LUKE 11:39 - PATHIEN LEKHABU THIENGTHO (BSI)

³⁹ Lalpa chun a kawmah, “Nang haw, Pharisaite’n, khawn leh kuong pawlam chuh na sawp ngim ngut sek u a, na sunglam hawu chu la, lepgukna leh gitloh in a dim ngâl a.

LUKE 11:39 ပူးပေါင်းရင်းမြစ်များ

JAKOB 4:8

Pathien naih un, tichun ama’n hun naih ina. Mi gilote haw, na khut hawu silngim un la, lungthim mumal neilote haw, na lunggil uh suthieng un!

TITA 1:15

Mi thiengte ding chun bangakai hi a thieng sek a; himahlele, mi thanghuoi leh gingcha lote ding chun bangmah a thieng a um sek puoi, a lungthimteu leh a sielephahetnau le sukbuok a a um tâk ziekin.

NASEPTE 5:3

Himahlele, Peter in, “Ananias. Thagau Thiengtho thêm ding leh, lei man abang îm dingin, bangati a Setan in na lunggil a sukdim a?

MATTHAI 15:19

Lunggil a hin ngaihtuoh na gilo haw, tuolthahna haw, zawlsaihna haw, kideihchakna haw, gukchakna haw, kiheksietna haw, kigensietnahaw a hung pawt sek ngâl a.

MATTHAI 7:15

“Thiemgau lêmte lak achun chingthei un, ziete chuh belam vun silh in na kawm u ah a hung sek u a, a sunggil lam u chulah ngei gawlham tak tawbang ahi ngâl u a.

THUCHINGTE 30:12

Amau mita thiengtho kisa mi le a um u a, himahlele, a thien lohnau chuh sawp theih ahi diek puoi.

THILSIEMBUL 6:5

Chun, Lalpa chun, lei ahin mihiem nunsiet dân chuh huoisie tak ahi tih leh, a lunggil u a gitlohna ngaihtuoh zing zing ahiu hi tih a mu a.

GALATI 1:14

Chun, ei suonte thuguichin zuih thu a phachuom ka ngaih takluot ziekin, Judate sakhuo hona lam achun, ka chipihte laka ka guolpih tamtak le ka makhelh ta a.

JOHAN 12:6

Mi gimtheite a khawksak zieka zie thu hi a gen ahi puoi, gucha ahi a, dangkadip a vawp a, a sunga kikawih haw chuh a lak sek ziekin ahi zawi.

LUKE 16:15

Ziephet chun, Isu’n a kawm u ah, “Mipi dangte mit muh a thiem kichan mai mai na hiu hi, himahleh, Pathien in na lungthim uh a he ngâl a. Mihingte’n a ngaihlul mah mah uh thilte chuh, Pathien mitmuh in bangmahlo ahi.

LUKE 7:13

Chun, Lalpa chun meithai chuh a muh phetin, a lunggil chun a lainat mah mah ta a, tichun, a kawmah, “Kap ki’n,” a ti a.

ZEPHANIA 3:3

A milienteu chuh sakeibaknei kitum bangin a um u a, a vaihawmteu chuh ngei gilkiel tak, duh-âm tak, zingkal tienga le a saguh peh taihsan nuom lo bang ahiu hi.

EZEKIEL 22:27

A sunga a hotute chuh, Ngei gawlsan a sapeh bawttel zieng tawbanga thisan suoh leh lawkna diklo muhna dinga mi hinna sumangthai zieng tawbang ahiu.

EZEKIEL 22:25

Sakeibaknei in hâm kawma a sapeh a lawih tel guolin na sung ah na thiemgaute phielgukna a um ahi; mihing hinna a ne zo u a; go leh thil mantam haw a kilak u a; na sung achun meithai tamtak a siem ui.

JEREMIA 4:14

Aw Jerusalem, gitloh na apat in na lunggil sawp thieng inla, ti a chuh hukdam na hih theih na dingin. Bang chana na ngaihtuoh na gilo chuh na vawp ding?

THUCHINGTE 26:25

Thu pha tak a gen in le gingcha diek ki’n, a lungthim achun thil kihdak-um sagih a selgu zing ngâl a.

SAM LEHKHABU THE PSALMS 22:13

Sakeibaknei gawlhat humham bang leh va-âk tawbang in, A kam uh lien tak takin ei kât khum u a.

2 KHANGTHUBU 25:2

Chun, Lalpa mitmuh in thilpha ahih a, himahleh a lungthim a pie bukim puoi.

2 TIMOTHE 3:5

Pathien khawksak batna khat nei un tin uh, himahlele, a thilhih theihna tak chuh deih puo’n au. Zie tawbang mite laka apat chuh kikiengkawih ah.

JOHAN 13:2

Isu leh a sinsakte’n nitâk Ankuong a um u a. Diabol in Simon chapa, Iskariot Juda lungthim achun, Isu matsakna dingin na a na sem zo kêi ta ngâl a.

THUCHINGTE 26:23

Thugen zawl thiem mûk leh lungthim gukhah chuh; leibel dangka tui luonkhum tawbang ahi.

LUKE 7:19

Lalpa kawm achun a sawl a, “A hung ding kiti chuh na him, awleh mi dang ka na ngâk nalai ding um?” ti’n.