LUKE 1:7 - PATHIEN LEKHABU THIENGTHO (BSI)

⁷ Himahlele, Elizabet chuh a chîng a hih ziekin cha a nei puou, a nih uh chun upa tak gel ahi ta ngâl u a.

LUKE 1:7 ပူးပေါင်းရင်းမြစ်များ

THILSIEMBUL 17:17

Khutichun, Abraham chuh a khupbawk a, “Kum za mi hin cha a nei dinga ahim? Sarah kum sawmkuo mi hin cha a nei dem?” ti’n a lunggil in a nui a.

THILSIEMBUL 18:11

Chun, Abraham leh Sarah chuh upa tak leh têk tak ahi tau a; numei dân ngeina chuh Sarah achun a um ta puoh a.

THILSIEMBUL 25:21

A zi chuh a chîng ahih ziekin Isak chun Lalpa kawmah a ngetsak a, Lalpa’n a ngetna a ngaihthak sak a, a zi Rebekah chun nau a vawp ta a.

THILSIEMBUL 30:1

Chun, Rachel chun Jakob chuh cha himhim a hinsak puoi tih a kihet phet chun, a suohpihnu chuh a itthik ta a; Jakob kawm achun, “Cha haw ei pieh, ahihloh leh thi ding ka hi,” a ti a.

1 LENGTE 1:1

Chun, leng David chuh a hung upa a, a hung têk ten ta a; a suokte’n puon haw silh sak mahleu le lum a sa thei diek puoh a.

2 LENGTE 4:14

Chun, amah chun Gehazi kawm achun, “Bang ahim ka hih sak ding?” a ti a. Gehazi chun a dâwng a, “Chapa a nei puoh a, a pasal chula a têk ta ngâl a!” a ti a.

LUKE 1:5

Judia gam leng Herod lal lai in, thiempu Abija lawi laka mi, a min Zakaria kiti, thiempu khat a um a. Amah chun thiempu Aron chi inkuon laka mi zi’n a nei a, a min chuh Elizabet ahi.

LUKE 1:6

A nih uh chun Pathien mitmuh in diktat takin a um sek uh a, bukim takin Lalpa thupiek leh a dante chuh a zawp sek ui.

LUKE 1:8

Chun, tihi ahi a, ni khat chuh Zakaria chuh, ni chenga a nasep hun in, Pathien Ho-In achun thiempu nasemin a um a.

ROME 4:19

Chuleh, ginna a detlo diek lo in, a sapum thisa guola um chuh a ngaihtuoh a, (amah chuh kum zakhat vel mi ahi ta ngâl a), Sarah chîn chule a ngaihtuoh puoh a.

HEBRAI 11:11

Taksanna ziekin Sara’n le, a tiempa chuh taksanum a a seh ziekin, a têk kei nung in nau vawp theihna a mu tai.

1 SAMUEL 1:2

Elkanah chun zi nih a nei a; khatzaw min chu Hannah ahi a, adang min chuh Peninnah ahi; Peninnah chun chate a nei a, Hannah vang chun cha a nei puoi.