LUKE 11:22 - PATHIEN LEKHABU THIENGTHO (BSI)

²² Himahlele, a sanga hatzaw’n a hun do a, a zawh tieng leh, a In neipa kivenna gâlvan cheng chuh a chuhthâk saka; tichun, a sum a lâksak chuh a hawmzak sek hi.

LUKE 11:22 ပူးပေါင်းရင်းမြစ်များ

ISAI 53:12

Zieziekchun, amah chuh miliente chanvo bang hawm ing ka ting, amah chun mihatte tawh gâllâk sumte chuh hawm ina; a hinna chuh thi khawp hiela a sunbuok a, migilote laka simtel a a um ziekin; ahi, mi tamtak te gitlohna chuh puo a, migilote chuh ngaihdam a a um theih na dingun a paucham sak hi.

ISAI 27:1

Zie ni chuleh Lalpa chun, a chemzâm hiem hawih tak, lopi tak leh thilhih thei tak chun Leviathan gulpi hattak leh, Leviathan gulpi kiviel ngeungo chuh gawt intin, tuipi a dragon chule that ina.

THILSIEMBUL 3:15

Chun, nang leh numei hi hun kidosak ing ka ting; nang suonte leh numei suon le kido sak ing ka; amah chun na luchang khên thidup intin nangin a khawtalzum chu thidup in la,” a ti a.

1 JOHAN 4:4

Naute, Pathien a na hiu a, ziehaw chuh na zo tau hi, nangmau a Thagau um chuh, khawvel a thagau um sanga chuh a hatzawk ziekin.

1 JOHAN 3:8

Kuole, thilhih gilo zingzing chuh Diabol a pawt ahi: Diabol chun atûng apat thil a sukhiel ngâl a. Pathien Chapa hung kiphuon lawh pên chuh, Diabol nasep a sukmangthai theihna ding ahi.

KOLOSSA 2:15

Krista chun lalna leh thuneihnate chuh hâwk tha’n, zie kross achun ziehaw chuh zo in, a zawhna chuh tângphuong takin a etsak ta a.

PAWTDAWKNA 15:9

Melma chun, ‘Delh ing ka ting, delhpha ngêi ing ka, gâllâk sum chuh hawm ing ka; Amau haw achun ka utchakna pên chuh sukpitit hi’n tin, Ka chemzâm zuk dawk ing ka ting; ka khut in amau haw chuh sumangthai ing ka,’ a ti a.

LUKE 11:21

“Mi hât chun, hiem bukim chawia a In a ven sung cheng, a thil neihte chuh bit takin a um sek hi.

LUKE 11:23

“Kuole, kei lama pang lo chuh ei do ahi a, kuole ei lâkkhâwm pih lo chuh a thehzak ahi.

EPHESI 6:11

Diabol lungthimbawlna chuh na do zawh theihna dingun Pathien gâlvan bukim in kivan un.

EPHESI 6:13

Zieziekchun, ni phalo chuh a hungtun phat leh, na do zawhna dingun leh, na hih zawh suok kêi nung u ale, na din theihna dingun, Pathien gâlvan bukim chuh kilak un.