LUKE 12:5 - PATHIEN LEKHABU THIENGTHO (BSI)

⁵ Amahvang chuh, na lauh ding pên u chuh hun hilhkhawl ing ka: a thah nung ale, gawtmun a paih lut theihna ding thuneihna neipa chuh lau un, ka hilh na hiu hi, amah chuh na lauh dinguh ahi.

LUKE 12:5 ပူးပေါင်းရင်းမြစ်များ

2 PETER 2:4

Chun, Vânsâwlchâkte’n thil a sukkhelh lai uh khan, Pathien in a hâwi puoh a, gawtmun ah a paih lut vek a, a chungthuu chuh vainung leh tan sak dingin a sit a, kawkhuk thim ah a khum tai.

MATTHAI 10:28

Chuleh, sapum that a thagau that theilo haw chuh lau kiu in la; zie sang chun, Gehen a thagau leh sapum sumang thei vang chuh lau zawu in.

THUPHUON 14:7

Chun, Pathien chuh aw ngeih tak in, “A vaihawm phat chuh a hungtun tâk ziekin, Pathien chuh lau unla, a lopina chuh pakchau un! Vante, leisiet te leh tuinakte siempa chuh ho un!” a ti a.

HEBRAI 10:31

Pathien hing khuta kiek chuh thil tizat-um tak ahi!

SAM LEHKHABU THE PSALMS 9:17

Minunsie te chun Sheol zuon un tin, Nam Pathien hetngilh te chengcheng chu tawh.

THUCHINGTE 14:26

Lalpa kihchakna chun mi amah kimuonna a pie a, himahleh a chate chun kihukbitna mun nei in au.

THUPHUON 20:14

Chun, thihna leh mithi khuo haw chuh, meidil achun a paih tau hi. Zie meidil chuh thih nihna chuh ahi.

1 THESSALONIKA 4:6

Zie lam thu achun, kuoma’n, suohpih te chungah thilhih gilo in, lemchâng hawl kihen. Zie tawbang thil hihte chuh Lalpa’n gawt ngêi ding ahi, ti a nasa taka ka hun hetsak masak sau khah ahi ta ngâla.

MATTHAI 25:41

“Zie zawh chu leh, a veilam a mite kawm achun, ‘Hansie dawlte haw, kumkhuo mei, Diabol leh a sawlchakte dinga a guot sak uh achun nei chieh mangsan un.

THUPHUON 15:4

Aw Lalpa kuo a na min zah lo a, Pakcha lo ding? Nang mai a Thiengtho na hii; Na thilhih diktatte chuh a kiphuon tâk ziekin, Namtin cheng chuh hung in, Nang hun ho un au,” tih hi a sau a.

MATTHAI 5:22

Kei chun chuh, ‘Kuole a suohpih chunga lungna ta chuh vaihawmna a dingin lauhthawng-um takin um zing un tin’; kuole a suohpih kawma, ‘Raka’ ti ta chuh vaihawmte thutan saka um in lauhthawng-um takin um zing untin; chun, kuole ‘More’ ti ta chuh Gehen meia paih lauhthawng-um takin um un au, tih ka hilh na hiu hi.

JEREMIA 5:22

Nei kihcha puou maw? Lalpa’n a tii. Ka masang ahin kithing lo ding na hiu maw? Kei hi luipi guom panga dinga sehpho kumlekhuo a a let loh na dinga siempa chuh ka hi.

MATTHAI 25:46

Tichun ziehaw chuh kumkhuo gawtna ah chieh un tin, mi diktatte vang chuh kumkhuo hinna ah chieh un au,” a ti a.

JEREMIA 10:7

Aw namte leng, kuo a nang hun kihchalo ding? Zie chuh nangin na phu him a. Namte miching haw lak leh lalgam haw laka le, nang tawbang kuomah a um puoi.

MARK 13:23

Himahleh, chingthei u! a hun tun ma’n bangakai ka hun hilh masak na hiu hi.

JEREMIA 41:18

Tichun, Nethania chapa Ishmael chun Ahikam chapa Gedalia, Babulon leng in zie gam awp a a kawih chuh a thah ziekin a mau chuh a lau mah mah zieng ta ngâl u a.