LUKE 15:13 - PATHIEN LEKHABU THIENGTHO (BSI)

¹³ Chun, ni sawtlo cha nung chun, a neu zaw pa chun, a chansik cheng chuh a lakhawm suok kêi a, khuol gamla tak ah a chieh ta a, tak achun nawp chin helo in a um a, a sum chuh a peimang maimai ta a.

LUKE 15:13 ပူးပေါင်းရင်းမြစ်များ

JEREMIA 2:5

Lalpa chun hiti hin a tii: “Na pileputeu in kei ahin dikloh na bang a muu hi? Kei apat in gamla tak ah a chieh mang u a; thil thulimlo a delh u a, bangmah lo mai a hung hih u hi,

THUCHINGTE 29:3

Kuole, pilna ngaina chun a pa a sukipak sek a; himahleh, nawhchizuok kivawppihte vang chun a sum a mawk sukmangthai sek ui.

THUCHINGTE 21:17

Kuole nawpchenna thalah chuh chagah intin, uain leh sathau ngaina mi chuh hausa ngei puo’n a.

THUCHINGTE 28:7

Kuole dân vawppha chuh chapa pil a hi a; mi gawlsan te tawh kivawp vang chuh a nulepa zahchâkna ahi.

LUKE 16:19

“Chun, mineizo kuo ahim a um a, puon sandup leh patngatpuon a silh a, ni chengin nuomsa takin a um sek.

LUKE 16:1

Chun, Isu’n a sinsakte kawmah, “Mi neizo kuo ahim in sum vawp chuom khat a nei a. Zie pa chun a sum a vei man sakna chungchâng thu ah a hêk tau a.

LUKE 15:30

Himahleh, zie na chapa, nawhchizuokte laka na sum chengcheng peimang zo pa hi a hung phetin, amah dingin bâwngno thau tak poh kha na thah sak vang vei a!’ a ti a, a dâwng a.

MIKA 6:3

Lalpa chun, “Aw ka mite haw, na chungu ah banga ka hih le? Bang tiengin ahim nang haw ka hun suk lungkham? Ei hun dâwng tiem u!

JEREMIA 2:31

Aw khangthak te haw Lalpa thu hih ngaihsak un, Israel a ding chun gamthip tawbang ka hi a ahim? Bangti dana ka mite chun, ka pawt chien tau a, na kawmah hung vaikit ta puo’ng kau, a tih uh ahim?

JEREMIA 2:13

Ka mite’n thil phalo nih a hih ta ngâl u a, kei hinna tuikhuk ei taihsan u a; tui kitin na ding tuikhuk a lai u a, a tuikhuk laih u chuh a khi, tui kiting theilo ding chuh!

ISAI 56:12

“Amau chun, hung unla, uain va lai tingun, dâwn kham hitiu! I bawn un zu chîk tak dâwn in kisukham hitiu; zing khu tuni tawbang tho hi’n tin, nuom zaw nalai bawn ding ahi ngâla,” a ti chiet sek ui.

ISAI 30:11

Lampi hilo ah chieh un, lam sik ah pet un. Israel Mi thiengtho thu ka ngaitha nuom puou ui,” ti sekte ahi ngâl u a.

ISAI 22:13

Himahlele, kipahna leh, lawpna te, bâwng thahna leh belam thahna te, zu leh sa nekna na nei zawu a, “Nêi tingun dâwn hitiu, zing leh thi ding I hi ngâl u a,” na tiu a.

ISAI 1:4

E! nam gilo, manlohna a dim, thil phalo tak hih sek leh, migilo na hi! Na gitlohna chun a hun hihniem a Lalpa Israel Pathien thiengtho chuh na deih puoh a, amah chuh na kiheimangsan uh a, na nungchawn tau hi.

THUCHINGTE 27:8

Mi a In apat taidawk chuh, vacha a bu apat a lengmang tawbang ahi.

THUCHINGTE 21:20

Mipilte In achun neihlelam a um a, himahleh mi ngawl vang chun sum a muh matiem in a mang zo zieng sek hi.

THUCHINGTE 18:9

A nasep a mi zawmthaw chuh, amah susie dinga a inkuon nai ahi.

THUCHINGTE 6:26

Aziek chuh, numei zawlsai ziekin pasal topi chângthâk thêm a suok theia, zawlsainu chun hinna lul tak chuh bangmah lo a suoh sek hi.

SAM LEHKHABU THE PSALMS 73:27

Ngaitie, nang mah tawh gamla a umte chu beimang ding ahi ngâl un; A hun kilepsan ta cheng chu na sumang ta a.

2 PETER 2:13

A taksa utnau suktai na dinga, sun chang lai taka guolvak a kipei buoi chuh nuom a sak lam uh ahi a; na guolvaknau a a hung tel un, zahchâkna leh muolphona ahiu a, mithepna guolvak a tel a hih sek ziekun!

EPHESI 2:17

Khutichun, Krista chuh hung in, nanguh Jentel te, Pathien apat a gamla taka umte leh, amah naih taka um, Judate kawm achun, chamna Chanchin Pha chuh a hung gen tai.

EPHESI 2:13

Himahlele, tuhin, Krista Isu achun, nanguh gamla taka umte khah, Krista thisan chun hih naih in na hung um tau hi.

LUKE 15:12

a chapang zaw chun a pa kawmah, ‘Hepa, go ka chansik chuh ei pie’n,’ a ti a. Khutichun, a go chuh a kawm u achun a hawm ta a.

LUKE 15:14

Chun, a neih chengcheng a mat zawh phet chun zie gamsung pumpi achun kiel nasatak mai a hung um ta a, nek ding a hung kitasam ta a.