LUKE 1:49 - PATHIEN LEKHABU THIENGTHO (BSI)

⁴⁹ Pathien hât khan ka chungah thil lopi tak ei hih saka, A min le a thiengtho hi.

LUKE 1:49 ပူးပေါင်းရင်းမြစ်များ

SAM LEHKHABU THE PSALMS 111:9

Amân a mite kieng ah tatna a hun sawl a; A thuthun chuh kumlekhuo a ding in a guot a. A min chuh a thiengtho in a zahum hi.

SAM LEHKHABU THE PSALMS 99:3

Amau chun na min lopi tak leh lauh-um tak pakchau hen; Amah chuh a thiengtho ngâla.

JEREMIA 10:6

Aw Lalpa, nang tawbang kuomah a um puoh a, Na lopi a, na min chuh thilhih theihna’n a lopi hi.

EPHESI 3:20

Chun, I ngetnau leh ngaihtuohnau sanga thilhih-theihna tawh eihaw laka nasem thei:

THILSIEMBUL 17:1

Chun, Abram chuh kum sawmkuo leh kum kuo mi ahih in, Lalpa chuh a kawmah a hung kilak a, a kawmah, “Kei, Pathien Bangkim bawlthei ka hi; ka masang ah um inla pha bukim in um in.

ISAI 57:15

“Chungnung pên Pathien lopi, chawihsân a um, kumlekhuo a hing zing Amin Thiengtho kiti chun hiti hin a gen hi: ‘Mun sang leh Mun Thiengtho achun ka chênga, kingainiemte leh lunggil kisik vulvul te hihhalh ding leh lungthim thasie te chuh suhalh dingin.’

THUPHUON 15:4

Aw Lalpa kuo a na min zah lo a, Pakcha lo ding? Nang mai a Thiengtho na hii; Na thilhih diktatte chuh a kiphuon tâk ziekin, Namtin cheng chuh hung in, Nang hun ho un au,” tih hi a sau a.

SAM LEHKHABU THE PSALMS 99:9

Lalpa I Pathien u chuh pakchau unla, A tâng thiengtho a chun ho un: Lalpa I Pathien u chuh a thiengtho ngâla.

1 SAMUEL 2:2

“Lalpa guola thiengtho khatchale a um puoi; Nang tawbang himhim a um puoi, I Pathien u tawbang suongpi himhim a um puoi.

PAWTDAWKNA 15:11

“Aw Lalpa, pathien haw lak ahin nang bang hi kuo a um? Thienthona lama lopi leh, Pahchak tâk hihna lama zahum leh, thilmakte hih sek, Nang tawbang kuo a um?

ISAI 6:3

Sepaihte Lalpa chuh “A Thiengtho ie, A Thiengtho ie, A Thiengtho ie! Lei chung pumpi hi a lopina’n a dim hi,” ti’n a kidâwng tuoh, a kidâwng tuoh u a.

JEREMIA 20:11

Himahleh, Lalpa chuh mi hangsan lauh-um tak bangin ka kawmah a um zing a. Zieziekchun, ei dote chuh puk untin, ei zo puo’n au. Zahhuoi takin um untin, a lawhtit loh ding ziekun. A kumkhuo minsietnau chuh hetngilh in um ngei puo’n a.

THUPHUON 4:8

Chun, ganhing lite chuh, tha gup nei chiet, a kimvel cheng leh a sung uh mita dim ahiu hi. Chun, “Lalpa Pathien, Bang cheng hihthei, umsa pa leh, um lai tak leh, hung um kit ding pa chuh, A thiengtho ie, A thiengtho ie, A thiengtho ie!” ti’n sun leh zan in a chawlnga kha puou hi.

MARK 5:13

Amah chun thu a pie ta a. Tichun, thitha buok haw chuh a pawt u a, vawk hawn sung achun a lut u a; vawk hawn chuh sangnih vel ahiu a, tichun, kawl ah a taisuk u a, dîl ah a tailut u a; dîl achun tui hapvah in a thi tau hi.

ISAI 1:24

Zieziekchun, Bangkim hihthei Lalpa Israel Mihat thugen hi ngaithau in: “Nang, ka melma pa chunga hin phuba la’ng ka ting, ei subuoi kit ta puo’n la.

SAM LEHKHABU THE PSALMS 24:8

Lopi na LAL chuh kuo ahi? Lalpa hattak leh thilhih thei tak, Lalpa, kido na a thilhih thei tak chuh ahi.

ISAI 63:1

“Edom gam, Bozrah khawpi apat hung khu kuo a? A puon san silh a, lopitak leh hatna thilhih theihna tawh hung khu kuo a?” “Lalpa hukdam dinga thilhih thei tak, a zawhna thu phuong dinga hung pa kha ahi”

LUKE 1:48

A suoknu nam chawm zie a mu a, a lungsiet a; Ngai ah, tu a kipatin khangthak chengcheng in hampha ei sa ding ahi.

LUKE 1:50

Amah kihchate chung achun a zahngaihna chuh akhang-akhangin a latsak zel sek a.