LUKE 10:15 - PATHIEN LEKHABU THIENGTHO (BSI)

¹⁵ Chun, nang Kapernaum! van chana limbawla um dinga kingaihtuoh, gawtmun a sawtthâk a um ding na hi a puo!”

LUKE 10:15 ပူးပေါင်းရင်းမြစ်များ

MATTHAI 4:13

Nazareth khuo nusieh in Kapernaum khuo a hung tunga, zie tak achun a um zing ta a; zie chuh Zebulun leh Naphtali huop sung dîl panga um ahi.

2 PETER 2:4

Chun, Vânsâwlchâkte’n thil a sukkhelh lai uh khan, Pathien in a hâwi puoh a, gawtmun ah a paih lut vek a, a chungthuu chuh vainung leh tan sak dingin a sit a, kawkhuk thim ah a khum tai.

LUKE 13:28

Abraham te, Isak te, Jakob te leh thiemgau chengcheng te, Pathien gam sunga um na muh u a, nanguh pawlama nawhdawk na hih uh na kihet tieng u leh, zie chun kah leh hagiel chu um ina!

MATTHAI 11:23

Chun, nang Kapernaum, van tienga kichawihsan ut na him? Mithi khuo tienga paihthak ding na hi a puo! nang haw chunga thilmak kihih haw kha Sodom khuo a hih hileh chuh, tu tiengin um zing nalai ina.

MATTHAI 10:28

Chuleh, sapum that a thagau that theilo haw chuh lau kiu in la; zie sang chun, Gehen a thagau leh sapum sumang thei vang chuh lau zawu in.

OBADIA 1:4

Mupi bangin sang takin lengto in la, na bu chuh aksite laka sieh mahleh chin, zie apat chun hun luoi tha ding ka hi, Lalpa’n a tii.

EZEKIEL 32:27

Amau chuh zektan loh mihat puksate, a gâlvanteu tawh Sheol a chieh sukte kawm achun kuol puo’n au: a chemzâmteu chuh a khapchâk u a, ahihziekin mihing gama mihatte lauh hi mahleu, a gitlohnau chuh a guh chung u ah um ina.

EZEKIEL 32:20

“Chemzâma thahsate lak achun puk in au; chemzâm chuh sah dawk ahi ta a, amah leh a mite chengcheng chuh kaidawk in.

EZEKIEL 32:18

“Mihing chapa, Aigupta mite chuh kahkhum inla, amah leh nam minthangte chanute chuh Sheol chieh suk tate kawmah, lei mun nuoinung achun paih tha’n.

EZEKIEL 31:18

Eden thing haw lak ah lopina leh letna ah kuo a na kibatpih um? Ahihziekin, Eden thing haw chu tawh lei mun nuoinung pên a paihthak hi ding na hi, chemzâm a thah zektan loh te laka kuol ding na hi. Ziehi Pharao leh a khuo-le-tuite chengcheng chuh ahiu hi tih hi Lalpa Pathien kamsuok ahi.

EZEKIEL 26:20

Tuonthangmang a mite, Sheol a chiehsate kawmah hun sawl tha suk ing ka ting, lei mun nuoinung pên a, tuona tânga ana gam ta, Sheol a chiehsate kawmah hun chensak ing ka ting, kuoma’n a hun luoh lohna ding leh hing nalaite laka lopi, na muh takloh hiel na dingin.

JEREMIA 51:53

Babulon chuh van dawt hiel in sang hen la, a kulhbang te chuh sudet mah leh; ka kawm apat in a chungah sietna hung tung tho tho ding ahi tih hi Lalpa kamsuok ahi.”

ISAI 5:14

Zieziekchun, thihna khawvel chun a an duhna chuh a na supung a, a kam chuh teh theih loh khawp in a na ka ta a. Tichun, Jerusalem a miliente leh a mi lopite, a mipite leh a masanga khawhelo khawpa thawm pha leh a laku a a kiletsakpih teu cheng chuh a lut suk sausau tau hi.

DAN NIHNA 1:28

Khawilam zuon I hitau hileh? Ka suohpihteu in, ‘Mi haw chuh eihaw sangin a lienzawu a, a sang zawu a; khuo haw chule lien tak tak, van dawt hiel hiela sang kulh nei ngencha ahiu a, chun Anak suonte le ka muu hi,’ ti’n ei sulungkieu a,” na tiu a.

THILSIEMBUL 11:4

“Khai, hung tiem u, khawpi kisiem hiting un, insang a sip in van supha hiel dingin sai ting un, I min uh suthang hitiu; khutilochun lei chung pumpi ahin thehzak in um khâi tiu,” a kitiu a.

LUKE 16:23

Chun, mithi khuo achun na thuok himhim in a um ta a; tichun, a vak dâk a, gamla taka Abraham ângsung a Lazarus um chuh a vak mu ta a.