LUKE 11:31 - PATHIEN LEKHABU THIENGTHO (BSI)

³¹ Thutan ni chu leh, Sheba lengnu kha tulai khangthakte tawh hung tho untin, tulai khangthakte hi mawh hun chan sak in a; Solomon chitna thugen ngaitha dingin kâwlmawng apat in a hung ngâl a; ka hun hilh na hiu hi, Solomon sanga lopi zaw zie tak a hin a um a puo.

LUKE 11:31 ပူးပေါင်းရင်းမြစ်များ

2 KHANGTHUBU 9:1

Chun, Seba lengnu’n Solomon minthan dân a na het in Solomon chuh thu hak tak taka patep guon, nungzui tamtak pui in sangawngsau haw a thil gimlim leh sana tamtak leh suongmantamte puo’n Jerusalem ah a va chieh a, Solomon kawm a va tun chun, a lunggil a um chengcheng chu suoh dawkin a hopih a.

ROME 2:27

Chuleh, pien dan a zektan loh te’n dân a zuih leh, nang lehkha thu leh zektan dân nei ngâla dân bawhsie chuh mawh hun chansak lo ding ahim?

LUKE 3:22

tichun, Thagau Thiengtho chuh taksa pu’n, vakhu guolin a chungah a hung kum suk ta a. Tichun, van apat in aw a hung pawt a: “Nang ka Chapa deih tak na hi, na chungah ka kipâk mah mah hi,” a hun ti a.

MATTHAI 12:42

Simlam lengnu kha thupi kitan ni achun kipan in tin, tulai khangthak te hih mawh hun chansak ding ahi. Solomon chitna ngaitha dingin kâwlmawng apat in a hung a, ngaitiem u, Solomon sanga lopi zaw taka hin a um a puo!

JEREMIA 3:11

Chun. Lalpa chun ka kawmah hiti hin a gen a, Nungchawn chîng Israel chuh mithep chîng Juda sanga diktat zawn a kisulang a.

HEBRAI 11:7

Taksanna ziekin Noa’n muh nailoh thil hungtung ding thu ah, Pathien hilh a a na um in, Pathien a gingcha a, a inkawte hukdamna dingin, kuong In nei khat a tu a; zie chun khawvel chuh mawh a chan sak a, chun, Noah chun Pathien apat a diktatna chuh taksanna vangin a mu tai.

LUKE 9:35

Chun, mei lak apat chun aw a hung pawt a, “Ziehi ka Chapa, ka tel pa chuh ahi, amah thu ngaiun!” a hun ti a.

ISAI 54:17

Himahleh, bang tawbang gâlvan matchâkte’n le hun suna thei puo’n tin, vaihawmna muna thiem loh hun chan guo phawt chuh niel tha zel in na ti’n; Zie chuh Lalpa suokte gochan ahi a, a diktatnau chuh keia kipan ahi, Lalpa’n a tii.