LUKE 10:27 - PATHIEN LEKHABU THIENGTHO (BSI)

²⁷ Amah chun, “Lalpa na Pathien chuh na lunggil cheng chengin, na thagau chengcheng in, na hatna chengcheng in leh na ngaihtuoh na chengcheng in na hehpih ding ahi; chuleh, nangmah na kihehpih guolin na vengte le na hehpih ding ahi,” tih hi, a ti a.

LUKE 10:27 ပူးပေါင်းရင်းမြစ်များ

THIEMPUDANTE 19:18

Phuba na lak dinguh ahi puoh a, na chipihte hawtna lungthim le na vawp ding ahi puoi. Nang mah na kihehpih guolin na invengte na hehpih ding ahi zawi. Kei hi Lalpa chuh ka hi.

MATTHAI 19:19

Na nu leh na pa limbawl in, tih haw leh, Nangmah na kihehpih guolin na vengte le na hehpih ding ahi, tih hi,” a ti a.

LUKE 10:26

Isu’n a dâwng a, a kawmah, “Dan lehkhabu ah banga kizik? Zie tak achun banga na sim sek?” a ti a.

ROME 13:9

Zie thupiek, “Zawlsai kih, tuolthat kih; gucha kih, awtcha kih,” tih leh thupiek dang na um himhim haw hih, “Nangmah na kihehpih guolin na vengte na hehpih ding ahi,” tih hin a khaikhawm vek ngâl a.

GALATI 5:13

Suohpihte, nang haw suok hilo dinga sap na hi ngâl u a; himahlele, na suok hihloh nau chuh, phehlevo dingin awnthawlna’n mang kiu inla, hehpihna’n kizen tuoh chiet zawu in.

DAN NIHNA 10:12

Khaile, Israel mite haw, na laku a Lalpa na Pathien un a ngek chuh bangmah dang ahi puoh a, na phatna dingu a Lalpa na Pathien u lau a, a lampi chengcheng chuh hawh a, amah hehpih a, na lungthim chengcheng u leh na lunggil chengcheng u a Lalpa na Pathien na chuh sema,

DAN NIHNA 30:6

Chun, na hin theihna ding u a Lalpa na Pathien u chuh na lungthim chengcheng u leh na lunggil chengcheng u a na hehpih theihna dingun Lalpa na Pathien un nang u leh na suonteu lungthim zek hun tan sak ina.

DAN NIHNA 6:4

“Aw Israel mite haw, ngaitiem u, Lalpa I Pathien chauh u hi ahi Pathien chuh;

DAN NIHNA 6:5

Lalpa na Pathien u chuh na lungthim chengcheng u a, na lunggil chengcheng u a, na hatna chengcheng u a na hehpih dinguh ahi.

HEBRAI 8:10

Zie nikhuo haw nung achun Israel inkawte kawmah, Ka thugawlh ding chuh ziehaw hi a hii, Lalpa’n a tii; A lunggil u ah ka dân thupiek haw kawih ka ting, A lunggil u ah le zik ing ka ting; Chun, amau dingin a Pathien uh hi’ng ka ting, Keia dingin le amau haw chuh ka mite hi’nau, Lalpa’n a tii.

JAKOB 2:8

Himahlele, Pathien lehkhabu ah, “Nangmah na kihehpih bangin, na vengte na hehpih ding ahii,” tih Lenggam dân hi na zawp uh chun, na bawlphau hi.

1 JOHAN 3:18

Naute, thu mai in kihehpih puoi tiu khai, lei mai inle kihehpih diek puoi tiu; thilhih leh tihtakzet in hi zaw hen.