LUKE 1:33 - PATHIEN LEKHABU THIENGTHO (BSI)

³³ Jakob suonte chungah kumkhuotuong in lal intin, a gam in tâwp ni nei ta puo’n a,” a ti a.

LUKE 1:33 ပူးပေါင်းရင်းမြစ်များ

2 SAMUEL 7:13

Amah chun keia dingin Ho-In sa’n tin, a lalchutphah chu kumlekhuo a dingin hih det ing ka.

2 SAMUEL 7:16

Chun, na inkuon leh na gam chu kumlekhuo a hihdet hi’n tin, na lalchutphah chule kumlekhuo a hihdet hiding ahi,’ a tii,” ti’n Lalpa thu ahung tung a.

SAM LEHKHABU THE PSALMS 45:6

Aw Pathien, na lalchutphah chuh kumlekhuo’n um ding ahi: na lal tiengkhut chuh uoh chuom neih loh na lal tiengkhut ahi.

SAM LEHKHABU THE PSALMS 89:4

Na suonte chu kumlekhuo a dingin sudet ing ka ting, Na lalchutphah le khang chengcheng tieng in lemto ing ka.” Selah

ISAI 16:5

Zie tieng chuleh David suonte khat chuh leng in hung pang intin, a mite chuh ginum tak leh, lungsietna’n vai hun hawmsak ina. Thil dik chuh kintakin hih intin, diktatna hih a a um leh um loh chuh, phatak in entup ina.

ISAI 9:7

A gam lien zel intin, a vaihawmna leh chamna chun tâwp tik ni nei puo’n a. David lalchutphah leh a lalgam ah chu’n tin, bawt dawk ding leh sudet dingin diktak leh kitûp takin vaihawm ina, tu apat kumlekhuo’n, Sepaihte Lalpa phatchuomngaihna chun zie chuh hih ina.

JEREMIA 23:5

“Ngaitiem u! David dinga bâk diktak ka seldawk sak hun ding chuh hungtung ding ahi, tih hi Lalpa kamsuok ahi. Amah chuh leng in chu’n tin, chingthei takin hih ina. Chuleh, gamsung ah dikna leh kitûpna um sak ina.

DANIEL 2:44

Chun, zie lengte nihaw achun lalgam hun tungdawk in tin, zie chuh sie ngei ta puo’n tin, a lalna le midang a ding a nutsieh hi puo’n a. Zie lalgam chengcheng hi hihgawp in, hih mang zaw’n tin, kumkhuo’n ding zing ina.

DANIEL 4:34

Chun, zie nite chuh a hung tawp phet chun, kei Nebuknezar in van lam ka vak en to a, tichun ka lungthim ngeina chuh ka hun pu kit ta a. Chungnung pên Pathien chuh ka pakcha a, limbawlna leh lopina chuh kumlekhuo a Hing zing pa kawm achun ka pie ta a. “Amah chun kumlekhuo’n vaihawm intin, a gam in tâwp tik ni nei puo’n a.

DANIEL 6:26

Ka gam awpna sunga mite chengcheng hin Daniel Pathien chuh lau in kilîng u hen, ti’n thupiek ka bawl ahi. “Amah chuh Pathien hing ahi a, kumlekhuo’n vaihawm intin. A lenggam chuh suksiet hi ngêi ta puo’n tin, a thilhih theihna chun tâwp nei ta puo’n a.

DANIEL 7:18

Himahleh, Chungnung pên pa mithiengtho te chun lalgam chuh chang untin, kumsawt kumsawt in chang den ta’n au,” ti’n.

DANIEL 7:27

Tichun, lei chunga lalgam chengcheng thuneihna leh lopina chuh, Chungnung pên pa Pathien mite kawma chuh piek hi ta’n a. A lalgam chuh tâwp ta puo’n tin, lei chunga vaihawmte chengcheng in a nau sep sak un tin, a thuu zawp ta’n au.” ti’n.

OBADIA 1:21

Chun, Zion tâng achun hukdampate hung pawtdawk intin, Esau tâng chuh vaihawm sak intin, tichun, gam chuh Lalpa a hi ta’n a.”

MIKA 4:7

Tichun, kêngbâi chuh suohchak sak ing ka ting, gamla taka nawhmang a umte chuh nam lopitak a siem ding ka hi.

MATTHAI 1:1

Isu Krista hun suontute Abraham leh David suonte khanggui kizawt zie chuh:

MATTHAI 28:18

Tichun, Isu chuh a kawm u ah a hung a, a kawm u ah, “Lei leh van a thuneihna chengcheng ka kawma piek ahi tai.

LUKE 1:34

Chun, Mari’n vânsâwlchâk kawm achun, “Ziehaw chuh bangti’n ahi thei die, nungak thiengtho ka hi ngâl a?” a ti a.

ROME 9:6

Pathien thutiem chuh a lawhsam tai ti ka hi puoh a; Israel mi chengcheng chule Pathien mite ahi suok diek puou ui.

GALATI 3:29

Chun, Krista a na hih u chun, Abraham suon, thutiem dungzui a goluoh dingte na hiu hi.

GALATI 6:16

Zie tawbang ngaihdan zui ta chengte chunga chun kichamna leh kikhawtuohna um hen la, amau haw leh Pathien mipite chung ngeia tawh um ta hen!

PHILIPPI 3:3

Eihaw, Pathien Thagau zâla Pathien ho leh, Krista Isu kisuonpihte leh, phehlevo pawlam chunga zek le chan kibawlte chunga ginna ngalote hi, zektan haw I hizaw ngâl u a.

HEBRAI 1:8

Chapa chungchâng thu achun Pathien in ziehi a gen a hii: “Aw Pathien, na Lalgam chuh kumkhuotuong a um ding ahi; Dikna leng tiengkhut chule Na gam leng tiengkhut chuh ahi ngâl a,

THUPHUON 11:15

Chun vânsâwlchâk sagihna chun a pengkun chuh a vak mût a, tichun, van apat in aw ngeih tak in, “Khawvel gam hih I Lalpau leh Krista gam a hung hi tai, amah chun kumkhuotuong in vaihawm ina!” a hun ti a.