LUKE 12:32 - PATHIEN LEKHABU THIENGTHO (BSI)

³² “Lawi tawmte haw, lau kiu in, nang haw kawma gam piek ding hi na Pau kipahlam tak a hi ngâl a.

LUKE 12:32 ပူးပေါင်းရင်းမြစ်များ

HEBRAI 12:28

Khutichun, lalgam suklîng zawh loh I chan ziekuh hin kipâk hitiu. Zieziekchun, zah leh ginggek kawmin Pathien kipah lam nasem hitiu.

THUPHUON 1:6

tichun, a Pathien leh Pa lenggam thiempu nasem dingin ei siem ta a. A hii, Isu Krista kawm mawng achun, lopina leh vaihawmna chuh kumkhawtuong in um hen. Amen.

PHILIPPI 2:13

Amah kipahlam hih ut ding leh thu zawp dinga nangmau a sem pên chuh Pathien a hi ngâl a.

LUKE 10:21

Zielai tak chun, Isu chuh Thagau a kipahna’n a hih dim a, “Aw hepa, lei leh van Lalpa, nangin mi ching leh bilpilte kawmah zie thu hi na îm a, mingawngte kawma na phuon ziekin ka hun pakchâi. Ahi, hepa, nangin zie chuh na kipahna lam ahi ngâla.

MATTHAI 25:34

Zie phat chu leh Lalpen chun a changlama mite kawm achun, ‘Ka pa vangsakte haw, hung un la, khawvel kisiem tûng apat nang u dinga guotsa chuh luoh un.

ISAI 40:11

Amah chun belam chingpa bangin, a belamte chuh veng intin; belam note chuh a khut nih in pawm intin, a ângsung ah kawih in tin, chun, a pi-nokaite chuh awlcha cha’n chiehpih dên dên ina.”

2 THESSALONIKA 1:11

Zieziekchun ahi, nang haw ka hun pauchampih zing sek uh. A hun sapna mu taka na hin theihna dingun, I Pathien uh kawm achun ka ngên sek u a. A thilhih theihna chun, phatna na deih chengcheng u leh, taksanna zieka na nasep cheng chenguh chuh hun sukbukim sak ta he’n.

2 PETER 1:11

Khutibang chun, I Lalpau leh Hukdampa Isu Krista kumkhuo lalgam a lutna dinga thuneihna bukim chuh pieka um ding na hiu hi.

MATTHAI 14:27

Himahlele, Isu’n amau haw chuh a na hopih zieng a, “Lungmuong takin um un; kei ka hi a puo, lau kiu in,” a ti a.

JEREMIA 3:19

Ken vang nam tamtak laka goluoh ding phapen, gam nuom tak mai hun pieka; cha le naute laka hun kawih ka nawp zie mai chuh! Hepa ti a nei sap a, nei zuih na a petmang lo dingin ka hun gingcha a.

THUPHUON 22:5

Zie tak achun zan um ta puo’n tin, thaumei vak leh nisa ngai ta puo’n tin uh; Lalpa Pathien chun amau salhvak ding ahi ngâla; tichun, kumkhuotuong in vaihawm ta’n au.

2 THESSALONIKA 1:5

Ziehaw chuh, Pathien gama um hawia guot na hiu ui tih. Pathien vaihawmna dik kiphawtchienna ahi a, zie gam zieka chuh thuok na hi him ui.

ROME 6:23

Gitloh man chuh thihna ahi ngâl a, Pathien thil thawnpiek vang chuh, I Lalpau Isu Krista zal chun kumsawt a hinna ahi.

JAKOB 2:5

Ka suohpih deihtakte, ngaitiem u, Pathien in zie khawvel thila chagahte hi, taksanna lama neizo ding leh, amah hehpihte kawma a gam tiem chuh luoh dinga a tel hilo a hi?

JOHAN 18:36

Isu’n a kawmah, “Ka lalgam chuh zie khawvel hih a hi puoi; ka lalgam chuh zie khawvel hih a na hi leh, kei ei zuite chun, Juda thuneitu te kawma pieka ka um ding chuh a na do ta’n au. Himahlele, ka lalgam chuh zie khawvel a hih ahi puoi!” ti’n a dâwng a.

ISAI 41:14

Nang tangtel tawbang chauh Jakob, nang ganhing neu tawbang Israel, himahleh, lau kiu inla, hun panpih ding ka hi. Kei, Israel Pathien Thiengtho, a hun hukdawktu chuh ka hi ngâl a.

MATTHAI 20:16

Khutibang chun, anunung pên te le amasapen hung hi’nau, amasapente chu le anunung pên hung hi’nau,” a ti a.

MATTHAI 7:15

“Thiemgau lêmte lak achun chingthei un, ziete chuh belam vun silh in na kawm u ah a hung sek u a, a sunggil lam u chulah ngei gawlham tak tawbang ahi ngâl u a.

ISAI 53:6

I bawn un belam guolin I vakmang u a; mitin eimau lampi chiet ah I kihei tau a; himahleh, I gitlohnau chuh Lalpa’n amah chungah a nga a, I thuok sik un a thuok ta a.

NASEPTE 20:28

Pathien sapchuom haw, amah thisan a a châwkte chuh vak dingin, nangmau haw leh na belam hawnteu chung achun chingthei un, Thagau Thiengtho in amau haw enkawl dinga a hun siem na hiu hi.

NASEPTE 20:29

Ka chieh nung leh, ngei hâng haw na laku ah hung lut untin, belam hawn chuh sit puo’n au tih ka hêi.

1 KORINTH 1:21

Pathien in a chitna chun, mihiemte’n chitna manga amah a het theih loh nung un thugen ngawlhuoi manga gingchate hukdam chuh, Pathien in pha a sa ta a.