LUKE 14:27 - PATHIEN LEKHABU THIENGTHO (BSI)

²⁷ Kuole, amah kross pua ei zui lo chuh ka nungzui hi thei puo’n a.

LUKE 14:27 ပူးပေါင်းရင်းမြစ်များ

MATTHAI 10:38

Chun, kuole a kross pu a ei zui lo chuh ka mi hi hâwi ahi puoi.

MARK 10:21

Isu’n amah chuh a en a, a hehpih ta a, a kawmah, “Thil khat na vat nalai hi; chieh inla, na neih chengcheng zuok inla, mi neilahte kawmah pie’n, tichun, van ah go nei in la; chuleh, hung inla, ei zui ah.” a ti a.

2 TIMOTHE 3:12

Ahi, kuole, Krista Isu tawh kipumkhata, Pathien khawksak a um guo chun, sukgimtheihna haw chuh thuok ina.

NASEPTE 14:22

“Dahum tamtak thuokin, Pathien gam ah I lut ding him uh ahi,” ti’n, sinsakte haw lungthim a sudet u a, taksanna a chuh um zing dingin a tîl zel u a.

MATTHAI 13:21

himahlele amah a chuh zung a um loh ziekin, chawmcha chauh a um a, himahleh, thu ziek a chuh buoina ahim, sukgimtheihna ahim a hung tun tieng leh puk kit pai zieng sek hi ahi.

2 TIMOTHE 1:12

Zieziekchun ahi, zie thil haw hi ka thuok chuh. Himahlele, ka zakcha a puoi, ka taksan pên pa chuh ka he a, a kawma ka vawp sak chuh zie Ni a ding chun a vawppha thei hi tih chientakin ka he ngâl a.

JOHAN 19:17

Amah chun a kross chuh kiput in, “Luguh mun,” a tih uh, (Hebrai pau a Golgotha) kiti mun tieng chun a chieh ta a.

MARK 15:21

Chun, lampi achun mi khat, a min Simon kiti, a thingtâng apat a khawpi a hung chuh a muu a, zie chuh sepaihte chun Isu kross pu ding chun a pawngmat u a. (Simon chuh Kurini mi, Aleksandar leh Rufas pa ahi.)

LUKE 14:28

“Na lak u a kuo’nle.insang sak guo leu chin, a masapen in, chu zet a, sak zawhna kham sum na neih leh na neih loh uh, hisap phawt a, a man ding zat sut lo a kuo a um ding?