LUKE 10:28 - PATHIEN LEKHABU THIENGTHO (BSI)

²⁸ Chun, Isu’n a dâwng a, “Na gen dik hi; tichun, hih inla, hing inla,” a ti a.

LUKE 10:28 ပူးပေါင်းရင်းမြစ်များ

EZEKIEL 20:11

Chun, Ka dân siem haw chuh amau ka pie a, ka thutanna haw chuh ka etsak a, min a zuih a a hinlawh ding hawu chuh.

THIEMPUDANTE 18:5

Zieziekchun, ka dân leh ka vaihawm haw chuh na zawp dinguh ahi; zie chuh mi’n a hih chun hin lawh ina, Kei hi Lalpa chuh ka hi ngâla.

MATTHAI 19:17

Isu’n a kawmah, “Thilpha thu bang dinga ei dawng? Mi pha chuh khat mai a um; a bang hita leh, hinna a lut na nawp chun thupiek haw chuh zawp ah,” a ti a.

NEHEMIA 9:29

Chun, na dân lama na puihkit theih na ding in na hilhgaih seka; himahleh, chapo takin thil a bawl u a, na thupiek chuh a zui puou a, na vaihawmna kalh in thil gilo ahih u a (mi’n a hih leh a chîn den ding chuh) a chapo u a, a kisuluhlul u a, a ngaitha nuom puou hi.

GALATI 3:12

Dan chun taksanna tawh bangmah kimatna a nei puoh ngâl a. “Kuole, Dan in hih dinga a thilphutte hih bukimte chuh hing un au,” a ti zaw ahi.

ROME 10:4

Krista chuh a gingchate cheng dingin, diktatna a muh theihna dingun, Dan suhaipa ahi ngâl a.

ROME 3:19

Khutichun, Dan in thil bang hitaleh a gen ta chuh, kam tin cheng a thip theihna ding leh khawvel pumpi Pathien masanga thiemloh a chan theihna dingin Dan thu thu a umte kawma a gen ahi tih I heu hi.

LUKE 7:43

Simon chun a dâwng a, “A ngaihdam tam zawk pa chuh hi dingin ka gingchâi,” a ti a. Isu’n a dâwng a, “Simon, na gen dik hi,” a ti a.

MARK 12:34

Khutichun, ching takin a dâwng hi tih Isu’n a het in, a kawmah, “Pathien gam tawh na kigamla puoi,” a ti a. Zie nung chun kuoma’n bangmah a dawng ngam ta puou hi.

EZEKIEL 20:21

Ahih ziekin a chateu chuh ka chungah a hel u a. ka dân siem haw chuh a hawh puou a, ka thutanna haw, mi’n a zuih a a hinlawh ding hawu chuh zui dingin a vawp diek puou a; ka chawlhni haw chuh a bawhsie zaw tau a; khutichun ‘a chung u ah ka lungnatna chuh buntha’ng ka ting, thalek ahin a chung u a ka lungnat dân takin sawisa di’ng ka’, ka na ti hiel a.

EZEKIEL 20:13

Himahleh, Israel insung mite chuh thalek a khan ka chungah a hel u a, ka dân siem haw chuh a zui puou a, ka thutanna haw, min a zuih a a hinlawh ding hawu chuh a musit u a, Sabbath haw le nasa takin a bawhsieu a; khutichun, thalek achun amau hih mangthai dingin ka lungnatna chuh a chung u ah ka sungtha mai die aw, ka ti a.

DAN NIHNA 6:24

Khutichun, zie dân haw chengcheng hi I phat zing na ding u a zui ding leh Lalpa I Pathien u chuh lau dingin Lalpa chun thu ei na pie a, tunia guola hi hing leh dama ei hinhawih theihna dingin.

THUCHINGTE 19:16

Thupiek vawppha chuh a hing in tin, a umdan a pilvang lote vang chuh thi’n au.

ROME 7:10

Tichun, hinna dinga thupiek chuh thihna ding ahi zawi tih ka hun mudawk ta a.