.

LUKE 15:14

Chun, a neih chengcheng a mat zawh phet chun zie gamsung pumpi achun kiel nasatak mai a hung um ta a, nek ding a hung kitasam ta a.

LUKE 15:16

Khutichun, bang khat bul, vawk in a nêk hawu nasan a chuh kisukvah a ut hiel ta a, kuoma’n la bangmah a pie puoh ngâl u a.