LUKE 12:42 - PATHIEN LEKHABU THIENGTHO (BSI)

⁴² Lalpa’n a dâwng a, “Suok ginum tak leh ching tak, a pu’n a in sung thilte chunga lawiupa leh, a an chan dinguh hawp sak dinga a siem chuh kuo pên ahi die leh?

LUKE 12:42 ပူးပေါင်းရင်းမြစ်များ

HEBRAI 13:17

Na chunguh a lawiupate thu’n nung un la, a thu thuu in um un. na chungthuu gen ding a hih ziekun, chawllo in, na thagau uh a hun ven sak uh ahi ngâl a. A thuu na zawp uh chun vang, kipâk kawmin na sem un tin; khutilo a, lungkham tak kawma a gen u chun chuh, nang haw dingin khawk ding ahi ngâla.

HEBRAI 13:7

Na lawiupau, Pathien thu hun hilh sekte chuh hezing un la, a nunchan uh a thil a thawhdawk teu chuh ngaihtuoh in, a taksan zawh danteu chuh entawn un.

2 TIMOTHE 4:2

Thu chuh gen ah, a hun inle, a hun lo in le, bawl zel ah; lungnem taka sinsak kawmin a mawhnau hetsak inla, gai inla, tîlkhoh ah.

1 TIMOTHE 5:17

Sapchuom upa vaihawm phate chuh a lehnih a limbawl kham a ngaih hiu hen; thugen leh sinsakna lama semgimte vang chuh, limbawl kham a ngaih hi diek u hen.

1 PETER 4:10

A mitakip in, thilpiek na muh dungzui un, Pathien lungsietna tincheng vawp sawntawlawi phate bangin, zie chun kizenviel tuoh chiet un.

TITA 1:7

Sapchuom lamkai chuh Pathien nasep enkawl pên a hih ziekin dem umlo a hih ding ahi. Amah kithusak, lungna vak, zungawlvei nuom, mivelh nuom, lepna diklo a huoiham mi hi lo ding ahi.

NASEPTE 20:28

Pathien sapchuom haw, amah thisan a a châwkte chuh vak dingin, nangmau haw leh na belam hawnteu chung achun chingthei un, Thagau Thiengtho in amau haw enkawl dinga a hun siem na hiu hi.

MATTHAI 20:8

“Tichun, nitâk a hung hih phetin, grep huon neipa chun a sum vawp pa kawmah, ‘Nasemte kha sam inla, amasapen a pat in a nunung pên gei in a lawh uh pie’n,’ a ti a.

EZEKIEL 34:3

A nawitui khal na neu a, a mul in na kivan u a, a thau thau chuh na that u a, belam haw chuh na vak puoh ngâl u a.

ISAI 50:4

Lalpa Pathien chun, hatlote chuh ka sukhat theihna dingin ka thugen dingte chuh ei sinsak a. Zingkal chengin ei phawng halh a, ka nakhang ahin ei suhalh seka, A sinsakna te chuh ka hethiem deuh deuh a.

THUCHINGTE 15:23

Dawnna dik chun mi a sukipak a, a hun dik taka thugen chuh bang tienga pha ahi ta’m!

HEBRAI 3:5

Chun, tunung a Pathien in thu a gen ding haw chuh gen dawkin, Mosi chuh Pathien inkawte laka zenviela pang taksanum tak a hung hi tai.

1 TIMOTHE 3:15

Himahlele, ka hung hak khakpalh leh, Pathien inkawte laka mi chuh, bangtia um ding ahim tih, na het theihna dingin ka hun zik ahi; ziehaw chuh Pathien hing sapchuom, thutak khuom leh kingakna chuh ahiu hi.

LUKE 7:13

Chun, Lalpa chun meithai chuh a muh phetin, a lunggil chun a lainat mah mah ta a, tichun, a kawmah, “Kap ki’n,” a ti a.

MATTHAI 13:52

Chun, amah chun a kawm u ah, “Khuti ahih chun, dân thu zik van gam lampi sinsak a um ta chuh, In nei, a gobawm apat a thil thak leh thil lui suohdawk zing sek bang chuh ahi,” a ti a.

JEREMIA 23:4

Amau haw ngaihsak ding belampu kawih sak ing ka ting, lau kit ta puou un tin, lungkham diek ta puou un tin uh, a mangthai himhim le um diek ta puo’n au, tih hi Lalpa kamsuok ahi.”

THUCHINGTE 27:18

Kuole theipi kung enkawl chun a gah ne’n tin, zie tawng chun, a lawiupate vengpha chuh limbawl in um in a.

THUCHINGTE 31:15

Phalvak masang in a tho a, insung mite nek ding a pie sek a, a suok numeite sep ding le a guonggalh sek hi.

LUKE 7:19

Lalpa kawm achun a sawl a, “A hung ding kiti chuh na him, awleh mi dang ka na ngâk nalai ding um?” ti’n.

LUKE 12:43

A pu In a a hung phata, suok zie tawbang hih a a muh chuh mi hampha ahi.

PAWTDAWKNA 36:4

Khutichun, mun thiengtho a na chuom chuom sem, mi khutthiemte chuh a nasepna mun chiet u apat chun ahung u a,

THUCHINGTE 12:8

Mi chuh a pilna bang zelin pahchak in a um sek a, mi luhlulte vang chuh muhsit in um in au.