LUKE 1:78 - PATHIEN LEKHABU THIENGTHO (BSI)

⁷⁸ I Pathien u chuh zahngaihna hau leh nunnem tak ahi ngâl a; Zieziekchun, chunglam apan in hukdamna ni no suok in ei hun tawh ina;

LUKE 1:78 ပူးပေါင်းရင်းမြစ်များ

SAM LEHKHABU THE PSALMS 25:6

Aw Lalpa, na lainatnate leh na chit zie te chuh hezing inla: Malai pek a kumlekhuo a na um ahi ta ngâl a.

ISAI 11:1

Jessai bulsum chuh hung seldawk in tin, a zung apat in a bâk khat hung seldawk ina.

ISAI 42:16

Mitdûkte chuh a chieh khâkloh nau lam ah pui ing ka ting; a het khâkloh uh lampi haw achun pui ing ka; Amau achun thim chuh vakin siem ing ka ting, lampi kuok lemlum te chule sucham ing ka. Ziehaw hi ka hih ding chuh ahi a, hengilh lo ding ka hi.

ISAI 63:15

Van apat khan hun en suk inla, na thienthona leh na lopina umna mun apat khan hun en tie! Kei uh nei ngaihtuohna nasatak leh na hatnate kha khawitaka um ahi ta’m? Na lungthima nei ngaihsakna leh na lainatna chuh kei u apat a lâkmang ahi tai!

ISAI 63:7

Lalpa zahngaihna nasep chuh geldawk ing ka ting; Lalpa zaidawhna thute leh pahchakna thute gen ing ka ting; A lungsietna bang zel leh, a zaidawhna nasat zie bang zela Israel inkuon chunga a phatna nasatak a vuk thu khale gen ing ka.

ZEKARIA 3:8

Zieziekchun, nang thiempu Lienpen Joshua, ngaitha’n! Nang haw thiempu naseppihte haw, ngaithau in, masang hun lama thilpha hungtung ding etsakna na hi ngâl u a: Ka suokpa, a Bakpi kiti chuh hun sulang ding ka hi.

ZEKARIA 6:12

Chun, a kawma chun, Bangkim hihthei Lalpa chun hiti hin a tii: ‘Ngaitie, mi, a min Abak kiti chuh a uma; a mun apat in hung khang dawk intin, Lalpa Ho-In chuh hun sa’n a.

MALAKI 4:2

Himahleh, nang haw ka thupiek zawpte ding chun, Dikna ni hung suok in tin, a thate a sukdamna tawh. Tichun, chieh dawk in na tin un, bâwngno a a kul a kithahdawk bang in khanglien un lau.

KISIMNA 24:17

Ken amah chuh mu ding ka hi a, tuhin chuh hilo, ken amah chuh en ing ka ting, naicha vang hi puo’n a. Jakob apat Aksi khat hung pawt intin, Israel a kipatin Lal tieng hung ding dawk ina; Moab chalpâng khên intin, Seth suonte cheng khên pai ina.

JOHAN 3:16

Pathien in khawvel a hehpih mah mah ziekin, a Chapa changkhat neih sun a pie a, kuole, amah gingcha taphawt chuh mangthai puou un tin; himahleh, kumkhuo hinna nei zawn au.

EPHESI 5:14

thil khawvak a suklata um ta chuh, vak a hi sek hi. Zieziekchun ahi, “Nang ipmu, hak inla, mithi lak apat tho in; Tichun, Krista chun hun salhvak ina,” ti a gena a um khah.

PHILIPPI 1:8

Nang haw ka hun ngaihnatna hi Krista Isu lungthim apat ngêi a hi tih, Pathien ei hetpih a hi ngâl a.

PHILIPPI 2:1

Khutichun, Krista a na hinnau chun a suhat in, a lungsietna chun a hun thamuon sak na hiu hi. Thagau a kivawp khawm in, kilainat in na kilungsiet tuoh ngâl u a.

KOLOSSA 3:12

Khutichun, Pathien mi tel, mi thiengtho leh deih takte bangin, kilungsietna lunggil haw, zahngaihna haw, kingaihniemna haw, lungchuolna haw, thuokhatna haw chun kivan un.

2 PETER 1:19

Zieziekchun, thiemgaute thu genlawk haw akhan muonna det zawsem ka neih uh ahi. Zie chuh, na lunggil uh a Zingsawl aksi a hung vak masang sieh in, khawvak ma a thaumei vak tawbang in zie thu chuh na lungthim uh salhvakna’n mang leu chin pha ding ahi.

1 JOHAN 3:17

Kuole, mi hausa khatin, a suohpih tasam in mu hen la; a suohpih chuh lainat ta kileh, bangti’n Pathien ka hehpih hi a ti thei die?

THUPHUON 22:16

“Kei, Isu hin, sapchuom haw kawmah, zie thu hi hettuoksak dingin, na kawm u ah ka vânsâwlchâk chuh ka hun sawl ahi. David bulpi leh a suon, aksi vak tak chuh ka hi,” a ti a.