LUKE 1:76 - PATHIEN LEKHABU THIENGTHO (BSI)

⁷⁶ “Ahi, bawipu, nang hi Chungnung pên pa Thiemgau tih hin la. A lampite guonggalh lawk dinga Lalpa masanga chieh ding na hi ngâla.

LUKE 1:76 ပူးပေါင်းရင်းမြစ်များ

SAM LEHKHABU THE PSALMS 87:5

Ahi, ziehi tawh zie khuh a sung a pieng ahiu a; Chungnung pên pa ngêi chun amah chuh hihdet ina, ti’n Zion chung thu chuh gen un au.

MALAKI 3:1

“Ngaitiem u! ka sawlchak hun sawl ding ka hi a, Ka masangah lampi hun guonggalh ina. Tichun, na hawl uh, Lalpa chuh a Ho-In ah thakhat in hung phut ina. Thuthun Sawlchak na kipahpih u chuh hung in tin, ka thu chuh hung phuong dawk ina,” Bangkim hihthei Lalpa chun a tii.

MALAKI 4:5

“Ngaitiem u, Lalpa ni lopi tak leh lauh-um tak chuh a hungtun masang in, thiemgau Elijah chuh na kawm u ah hun sawl ing ka.

MATTHAI 14:5

Herod in thah a nuom a, himahleh Juda mipite chuh a lau a, Johan chuh thiemgau a a seh ziekun.

MATTHAI 21:26

‘Mihiem thu’ ti leuhing la, mipi chuh I lau ngâl u a; mi chengcheng in Johan chuh thiemgau in a ngai ngâl u a,” a kitiu a.

MATTHAI 3:11

Ken chuh na lunghei ui tih suklatna’n tui in ka hun baptist sek a, ka nunga hung ding pa hin chuh Thagau thiengtho leh mei in hun baptist ding ahi. Kei sangin a lopi zaw a, a kengtawbek khau phel hâwi le ka hi puoi.

MATTHAI 3:3

Amah chuh ahi, thiemgau Isai-in, “Gamthip a mi kiko khat chun, ‘Lalpa lamlien lai unla, A lampi hêi zang un,’ a tii,” ti a a gen kha.

MARK 11:32

‘Mihiem apat ti leng la.’” (Mi chengcheng in Johan chuh thiemgau tak taka a ngaih ziekun a lau ngâl u a.)

LUKE 1:32

Amah chuh milien hung hi’n tin, Chungnung pên Pa Chapa ti’n au. Lalpa Pathien in a kawmah a suonpau David chutphah chuh pie’n tin,

LUKE 1:35

Vânsâwlchâk chun a dâwng a, a kawmah, “Thagau Thiengtho na chungah hungtung intin, Pathien thilhih theihna chuh na chungah um intin, zieziekchun, nau thiengtho hung pieng ding chule Pathien Chapa ti’n au.

LUKE 6:35

Khutichu hilo in, na melmateu hehpih unla, a phatna dinguh hih unla, bangmah muh kit kinepna hilo in palâk sak un. Khutichun, kipahman tampi nei un na tin, Chungnung pên pa chate hin lau. Amah chuh mi kipahna zie helote chung leh mi gilote chuh a hehpih sek ngâla.

JOHAN 1:23

Johan chun, “Lalpa lampi hih tuok un, ti a gamthip a kikopa aw chuh ka hii, thiemgau Isai gen guol khan,” a ti a.

JOHAN 1:27

Amah chuh ka nunga hung ding pa chuh ahi, a kengtawbek khau phel hawi le kei puoi,” a ti a.

JOHAN 3:28

‘Kei Krista chuh ka hi puoi, a masang a ei sawl ka hii,’ ka tih kha, nangmau haw ngêi ei hetpihte na hiu.

NASEPTE 16:17

Zie nu chun, Paul leh kei uh ei zui a, “Zie mihaw, hukdamna lampi hun hilhte hi, Chungnung pên Pathien thu-awi ahiu hi,” ti’n a kiko a.