LUKE 1:79 - PATHIEN LEKHABU THIENGTHO (BSI)

⁷⁹ Thimnuoi leh thihna lima chute salhvak ding leh, Lungmuonna lampi a kal ei suon sak dingin.” ti’n.

LUKE 1:79 ပူးပေါင်းရင်းမြစ်များ

ISAI 9:2

Thim nuoia chute chun vak lopitak a muu a. Thihna thim sah tak nuoia chêngte chunga chun vak lopitak a hung êng tai.

MATTHAI 4:16

Thim nuoia chute chun vak lopitak a muu a; Thihna mun leh a lîma chute chunga chun vak a hung pawt tai!” ti a a gen kha a hung tun theihna dingin ahi.

NASEPTE 26:18

A mit uh hihvak ding leh, thimna apat a vak lama kiheisak kit ding leh, Setan thilhih theihna apat a Pathien lama kihei kit a, kei ei taksan ziek u a, a gitlohnau ngaihdama um a, Pathien mite laka go chan a neihna dingun,’ a ti a.

EPHESI 5:8

Ma khan khawthim na hiu a, tuhin vang chuh Lalpa achun khawvak na hung hi tau hi. Khutichun, khawvak chate banga na um dinguh ahi;

ISAI 42:7

Mitdûkte mit sukvak sak ding leh; Suongkul tângte pawtsak ding leh, thimnuoi a chute puidawk ding in,

JOHAN 12:46

Kei hi khawvel salhvak dinga hung ka hi, kuole ei gingcha ta chuh thima a um zing lohna dingun.

JOHAN 8:12

Chun, Isu’n Pharisaite kawmah thu a gen kit a, “Kei khawvel salh vak chuh ka hii; kuole, ei zui chuh thim lak ah leng puo’n tin, hinna vak nei zaw’na,” a ti a.

JOHAN 9:5

Van nuoia ka um sung hin, vannuoi salhvak pa ka hi,” a ti a.

SAM LEHKHABU THE PSALMS 107:14

Thimnuoi leh thihna lîm apat chuh a puidawk a, A kannau haw chuh a hih tan ta a.

SAM LEHKHABU THE PSALMS 107:10

Khenkhat chu thim nuoi leh thihna lim ah a chuu a, Sukgimtheih leh kawlbuh sak in a um u a.

ISAI 49:9

Suongkultângte kawm achun, ‘Hung pawtdawk un!’ na tih a, thim laka umte kawm chun, ‘Vak ah hung dawk un’ na tih theih na dingin. Amau chun lampi vel chun nek ding kimuh un tin; tânggaw châk haw achun a kivakna dinguh hamhing um ina.

JOHAN 1:9

Zie chuh vak diktak khawvela hunga, mitin salh vak chuh ahi.

SAM LEHKHABU THE PSALMS 23:4

Ahi, thihna lîm guom thim hawh mahleng le, Thil phalo mawngmawng lau hiel puo’ng ka; nang ka kawmah na um ngâl a, Na khetbuk leh na mawlh in nei thamuon sek ahi.

LUKE 2:32

Jentel te salhvak ding vak leh, Na mi Israel te lopina ding chuh!” a ti a.

JEREMIA 2:6

Aigupta gama pata ei puidawk a, gamthip gamgaw kawkhuk leh thihna lim leh gamgaw mun, kuomah chen loh na mun apat a ei puidawk pa Lalpa kha khawia um ahi ta? a ti diek puou hi.

ISAI 49:6

Lalpa’n ka kawmah, “Jakob namte tundin na ding leh Israel chate laka bitna a um kitna dinga suok a ka hun siem hi thil neucha ahi; Jentel te salhvak dingin le hun guot ing ka ting; khutia chuh ka hukdamna hih kâwlmawng tieng ale atun theih na dingin” a ti a.

ISAI 42:16

Mitdûkte chuh a chieh khâkloh nau lam ah pui ing ka ting; a het khâkloh uh lampi haw achun pui ing ka; Amau achun thim chuh vakin siem ing ka ting, lampi kuok lemlum te chule sucham ing ka. Ziehaw hi ka hih ding chuh ahi a, hengilh lo ding ka hi.

ROME 3:17

Lungmuonna lampi le a he puou hi.

JEREMIA 6:16

Lalpa chun hiti hin a tii, “Lampi pang haw achun ding unla en un. Lampi pha umna lamluite chuh dawng un la, zie tak achun chieh unla, na thagau u a dingin chawlhna mu’n lau,” ti’n. Himahleh, amau in vang, “Zie lampi chuh hawh puo’ng kau,” a tiu a.

ISAI 59:8

Thamuonna lampi a he puou a, chun, a lampiu achun thudik a um puoi, A lampiteu chuh a kâwi in a siem u a, zie a chieh taphawt chuh kuomah a bit a um puou hi.

ISAI 48:22

“Mi gilote ding in bitna himhim a um puoi,” Lalpa’n a tii.

SAM LEHKHABU THE PSALMS 44:19

Nangin Si-âl haw umna ah nei sawisa ek a, Thihna lima nei khuh na dingin.

SAM LEHKHABU THE PSALMS 25:12

Lalpa kihchate chuh kuote ahiu hi? Amau chuh a lampi tel ding chu hilh ina.

THUCHINGTE 3:17

A lampite chuh nawpsakna lampi ahi a, a lampi chengcheng chuh thamuonna ahi.

JOB LEHKHABU THE BOOK OF JOB 10:22

Thimna gam, a thima thim, thihna lim leh buoina, vak nasan le thim a channa gama chun.

ISAI 48:17

Lalpa nang haw hun hukdampa leh Israel Pathien Thiengtho chun a gen a, “Kei hi Lalpa na Pathien uh, na phatna dinguh a hun sinsakpa, Na chiehna dinguh lampi a hun puipa chuh ka hi.

THUCHINGTE 8:20

Kitûpna lampi chuh ka hawh a, diktatna lampi chuh ka zui a.

JOB LEHKHABU THE BOOK OF JOB 3:5

Thim sah tak leh thihna lim chang u henla, A chungah meipi zing hen la; Sun a thim chuh tizat-um hielin um hen.

NASEPTE 10:36

Amah chun, Lungmuonna Chanchin Pha, Isu Krista kama gen in, Israel suonte kawmah thu a thâk a, (Isu chuh mi chengcheng Lalpa ahi a),