LUKE 11:26 - PATHIEN LEKHABU THIENGTHO (BSI)

²⁶ Tichun, a va pawtdawk a, amah sanga phalo zaw, thitha dang sagih a hun pui a, a hung u a, taka chun a cheng tau a. Khutichun, zie mihiempa dinmun chuh a tunga sang khan a tawp lam chun a hung phamawh zaw sem hi!” a ti a.

LUKE 11:26 ပူးပေါင်းရင်းမြစ်များ

JOHAN 5:14

Zie nung chun, Isu’n amah chuh Pathien Ho-In ah a mu a, a kawmah, “Ngai ah, na dam ta hi! thilhih gilo kit ta kih, khutilochun, thil phalo zaw diek na chungah hungtung kha’na,” a ti a.

MATTHAI 12:45

Ziephet chun a va pawtdawk a, amah sanga gilo zaw thitha dang sagih a hun pui a; tak achun a cheng tau a. Zie mihiem umzie nunung chuh amasa sangin a hung phamawh zaw ta a. Tawbangmah hin tulai khangthak gilo takte chunga hin le hung um ding ahi,” ti’n a dâwng a.

1 JOHAN 5:16

Kuo’n le a suohpih, thihna kham hilo gitlohna hihin mu ta leh, nget sak intin, tichun, Pathien in a ngen pa kawm achun, thihna kham hilo gitlohna hihpa ding, chun hinna pie’n a. Thihna kham gitloh a um a, khutibang lam achun a nget sak ding ka tih ahi puoi.

ZEPHANIA 1:6

Kei ei kiheimangsan a, ei zui lote leh, amau haw pui dinga ei dawng lote chuh sumangthai ding ka hi,” ti’n.

MATTHAI 23:15

“Na chung uh a gik hi! Nang haw, Danthuzik leh Pharisai, mi gukhahte haw, gingtu khat siemna dingin, tuisuohgiet leh lei chung na chieh kimvel u a, chun, tawbanga chuh a hung um tieng leh, amah chuh nangmau haw sangin a lehnih in Gehen chapa’n na siem kit ngâl u a.

LUKE 11:25

Khutichun, a chieh kit ta a, In chuh thiengtho tak leh ngim takin a va mu ta a.

LUKE 11:27

Chun, Isu’n zie thu a gen lai chun, mipi laka numei khat a hung kiko dawk a, a kawmah, “Nang hun vawpna gil chuh a hamphâi, chun, na nawichep le!” a ti a.