LUKE 11:49 - PATHIEN LEKHABU THIENGTHO (BSI)

⁴⁹ Zieziekchun, Pathien Thupil inle: ‘A kawm u ah thiemgaute leh thupuo te sawl ing ka ting, khenkhat chuh that untin, khenkhat chuh a na sugimthei un au,’

LUKE 11:49 ပူးပေါင်းရင်းမြစ်များ

JEREMIA 7:25

Na pileputeu Aigupta gama ka puihdawk ni apat tuni tieng hin ka nasem thiemgau te nichenga chawllo a, na kawm u a ka hun sawl sek kha.

MATTHAI 22:6

mi dangte chun a suokte chuh a man u a, zahhuoi takin a bawl u a, a that tau a.

LUKE 11:48

Nang haw hun suonte thilhih chuh, nang haw’n le na phasakpih ngêi u a, thiemgaute a that sek u a, nang haw’n a thân dinguh na siem sek uh ahi.

LUKE 24:47

amah min in, lunghei na thu leh gitloh ngaihdamna thu, Jerusalem khuo a kipatin, namtin kawmah gen in um ina,’ ti’n.

JOHAN 16:2

Kikhawpna In apat a nawhdawkin um un na tin uh, chuleh, Pathien chunga thilpha bawla kingai a, nang haw a hun thah hun uh hung tung ding a hi.

NASEPTE 1:8

Himahlele, Thagau Thiengtho chuh na chung u a a hungtun tieng leh, thilhih theihna hun nei unlau, tichun, Jerusalem khuo ale, Judea leh Samari gam khuo tin ale, kâwlmawng tiengin ka thu hetpihte hi’n lau,” a ti a.

NASEPTE 11:27

Chun, zielai chun, thiemgau kuote ahim, Jerusalem khuo apat in, Antiokei khuo achun a chieh u a.

NASEPTE 22:20

Chuleh, na thu hetpihpa Stephan a thah lai u khan, kei le a kieng u ah ka ding a, pha ka na sakpih ngêi a, a thatte puonhaw le ka na etkawl sak ahi,’ ka ti a.

NASEPTE 7:57

Ziephet chun, amau haw chuh aw ngeih tak in a kiko u a, a bil uh ahim u a, kiguol takin a bawl diek mai u a,

NASEPTE 8:3

Saul chun la, Sapchuom haw chuh a sugimthei mah mah a, In tin ah a lut a, a mei a pan a kaidawk a, suongkul ah a khum zel ta a.

1 KORINTH 1:24

himahlele, Pathien sapte dingin vang, zie thu kigen chuh, Krista Pathien thilhih theihna leh Pathien chitna chuh ahi.

1 KORINTH 1:30

Himahlele, nang haw vang chuh, amah zalin Krista tawh pumkhat in a hun siem a, amah chuh Pathien apat ei uh a ding a chitna, diktatna, thienthona leh tatdawkna dinga siem ahi.

EPHESI 4:11

Amah mah chuh, “mihingte kawma Thilpiek,” piepa chuh ahi; khenkhatte chuh sawlchak dingin a guot a, khenkhat chuh thiemgau dingin, khenkhat chuh, belampu ding leh khenkhat chuh sinsaktu dingin a guot a.

KOLOSSA 2:3

Amah chuh Pathien chitna leh hetna go selguk hawnna chabi chuh ahi ngâl a.

THUPHUON 16:6

Amau haw chun mi thiengthote leh thiemgaute thisan kha a na suoh uh a, nangin thisan dâwn dinga na piek thuk hi, dâwn tak him ahiu ie!” a tih uh ka za a.

THUPHUON 18:20

“Vante haw, amahnu sietna ziek chun kipâk un! Mi Thiengthote leh, sawlchakte leh thiemgaute haw, kipâk un! Nang haw chunga a thilhihte ziek chun Pathien in amahnu chung achun a vaihawm thuk ta ngâl a!” ti’n.