LUKE 10:2 - PATHIEN LEKHABU THIENGTHO (BSI)

² A kawm u achun, “Buh lak ding a tam ten a, himahlele, a sem ding atawm ui. Khutichun, a buh ât dinga sem dingte sawl dingin, buh nei pa kawm achun ngên un.

LUKE 10:2 ပူးပေါင်းရင်းမြစ်များ

1 THESSALONIKA 5:12

Himahlele, suohpihte, na lak uh a semgim leh, Lalpa a na lawiupateu leh, nanguh hun hilhte chuh, limbawlna kilawm tak pie a,

MARK 16:15

A kawm u ah, “Khawvel pumpi ah chieh un la, thilsiem tincheng kawmah Chanchin Pha gen un.

2 TIMOTHE 4:5

Nang vang chuh bangakai ah pilkieu inla, haksa thuok inla, Chanchin Pha gen lam na sem inla; na zenviel nasep kha muolsuoh ah.

2 THESSALONIKA 3:1

A tawpna pen in, suohpihte, Lalpa thu hi nangmau haw laka a um bang khan, machawn zawsem leh limbawla a um theihna dingin ei pauchampih zingun.

MARK 13:34

Mihiem Chapa chuh, mi a In nusieh a, a suokte thuneihna pie a, mi tin amau sep ding chiet pie a, kawtkhak ngakte le kigin zing ding thu pie a, gam gamla taka zin tawbang chuh ahi.

1 TIMOTHE 4:10

Khutichun, Pathien hinga chuh I kinepnau I ngak ziekun, I semgim uh a, I kinem hâm hâm uh ahi ngâl a, amah chuh mi chengcheng hukdampa ahi a, a gingchate Hukdampa ahi diek nalai hi.

NASEPTE 22:21

Chun, amah chun, ‘Chieh ah, tak apan hin gamla tak ah, Jentel te kawmah hun sawl zaw’ng ka,’ ei ti ta a,” a ti a.

NASEPTE 20:28

Pathien sapchuom haw, amah thisan a a châwkte chuh vak dingin, nangmau haw leh na belam hawnteu chung achun chingthei un, Thagau Thiengtho in amau haw enkawl dinga a hun siem na hiu hi.

NASEPTE 13:4

Khutichun, Thagau Thiengtho sawl dawkin a chieh u a, Selukai khuo ah a chieh suk u a, tak apat chuh Kupra tuikuol ah kuong in a chieh u a.

NASEPTE 13:2

Lalpa a zenviel u a, an a ngawlh lai un, Thagau Thiengtho in, “Barnabas leh Saul hi, ka sap lawh pên hih dingin ei guot chuom sak un,” a ti a.

NASEPTE 11:19

Chun, Stephan chungchanga sukgimtheihna hung um zieka tai zakte khah, Phoinikia gam, Kupra tuikuol leh Antiokei khuo haw chuh tung in a chieh u a, Judate kawm tihloh achun, kuomah dang kawmah thu a gen puou hi.

NASEPTE 8:4

Tichun, a tai zakte chuh khuo tin ah a chieh u a, thu a gen zel tau a.

LUKE 9:1

Chun, Isu’n sinsak sawm le nih te chuh a sam khawm a, thitha chengcheng chunga thilhih-theihna leh thuneihna leh, natnate hihdam theihna a pie a.

MARK 16:20

Tichun, sinsakte chuh a chieh dawk tau a, gamtin ah Chanchin Pha chuh a gen tau a; chun, Lalpa’n amau haw chuh a kithuohpih a, a thilmak hihteu chun a thugen teu chuh a hihdet zel hi. Amen.

MATTHAI 20:1

“Van gam chuh mi khat, a grep huon a nasemte guoi dinga zingpi a pawtdawk pa bang chuh ahi.

ZEKARIA 11:17

Belampu mattakloh, a belam te taihsan te chung chuh a gik hi! Chemzâm chuh a khut leh a mit changlam achun chu hen la, a bân chuh gaw zo vek hen la; a mit changlam chuh thim chak kêi hen! ti’n.

JEREMIA 3:15

Ka lungthim bang pu belampu hun pie’ng ka ting; amau chun hetna leh hetthiemna’n hun vak un au.

PHILIPPI 2:25

Himahlele, Epaphrodita, ka suohpihpa, ka naseppih; ka sepaih chanpih leh na thangko uh, ka thil tâksapna chenga ei panpih sek pa hi na kawm u a hun sawl kûl in ka hêi.

PHILIPPI 2:21

Mi dang cheng chun la, Isu Krista ding hawl lo in, amau haw a ding ngên a buoipih chiet ngâl u a.

1 KORINTH 12:28

Chun, khenkhat chuh, sapchuom haw lak ah a kawih a: a khatna chuh, sawlchak, a nihna ah thiemgau ding bangin; a thumna chun, sinsak dingin, chun, thilmak hihte bang a um u a; zie nung chun, sukdam theihna thilpiekte, mi panpih theihna thilpiekte; vaihawm thiemna thilpiek haw bang, pau chichuom chuom a thugen theihna thilpiekte a hung um kit hi.

KISIMNA 11:17

Tichun hung suk ing ka ting, zie tak achun hun hopih ing ka: chun, thagau ka hun piek chuh amau haw le pie’ng ka, khutichun hun panpih untin, nangmah chauh a puo lo in, mipite puokgik chuh hun puokpih un au.

KOLOSSA 1:29

Zie chuh hih zo dingin, keimah a sem sek, Krista’n hatna lopitak ei piek chuh mang in ka sem hâm hâm sek a hii.

PHILIPPI 2:30

a ziek chuh, nang haw mawng in na piek theih loh uh, Krista nasepna lama chuh ei panpih in, amah hinna ngêi chuh thi vang hiela lauhthawng um in a um ngâl a.

HEBRAI 3:6

Krista vang chuh, Pathien inkawte laka Chapa taksanum ahi. A inkawte chuh eimau haw hi I hiu a, a tâwp chana I hansannau leh, I kinepnau leh I suonnau hi dettaka I tukchak phawt u chun.

1 THESSALONIKA 2:9

Suohpihte, ka sep chawl zieu leh, ka sepgim danteu kha na hezing ui; na lak uh a kuomah ka sukgiksak lohna dingun, a sun a zan a sem in, Pathien Chanchin Pha ka hun hilh sek uh na hiu kha.

KOLOSSA 4:12

Epaphra, nangmau haw laka khat, Krista Isu suokpa hin a hun chibai na hiu hi. Amah chun, Pathien deihlam tin chenga buting leh taksan detna nei a na din det theihna dingun, phachuomngai takin a hun paucham sak zing sek hi.

2 KORINTH 6:1

Chun, kei u hi Pathien naseppihte ka hiu a, chun, nang u chun, Pathien hehpihna chuh bangmahlo a na kawih mai lohna dingun ka hun nget na hiu hi.

1 KORINTH 15:10

Himahlele, Pathien lungsietna vangin, ka hih hih ka hi tai; chun, a lungsietna ei piek chuh, a thawn in a um puoi. Khutih malak in, sawlchak dangte cheng sangin ka sep gim zawk bawn ahi, himahleh, keima’n ka sem puoh a, Pathien lungsietna chun keimah a a sep zawk ahi.

ZEKARIA 11:5

A chawte chun a that sek u a, mawhchang in a kingai puou hi. A zuokte chun, ‘Lalpa chuh pahchak in um hen, ka hung hausa ta ngâl a,’ a tiu a; Belampute ngêi chun le amau chung achun lainatna a nei diek puou,” ti’n.

1 LENGTE 18:22

Ziephet chun Elijah chun mipite kawmah, “Lalpa thiemgau um sun chu kei mai ka hi a; Baal thiemgaute vang chuh mi zali leh sawmnga ahiu hi.

KISIMNA 11:29

Mosi’n a dâwng a, “Ka lunglut na hi nei ngaihtuoh pih em? Lalpa’n a thagau chuh mipite chengcheng chung ahin sung tha he’n la, thiemgau guolin thu gen vek leu ut ka hi,” a ti a.

PHILIMON 1:1

Paul, Krista Isu zieka suongkultâng leh I suohpihpau Timothe chun, I deihtak uh leh I sepgim pih uh Philimon kawmah leh,

SAM LEHKHABU THE PSALMS 68:11

Lalpa’n thu chuh a pie seka Chanchin suoh haw chu pawl lien tak ahiu hi.

THUPHUON 2:1

“Ephesi khuo a sapchuom haw lawi vânsâwlchâk kawm achun hiti hin zik ah: “A khut changlama aksi sagih chawipa, sana thaumei kawihna sagih laka vak vak pa khan, zie thu haw hi a gen ahii,