LUKE 13:24 - PATHIEN LEKHABU THIENGTHO (BSI)

²⁴ “Kawtkhak chîp achun lut guo hâm un; ka hilh na hiu hi, mi tamtakin lut guou untin, himahleh lut thei ngâl puo’n au.

LUKE 13:24 ပူးပေါင်းရင်းမြစ်များ

THUCHINGTE 14:6

Muhsit chîng mi chun pilna chuh a hawl sek a, a mu diek puoh a, himahleh, hetthiemna neite ding chun vang pilna hi baihlam taka muh ahi.

THUCHINGTE 21:25

Mi thadah duhthusam chun amah a that sek a, a khuta nasep ding a ut loh sek ziekin.

THUGENPA 10:15

Khawpi zawtna lampi a hetloh ziekin, mingawl chun chawl takin na a sem sek hi.

ISAI 1:15

“Tichun, paucham a na khutteu na zak tiengu lele hun kiheimang san ing ka ting. Tamtak vei na paucham tiengu lele hun ngaitha puo’ng ka; na khutteu chuh thisan in adim ngâl a.

EZEKIEL 33:31

Chun, ahawn in na kawmah hung intin un, ka mite bang mai in na ma ah chu’n tin un, na thu chuh ngaitha’n tin un, ahihziekin hih taktak diek puo’n au: a kam un hehpihna nasatak nei guolin kilang intin un, ahihziekin, a lunggil un amau lawkna ding chauh delh zaw chiet in au.

MATTHAI 11:12

Baptist Johan um apat tuni tieng hin van gam chun thagum suoh a dona a na thuok sek a, thagum suoh mangte chun a na lak guo sek ui.

LUKE 13:23

Chun, kuo ahim in a kawmah, “Hepu, mi tawmcha chauh hukdam hi ding maw?” a ti a. Isu’n a dâwng a,

LUKE 21:36

Zieziekchun, zie thil hungtung dingte chuh pel tâk leh Mihiem Chapa masanga ding tâka guot na hih theihna dingun, bangtik lai inle paucham kawmin khawningai un,” a ti a.

JOHAN 13:33

Naute haw, na kawm u a um sawt lo ding kei tai. Nang un nei hawl un na tin uh, himahlele, Judate kawma, ‘Ka chiehna ding ah hung thei puo’n lau’ ka tih guol khan, tu’n khuti mah chun, na kawm u ah ka gen a hi.

JOHAN 5:4

A châng châng leh Lalpa vânsâwlchâkte dîl achun a hungsuk u a, tui chuh a hung chawk sek u a, tui kinawk tienga damlo chawmlut masapen chuh bang natna hilele a dam zel sek hi.

JOHAN 6:27

An khadang a mang mai ding delh in phe phe kiu in, himahleh kumkhuo a hin chana um ding an, Mihiem Chapa’n a hun piek ding chuh delh in phe zawu un: Pa Pathien chun amah chuh a melchik ta ngâl a,” a ti a.

JOHAN 7:34

Nangun ei hawl un na tin uh, ei mu ngâl puo’n lau; ka umna a le hung thei puo’n lau,” a ti a.

JOHAN 8:21

Chun, Isu’n a kawm u ah a gen kit a, “Chieh mang ding ka hi; ei hawl un na tin, himahleh, na gitlohnau nei zingin thi’n lau. Ka chiehna ding ah hung thei puo’n lau,” a ti a.

ROME 10:3

Pathien diktatna helo in, amau haw diktatna sukdet guo’n, Pathien diktatna nuoia a kitulut ngâl puou a.

KOLOSSA 1:29

Zie chuh hih zo dingin, keimah a sem sek, Krista’n hatna lopitak ei piek chuh mang in ka sem hâm hâm sek a hii.

HEBRAI 4:11

Zieziekchun, kuo ahim khat zie ginchak lohna etsakna banga um a, a puk loh na dingun zie chawlhna a lut ding chun phachuomngai hitiu.

JOSHUA 7:3

Chun, Joshua kawmah a vaikit u a, a kawmah, “Mi chengcheng in va do khel ngai puo’n a; mi sangnih ahim, sangthum ahim sawl inla, Ai khuo chuh do u hen; mi chengcheng va kisukchawl khel ngai puo’n a; khawpi neucha ahi ngâl a,” a tiu a.

2 PETER 1:10

Zieziekchun. suohpihte, Pathien hun sapna leh hun têlna chuh sudet dingin thatnawp suoh zawsem un; ziehaw chuh na hih uh le vang, bangmah tikin puk puo’n lau.