LUKE 14:23 - PATHIEN LEKHABU THIENGTHO (BSI)

²³ Ziephet chun, a pu chun a suokpa kawm achun, ‘Pawt inla, lamtuongpi leh daipâm haw achun le chieh inla, ka In dim na’n mi hun thêm lut hâm ah.

LUKE 14:23 ပူးပေါင်းရင်းမြစ်များ

KOLOSSA 1:28

Mi tin, Krista a chun phabukim a ka din sak theihna dingun, mi tin hilh a, mi tin, chitna tin chenga sinsak in, Krista thu ka gen sek uh ahi.

2 KORINTH 5:11

Khutichun, Lalpa lauhna zie he’n, mi dangte chuh ka zawl sek uh ahi. Pathien in ei he suok vek a, nang haw’n le, na lungthim tak uh a nei hetuh ka kinem hi.

2 TIMOTHE 4:2

Thu chuh gen ah, a hun inle, a hun lo in le, bawl zel ah; lungnem taka sinsak kawmin a mawhnau hetsak inla, gai inla, tîlkhoh ah.

2 KORINTH 5:20

Khutichun, Krista sika palai ka hiu a, Pathien in keimauhaw ei mang in a hun nget na hiu hi tih theih ahi. “Pathien tawh na kicham un,” ti a Krista sika ka hun nget na hiu hi.

KOLOSSA 1:23

Zieziekchun, bul nei a dettaka um in, Chanchin Pha na zak uh a kinepna apana kichawn mang lo in, taksanna achun um zing un. Zie Chanchin Pha khawvel a mi chengcheng kawma tângsappih a um kha, Kei Paul ngêi hi zie zenviel nasem a chuh pang ka hi.

ROME 10:18

“A hih leh, a bil un a za puou a ahi? Za e, a thawm u chuh leisiet chung cheng chenga chun a thang a, A thuu chuh vannuoi kil tin ah a thang suok tai.”

NASEPTE 28:28

“Zieziekchun, Pathien hukdamna thu hi, Jentel te kawma sawl ahi tai, tih zau in, amau haw chun vang a na ngaitha ding ahiu hi!” a ti a.

NASEPTE 18:6

Himahlele, a dodal u a, a gensiet phet un, Paul in a puon a thing a, a kawm u ah, “Na thihna mawh u chuh nangmau in kipuok un; kei vang ka thieng hi; tu a kipat Jentel te kawmah chieh ta’ng ka,” a ti a.

SAM LEHKHABU THE PSALMS 98:3

Israel inkuon te chunga a zaidawhna leh a muon um na a hezing zieng a: Kâwlmawng a micheng inle, ka Pathien uh hukdamna chuh a mu tau a.

2 KORINTH 6:1

Chun, kei u hi Pathien naseppihte ka hiu a, chun, nang u chun, Pathien hehpihna chuh bangmahlo a na kawih mai lohna dingun ka hun nget na hiu hi.

ISAI 11:10

Chun, zie ni chuleh hiti hi hung hi’n tin, Jessai zung, mitin tiemtehna dinga ding chuh, amah ngêi chuh namtin in dawp tau intin; a chawlhna mun chuh lopi ina.

NASEPTE 9:15

Himahlele, Lalpa chun a kawmah, “Chieh mai ah, Jentel te, lengte, Israel suonte kawma ka min puok lutna dinga ka bel guot ahi a puo!

MATTHAI 21:43

“Zie ziek tak chun, ‘Pathien gam chuh na kawm u apat a lâksak hi’n tin, a hung gah dawk ding nam khat kawma piek hi’n a,’ tih ka hun hilh na hiu hi.

ISAI 27:13

Zie ni chuleh, Asuria leh Aigupta gama nawhdawka umte sap khawm kitna dingin, pengkun lopi tak chuh mût untin, tichun, hung khawm un tin, Jerusalem a Tang Thiengtho achun Lalpa chuh ho ta’n au.

MALAKI 1:11

Ni suohna apat ni tumna tiengin Jentel te lak achun ka min chuh a lopi ngâla. Mun tin a a umnau chengah gimlimte ka kawma hâl in, kithawihna pawmtâkte a lân u a!

SAM LEHKHABU THE PSALMS 110:3

Na tâng thiengtho a na mite ma na hun puih tieng leh: Thiengtho kilawmna a zinglam gilsung a kipatin, Na khangdawng dâichîm chu na kieng ah hung un au.

NASEPTE 16:15

Chun, amah leh a inkawte’n baptistma a chan zawh un, “Lalpa taksang takzet hi a nei ngaih u chun, ka In ah hung tung un,” ti’n hah nget in ei ngên a, ei thoh ta a.

LUKE 24:29

himahleh, amau chun a thoh u a, “Kei u kawmah um ah, vai le a vaigei ta a; nisa le tum ding ei ta hi,” a tiu a. Khutichun, amau kawma um ding chun a chieh ta a.

MATTHAI 5:41

Kuon le, mel khat chieh dinga a hun ngek leh mel nih chieh un.

LUKE 14:22

A suokpa chun a kawmah, ‘Hepu, na tih guol chun ka hih ta a, himahleh mun chuh a âwng nalai zing hi,’ a ti a.

LUKE 14:24

Ka hilh na hii, ka mi chielte khat chan le, ka guolvakna an ne puo’n au,’” a ti a.