LUKE 10:31 - PATHIEN LEKHABU THIENGTHO (BSI)

³¹ Chun, thiempu khat zie lampi a chun a va chieh kha khelkhel a, a muh phetin lampang langkhat ah a pel mai ta a.

LUKE 10:31 ပူးပေါင်းရင်းမြစ်များ

SAM LEHKHABU THE PSALMS 69:20

Mi ei gensietna hi ka thasietna ahi a; nasa tak mai in ka lungkham a: Tichun, ei lungsiet ding ka hawl a, himahleh kuomah a um puoh ngâl u a; Ei thamuon ding ka hawla, himahleh, kuomah ka mu puoi.

MALAKI 1:10

“A thâwn mai a ka maichâm a chuh mei a kidet lohna dingin, na lak u a khat hin, Ho-In kawtkhak hi khâk zaw mai leh ka ut hi. Na chung u ah kipahna himhim ka nei puoh a, na khut u apat in thillat chule pawm diek puo’ng ka, Lalpa Bangkim hihthei chun a tii. Na chungu ah ka kipâk puoh a, ka kawma na thillat teu le pawm lo ding ka hi, Lalpa’n a tii.

HOSEA 6:9

Suomhat te’n lampi a mi suom gu dinga chan sek bangun thiempu lawite chun Sekem lampi ah mi a that sek u a, ahi, thil gilo ahih tau hi.

HOSEA 5:1

“Aw nanguh thiempute haw, ziehi ngaithau inla, nang haw Israel inkawte haw, na bil uh dawh un. Aw nanguh leng insung mite na bil u dawh un. Vaihawmna chuh nang uh a ding ahi ngâla. Mizpah a dinga thang leh Tabor tânga lên kizak na hi ngâl u a.

JEREMIA 5:31

Thiemgaute chun lepchieh thu ngen a genlawk u a; thiempute chun la a thu thuu in vai a hawm u a; ka mite chun khutibang hih chuh a nawp lam uh ahi. Himahleh, a tâwp a hung tun tieng bangti’n na hih ta ding u le?

THUGENPA 9:11

Ka kihei a, ni nuoia thil dang khat ka muhdawk kit chuh, khawvel a kitaihsiekna chuh mi chan-gang te a ding chauh ahi puoh a, kidona chule mi hangsante chauh a ding ahi puoh a, chângthâk chule mipilte chauh a ding ahi puoh a, hetthiemna neite a hausa chuom diek puou a, chuleh, deihsakna hi mithiemte a ding chauh ahi diek puoi, himahleh, ahun leh hun lemchâng kibang chieta amau kawma hungtung ahi.

THUCHINGTE 21:13

Kuole chagahte kiko thawm ngaihthak sak lo chuh, panpihna ngên a a kiko tieng ngaihthak sak hi puo’n a.

SAM LEHKHABU THE PSALMS 142:4

Ka changlam ka ngaa, ka en a, himahleh, ei he a um ta puou hi; ka kihumbitna a um ta puoh a, kuomah cha’n ei ngaihsak ta puou hi.

RUTH 2:3

Tichun, a chieh ta a, buh âtte nutsieh haw chuh a va hawl ta a; tichun, Elimelek inkuon Boaz lo achun a va chieh kha khel khel a.

2 SAMUEL 1:6

Amah chun, “Bangti ahim in Gilboa tâng achun ka na um kha khelkhel a, chun, ngaitie, Saul chu a chemzâm chunga kingaia ding ka mu a, chun, kangtalaite leh sakawl chung chuong mite chun a hun delh sausau u a.

ISAI 58:7

Eimah an mi gilkielte kawm hawp leh, gimthei kinawhdawk haw eimah In a puih hi hilo maw? Sangawn a umte puona khuh leh, eimah sa tawbang pute kawma kiselguk loh hi ahi puoh a ahim?

LUKE 10:30

Isu’n a dâwng a, “Kuo ahim, Jerusalem khuo apat in Jerikoh khuo a zu chieh ding ahi a, suommangte a tuok khel a, ziete chun a silhlechen a hâwk sak u a, a zêp diek u a, thi vangin a nusieh tau a.

LUKE 10:32

Khutibangmah chun Levi chi mi khat le zie mun chu a va tung a, a muh phetin lampang langkhat ah a pel zel mai ta a.