LUKE 10:42 - PATHIEN LEKHABU THIENGTHO (BSI)

⁴² thil khat chauh a khawk ie; Mari’n chan pha a tel a, zie chuh lâksak ding ei puoh ie,” a ti a.

LUKE 10:42 ပူးပေါင်းရင်းမြစ်များ

SAM LEHKHABU THE PSALMS 27:4

Lalpa kieng ah thil khat ka ngên a, zie mawng chuh hawl ing ka; Lalpa hawihna mu ding leh ka damsung cheng a Temple a a thu dawng ding leh Lalpa In a ka um zing theih na dingin.

JOHAN 4:14

kuole, a kawma tui ka piek ding dâwn ta chuh, kumkhuo’n a dang uh châk kit ta puo’n a, ken tui a kawm u a ka piek ding chuh a sung u ah tuinak hung um intin, kumkhuo tuonga hinna dingin kichik to ina,” a ti a.

JOHAN 5:24

“Tihtakzet, tihtakzet a ka hilh na hiu hi, kuole, ka thu he a, ei sawlpa gingcha chun, kumkhuo tuonga hinna a nei hi. Thiemmawh changin a um puoh a, himahleh, thihna apat a pawt a, hinna ah a lut zaw tai.

SAM LEHKHABU THE PSALMS 73:25

Van a khun nang tih loh kuo ka nei em? Lei ah nang lo ngâl ka deih a um puoi.

LUKE 18:22

Isu’n zie chuh a zak phetin, a kawmah, “Tuhin, thil khat na vat nalai hi; na neih chengcheng khawng inla, neilahte kawmah hawm ah, tichun, van ah go nei inla; chun, hung inla, ei zui ah,” a ti a.

JOHAN 17:3

Ziehi kumkhuo hinna a hii, Nang Pathien tak tak leh, na sawl Isu Krista het hi.

SAM LEHKHABU THE PSALMS 17:15

Ken vang chuh diktatna nei in na mel mu’ng ka ting: Nang mah batna nei a ka thawh dawk tieng le chuh lungkim kei ta’ng ka.

MARK 8:36

Mi’n khawvel hi a pum in nei hen la, a hinna chan hen la hileh, amah dingin banga phachuom ding?

SAM LEHKHABU THE PSALMS 142:5

Aw Lalpa ka hun uou a; “Nang chuh ka kihumbitna, mihing gama ka chanvo na hi ie!” ka ti a.

DAN NIHNA 30:19

Na masang u ah hinna leh thihna, vangsakna leh gâusapna ka kawih hi tih na chung u a hetpih dingin tuni hin lei leh van ka sam ahi; zieziekchun, hinna chuh tel un, na hin theihna dingun, nang u leh na suonteu le;

SAM LEHKHABU THE PSALMS 119:30

Umdan muon-umna lampi ka tel a: Na vaihawmte ka masangah ka umsak a.

LUKE 8:18

Zieziekchun, bang tawbang in a na ngaihthak uh, ching thei un; kuole, a neita piek behlap in um intin, kuole, a neilo chuh neih sun u chule lâksak in um un au,” a ti a a.

LUKE 12:20

Himahlele, Pathien in a kawmah, ‘Mingawl, tuzan hin na thagau hun lâksak ding ahiu hi; na thil lamdawk haw kha kuo a ding ahi ta die?’” a ti a.

SAM LEHKHABU THE PSALMS 119:111

Na thu hetsakte chuh kumlekhuo a go luoh dingin ka la a; Ahi, amau chuh ka lungthim kipah sak ahi ngâl u a.

1 KORINTH 13:3

Ka neih chengcheng pie dawk vekin, ka sapum ngêi le kâng tum dingin kipie mahleng. hehpihna ka neih loh chun, kei dingin bangmah phachuom diek puo’n a.

LUKE 12:33

Na neih chenguh zuok unla, gimtheite kawmah pieu in; van a gucha chieh lohna ah, hangin a nek siet lohna ah, dangkadip lui theilo leh gote chuh khawlkhawm zawu in.

THUGENPA 12:13

Ziehaw chengcheng khaihkhawmna chuh ziehi ahi: Pathien lau inla, a thupiek zawp in, zie chuh mihing te nasep ding pên ahi ngâl a.

LUKE 16:25

Himahlele, Abraham chun, ‘Ka chapa, nangin na dam lai khan thilpha na chang a, khutibang mah in Lazarus thil phalo a chan kha hezingin! Tu’n chuh, amah taka hin lungmuong takin a um a, nang vang a gim na hi ta kha!

JOSHUA 24:22

Chun, Joshua’n mipite kawmah, “A na sep guo’n Lalpa chuh na tel tau hi tih thu hetpihte chuh nangmau haw ngêi hi na hiu hi,” a ti a. Amau chun, “A hetpihte ka hi tau hi,” a tiu a.

JOSHUA 24:15

Chun, Lalpa nasep hi phalo guola na ngaih u chun, tuni hin kuo na ahi nasep ding uh tel un; na pulepateu in lui gala a na a sep uh pathien haw khah ahim, na chênnau gam Amor te pathien haw khah ahim ana nasep dinguh? Himahleh, kei leh ka inkawte hin chuh Lalpa na ahi ka sep dinguh,” a ti a.

SAM LEHKHABU THE PSALMS 119:173

Na khut chuh ei panpih dingin kisazo sa’n um hen la; Na hilhgaihna thu haw chuh ka tel ngâl a.

GALATI 5:6

Krista Isu achun, zektan bangmah a phachuom puoh a, zektan loh le bangmah a phachuom diek puoi; taksanna a, hehpihna nasep vang chuh a phachuom ahi.

LUKE 16:2

Tichun, amah chuh a sama, a kawmah, ‘Na chungchâng thu ka het hi bangti a? Na sum vawp dân chanchin kimtak in hun zik inla, ei hun pie’n, tu a kipat sum vawp in pang thei ta puo’n la,’ a ti a.

LUKE 10:39

amah chun suohpih numei khat a nei a, a min chuh Mari ahi, zie nu chuh Lalpa keng bul ah a chu a, a thugen chuh a ngaitha a.

LUKE 11:1

Chun, tihi ahi a, Isu chuh khawitak mun ahim ah a paucham a. A paucham zawh phet chun, a sinsakte laka khat chun, “Lalpa, Johan in a sinsakte paucham dân a hilh guol khan, kei u le ei sinsak ta” a ti a.

JOHAN 6:27

An khadang a mang mai ding delh in phe phe kiu in, himahleh kumkhuo a hin chana um ding an, Mihiem Chapa’n a hun piek ding chuh delh in phe zawu un: Pa Pathien chun amah chuh a melchik ta ngâl a,” a ti a.

JOHAN 11:1

Chun, Bethani khuo a mi khat, Lazarus kiti chuh a dam puoh a. Bethani chuh, Mari leh, a suohpih nu Martha chênna khuo ahi.

JOHAN 11:19

tak achun, a suohpihpau thihna chunga thamuon dingin, Judia gam mi tamtak, Martha leh Mari kawm achun a hung u a.

JOHAN 12:3

Tichun, Mari’n, khaih kimkhat, spiknard thau gimlim man tamtak a hun chawi a, Isu kênghaw chuh a nuh a, a sam in a kênghaw chuh a thiek a; tichun, zie thau gim chun In sung chuh a zel suok chai chai zieng a.