LUKE 11:9 - PATHIEN LEKHABU THIENGTHO (BSI)

⁹ Khutichun, ka hun tih na hiu hi; Ngên un, tichun piek in um unlau; hawl un, tichun mu’n lau; kiu un, tichun hawn sak in um unlau.

LUKE 11:9 ပူးပေါင်းရင်းမြစ်များ

MARK 11:24

Zieziek hin ka hun hilh na hiu hi: Bang ahim khat ngên a na paucham tieng u leh, na nget u chuh a mu sa’n kingai un; tichun, na nget tâk u chuh piek in um un lau.

MATTHAI 21:22

Chuleh, bangakai, gingcha kawma na nget tâk phawt u chuh mu’n lau,” ti’n a dâwng a.

JOHAN 15:16

Nangun nei tel puou a, ken ka hun tel zawk na hiu ui; chieh a, sawttak a um zing dinga tamtak a va gah dingin ka hun guot na hi ngâl u a. Khutichun, ka min a Pa kawma na nget tak uh hun pie zel ina.

JOHAN 15:7

Nanguh keimah a na um zing u a, ka thu le nangmau a a um zing chun, na deih chenguh ngên un, nang u dingin hihin um ina.

JOHAN 14:13

Chun, ka min a thil bang hitaleh na nget u chun, hih zel ing ka, ti a chuh Chapa zieka Pa limbawla a um theihna dingin.

1 JOHAN 3:22

Khutichun, a thupiekte I zawp ziekuh leh, amah kipahlam tak I hih sek ziekun, I nget takphawt uh chuh a kawm apat I mu sek ui.

JAKOB 1:5

Na lak uh a kuo’n le, chitna a tâksap chun, mi chengcheng kawma gailo leh it lo a pie sek pa Pathien kawmah ngên hen, khutichun, piek in um ina.

SAM LEHKHABU THE PSALMS 118:5

Ka lungzînna a kipatin Lalpa chuh ka sama; Lalpa chun ei dâwng a, mun awngthawl tak ah ei um sak ta a.

JEREMIA 29:12

Chun, ei sam un na tin uh, ka kieng ah paucham un na tin, hun ngaitha ding ka hi.

HEBRAI 11:6

Himahlele, taksanna lo in Pathien lungtuok mi hih guol ei puoi; Pathien kawma hung ta chun, amah chuh a um hi tih leh, taima taka amah hawlte kawma kipahman pie nuom mi ahii tih, ginchak ding ahi.

JAKOB 5:15

Tichun, taksanna zieka pauchamna chun damlo chuh hihdam intin, Lalpa’n amah chuh dam sak kit intin; chun, gitlohna a na hihte chuh, ngaihdam sak hi’n a.

JEREMIA 33:3

“Ei sam in la, hun dâwng ing ka, thil lopi leh thil kisel na hêtkhâk loh chuh hun hetsak ing ka.

SAM LEHKHABU THE PSALMS 34:10

Sakeibaknei vanglai le a kisam in, a gil kiel seka: Lalpa hawlte vang chun thilpha himhim kisam puo’n au.

HEBRAI 4:16

Khutichun, zahngaihna I muh theihna ding u leh, panpih I ngaih nau a a hun taka lungsietna panpihna I muh theihna dingun, lungsietna lalchutphah chuh hâng takin naih hitiu.

SAM LEHKHABU THE PSALMS 50:15

Chun, lungkham ni leh ei sam inla; Hun humbit ing ka, khutichun nangin nei limbawl ding hi chin a,” a ti a.

SAM LEHKHABU THE PSALMS 34:4

Lalpa chuh ka hawla, chun, amah chun ei dâwng a, Ka lauh na cheng apat chun ei humbit ta a.

JOHAN 4:10

Isu’n a dâwng a, a kawmah, “Pathien thilpiek leh dâwn ding nei pie’n ti a na kawma ngên pa hi he leh chin, nangin a kawma ngên zaw ding na hi a, tichun, ama’n hin tui hun pie zaw ding hi a,” a ti a.

SAM LEHKHABU THE PSALMS 27:8

“Ka mel hawl un,” ti a na gen lai khan; ka lunggil chun na kieng ah, “Lalpa na mel hawl ing ka,” ka ti a.

MATTHAI 6:29

himahlele ka hilh na hiu hi, Solomon nasan le a lopina chengchenga a kivan inle zie lili pak khat pha hinle zêpin a um puoi.

2 KORINTH 6:2

“Hun kipah-um ah ka hun hungaih a, Hukdamna ni ah ka hun panpih hi,” a ti ngâl a. Ngaitiem u, tuhi pawm hun chuh ahi a; ngaitiem u, tuhi hukdamna ni chuh ahi.

MARK 13:37

Chun, na kawm u a ka gen hi, mi chengcheng kawma ka gen ahi: Kiging zingin um un,” a ti a.

ROME 2:7

Thilpha bawl hâmhâm a, lopina leh limbawlna leh, manthai theih lohna hawlte kawm achun Pathien in kumsawt hinna pie’n tin,

SAM LEHKHABU THE PSALMS 27:4

Lalpa kieng ah thil khat ka ngên a, zie mawng chuh hawl ing ka; Lalpa hawihna mu ding leh ka damsung cheng a Temple a a thu dawng ding leh Lalpa In a ka um zing theih na dingin.

DANIEL 9:3

Tichun, an ngawlin, kawlladip puon silh in, vut laka kibuol in, Lalpa Pathien kawm achun phachuomngai takin ka paucham ta a.

MATTHAI 21:31

Ziete nih chun a kuo zaw hin a pau deih bang chuh a hih zawu hi leh?” a ti a. Amau chun, “A upa zaw chun,” a tiu a. Ziephet chun, Isu’n a kawm u ah, “Tihtakzet a ka hilh na hiu hi. siehdawlte leh nawhchizuokte chun Pathien gam a hun lut khelh ding ahiu hi.

ISAI 45:19

Thim lak ah a gûkin thu ka gen puoh a, ka thiltup te le ka selgu diek puoi. Jakob suonte chuh bangmah um lohna mun ei hawl dingin ka ti ngei puoh a. Kei Lalpa chuh ka hi a, thudik tak ka gen sek hi,” ti’n.

THUPHUON 2:24

“Himahlele, nanguh, Thuatira khuo a midang umte, zie sinsakna gilo chuh pawm lo a, mi dangte’n, ‘Setan thuguk,’ a tih sek uh hekha lote chung achun, puokgik dang himhim hun puok sak puo’ng ka, ka tih ahi.

SOLOMON LA 5:6

Ka deihtak a ding chun ka hawng ta a, mahleh ka deihtak chuh a na chiehmang tai, a paukam ka tha’n a thuok zo puoi: Ka hawl viela, mahleh ka mu puoi, ka uou a, mahleh ei dâwng puoi.

LUKE 11:10

Kuole, a hawl ta chun a mu sek u a, kuole a kiu ta chuh hawn sak ding a hiu.