LUKE 14:13 - PATHIEN LEKHABU THIENGTHO (BSI)

¹³ Guol na vak tieng leh, neilahte piensuolte, kêngbâite, mitdûkte, chiel zaw’n;

LUKE 14:13 ပူးပေါင်းရင်းမြစ်များ

LUKE 14:21

Tichun, suokpa chuh a kilehkit a, zie thu haw cheng chuh, a pu chuh a va hilh ta a. A pu chuh a lungna mah mah a, a suokpa kawm achun ‘Kin takin chieh inla, khawlai leh ning tin achun chieh inla, chagah te, piensuolte, mitdûk te, kêngbâi te taka hin hun puilut hâm ah,’ a ti a.

ISAI 58:10

Gilkielte a dinga na kiphal a, tasamte na suktai chun, na kimvela thimnate chuh sunlai bangin vak intin; na thim melmul na chuh sun tawbang hita’n a.

THUCHINGTE 14:31

Mi chagah sugimthei chuh a Siempa musit ahi a, himahleh tasamte khawmtuoh chuh a Siempa limbawl ahi.

ISAI 58:7

Eimah an mi gilkielte kawm hawp leh, gimthei kinawhdawk haw eimah In a puih hi hilo maw? Sangawn a umte puona khuh leh, eimah sa tawbang pute kawma kiselguk loh hi ahi puoh a ahim?

HEBRAI 13:2

Malzin bawlphat ding hengilh kiu in. Khutibang phatna apat chun, a bangin, hetloh hielin vânsâwlchâk tunsak a na hi kha thei sek uh ahi.

NEHEMIA 8:10

Khutichun, amah chun a kawm u ah, “Chieh unla, a thau thau neu unla, a thum thum dâwn unla, bangmah neilote dingin chanvo thâk un. Tuni hi Lalpa a dinga thiengtho ahi ngâla. Lungkham kiu in, a ziek chuh Lalpa a na kipahna u chuh na hât nau ahi ngâla.”

MATTHAI 22:10

Tichun, zie suokte chuh a pawt u a, lampi haw achun a va chieh u a, a muh tâk phawt u chuh, migilo hileh, mi pha hileh, a hun puikhawm tau a, tichun, guolvakna indan chuh a mi chielteu chu a hung dim ta a.

DAN NIHNA 16:14

Na kut nau a chuh, nang u leh na chapateu leh na chanuteu tawh, na suokte tawh, na khuou a um Levi mite leh gam chuom mite tawh, nauchagahte leh meithaite tawh, kipâk taka na um dinguh ahi.

1 TIMOTHE 5:10

thilpha hih lama mi pahchak a um; numei, a chate phataka dâwn tei a, malzinte a In a na lawp thiem a, mi thiengthote keng a na sil sak a, mi lunggimte na khuotuoh a; amah mawng thilpha hihna lama kipumpiek mi hi ding ahi.

DAN NIHNA 16:11

Lalpa na Pathien un a Min umna dinga a tel ding mun achun nang u leh na chapateu leh na chanuteu tawh, na suokpateu leh na suoknu teu tawh, na khuou a um Levi te tawh, chun, na lak u a um gam chuom mite leh nauchagahte leh meithaite tawh Lalpa na Pathien u maa chuh kipâk taka na um dinguh ahi.

DAN NIHNA 14:29

Na lak u a bangmah chanvo leh gochan neilo Levi te leh gam chuom mite leh nauchagah te leh meithaite chuh a hung u a, a nek u a, a tai theihna dingun; khutia chuh na hih u chun na khut nasepteu chengcheng achun Lalpa na Pathien un hun vangsak ding ahi.

1 TIMOTHE 3:2

Khutichun, sapchuom lamkai chuh, paulap bei, zi khat nei, kikhitthei, lungthim diktak pu, mi kitûp, mi lawpdan thiem, sinsak dân thiem,

JOB LEHKHABU THE BOOK OF JOB 29:13

Mangthai ding kuonte hamphatna ka chungah a tung a, Meithaite lunggil le kipâkin la ka sak sak a.

NEHEMIA 8:12

Tichun, a kawm u a dân thu kisimdawk chuh a hetthiem ziekun, mipite chuh a chieh tau a, a ne’n a dâwn u a. midang te chanvo ding a thâk u a; guolvakna thupi tak a siem tau hi.

2 KHANGTHUBU 30:24

Chun, Juda lengpa Hezekia chun mipite nek dingin bâwngchal sangkhat leh belam sangsagih a pie a, milien ten le mipite chu bâwngchal sangkhat leh belam singkhat a pieu a, thiempu tamtak te a kisuthiengtho u a.

2 SAMUEL 6:19

Chun, mipi chengcheng, Israel mipite chu a mei a pa’n mitin chângthâk tang khat leh sa pheh khat leh grep phogawt bawk khat a hawm chiet a.

TITA 1:8

Mi lawpdan thiem, a phalam deih mi hi ding ahi. Amah kithunun thei, diktaka um, thiengtho leh kisawizawi mi a hih ding ahi.

PHILIMON 1:7

Suohpihte, na lungsietnau chun lawpna nasatak leh, tîlkhohna nasatak ei pie ahi! Mi thiengtho cheng chengte lunggil chuh na chawkhalh tau hi.

NASEPTE 9:39

Tichun, Peter chuh a kipan a, a kawm u ah a chieh ta a. A tun phetin indan chungnung achun a puito u a; meithai chengcheng chuh a kienga dingin, Dorkas a kawm u a a um laia, a puonâk khuih haw chuh etsak kawmin a kap u a.

LUKE 11:41

Khutichun, na khawn u leh na kuong sungteu a um chuh mi chagahte kawmah pieu in, tichun, thil bangkim chuh nang haw adi’n thiengtho ding ahi.

THUCHINGTE 22:9

Mi thilphal chuh vangsak in um intin, a chângthâk mi gimtheite a kikawppih sek ziekin.

MATTHAI 15:30

Chun, mipi nasatak a kawmah a hung u a, kêngbâite, mitdûkte, pautheilote, piengsuol haw a kawmah a hung u a, a keng bul ah a kawih u a, tichun, a na hihdam ta a.

LUKE 14:12

Isu’n mi chiel pa kawma chun le, “Sun ahim, zan ahim a guolvakna na siem tieng leh, na guolte ahim, na suohpihpa ahim, na inkawte ahim, na inveng mi hausate ahim chiel ki’n; khutilo chun hun chiel thuk kit untin, na thilhih chuh hun din kit khel khel un au.

LUKE 14:14

Ziete haw chun ditna ding ahun neih loh ziekun, vangsak in um inla. Mi phate, thihna apat a a thawh kit niu chu leh Pathien in hun din kit ding ahi ngâl a,” a ti a.