LUKE 13:25 - PATHIEN LEKHABU THIENGTHO (BSI)

²⁵ In neipa chuh hung tho intin, kawt chuh khâk intin: tichun, nang haw’n pawlama dingin kawtkhak na kiuh u a, ‘Lalpa. Lalpa, kawt ei hawn sak ah,’ na tih tieng u leh, ama’n hun dâwng intin, ‘Khawi lam mi na hih uh ka hun he kha puoi!’ ti’na.

LUKE 13:25 ပူးပေါင်းရင်းမြစ်များ

THILSIEMBUL 7:16

Chun, Pathien in a kawm u a thu a piek guolin Phehlevo nei chengcheng laka anu leh achal zelin a lut u a; chun Lalpa’n amah chuh a khakkhum ta a.

SAM LEHKHABU THE PSALMS 32:6

Khutichun, Pathien limsak mitin in hawl baihlam a a um lai in, na kawmah paucham chiet u hen; lungkham na tui a hung kinawk tieng lele amau chuh chup pai zieng puo’n a.

ISAI 55:6

Muh baihlam a a um lai in Lalpa chuh hawl unla, a naih lai hin sam un!

MATTHAI 25:41

“Zie zawh chu leh, a veilam a mite kawm achun, ‘Hansie dawlte haw, kumkhuo mei, Diabol leh a sawlchakte dinga a guot sak uh achun nei chieh mangsan un.

LUKE 13:27

Himahleh ama’n, ‘Khawi lam mi na hih uh ka hun he kha puoi, nanguh thil gilo hih chengcheng te haw, ka kawm apat in chieh mang vek un,’ hun na ti’n a.

LUKE 3:8

Khutichun, lunghei melpu kham in gah un. Abraham ei suonpa ahii ti’n, na lungthim un ngaihtuoh mai kiu in; Pathien in zie suonghaw hi Abraham suon in a suoh sak thei hi tih ka hun hilh na hiu hi.

LUKE 6:46

Chun, nangun ka thu zawp sâm lo a, bang zieka Lalpa, Lalpa, nei tih sek uh a?

2 KORINTH 6:2

“Hun kipah-um ah ka hun hungaih a, Hukdamna ni ah ka hun panpih hi,” a ti ngâl a. Ngaitiem u, tuhi pawm hun chuh ahi a; ngaitiem u, tuhi hukdamna ni chuh ahi.

HEBRAI 12:17

Zie nung chun, vangsakna chuh muh nuom in, mittui luong kawmin phachuomngai takin hawl mahleh, kisikna hun a muh loh ziekin, nawhmang in a um tai tih, na he ngâl u a.