LUKE 1:20 - PATHIEN LEKHABU THIENGTHO (BSI)

²⁰ Himahleh, ka thugen haw, a hun taka hungtung ding chuh na ginchak loh ziekin, zie thil haw chuh a hungtun masang sieh thipkêi in na tin, pau le pau thei puon la,” a ti a.

LUKE 1:20 ပူးပေါင်းရင်းမြစ်များ

2 LENGTE 7:19

sepaih lawiupa khatin Elisha chu a dâwng a, “Zie chu tung thei puo’n tin, Lalpa’n le guoh hun zuk sak diek puo’n a,” ti a a gen guol leh; Elisha chun, “Na mit in vang mu’n na tin, a nek vang ne lo ding na hi,” ti a a gen guol khan.

2 LENGTE 7:2

Chun, sepaih lawiupa leng kithuohpih pên pa chun Pathien mi chu a dâwng a, “Ngaitie, Lalpa’n van ah tukvan hawng ding ahi chu uo; zie bang thil chu ahi thei maizen dinga ahim?” a ti a. “Ngaitie, na mit in vang mu ngêi in na tin, a nek chu vang nelo ding na hi,” ti’n, Elisha chun a dâwng a.

PAWTDAWKNA 4:11

Chun, Lalpa chun a kawmah, “Mihing kam hi kuo siem ahi? Pau theilote, bengngawngte, mitvakna piete, mitdûkte hi le kuo siem ahi? KEI, Lalpa siem hilo ahim?

ISAI 7:9

Chun, Ephraim luchang chuh Samari ahi a, Samari luchang chuh Remalia chapa phet ahi ngâla. Na ginchak nawp loh u chun, hihdet in um hiel puo’n lau va tih,” ti’n.

EZEKIEL 24:27

Zie ni ngêi chun hung pau thei ta’n na tin, a suokcha te kawm achun thu gen in na tin, pautheilo in um ta puo’n la; khutichun, amau dingin melchikna hi’n na tin; chun Lalpa chuh ka hi tih hun he tan au,” a ti a.

EZEKIEL 3:26

Na lei chuh na khadang ah beh sak ing ka ting, pau thei ta puo’n na tin, amau haw hilhgaihtu hi ta puo’n la, helchîng inkuon ahi ngâl u a.

DANIEL 10:15

Zie thute chuh ka kawma a gen phet chun, pau thei lo in tuol lam ah ka khuntha ta a.

KISIMNA 20:12

Himahleh, Lalpa’n Mosi leh Aron kawm a chun, “Nei ginchak loh u a, Israel chate mitmuh a nei limbawl loh ziekun, zie mipite hi amau ka piek gam achun puilut puo’n lau,” a ti a.

MARK 16:14

A nunung pen ah, ankuong a um lai un, sawmlekhatte kawmah a kilak a. A thawhkit nunga amah mute thugen a taksan loh ziek u leh, a lunggil hawu tâk ziek chun amau haw chuh a gai a.

MARK 9:19

Ziephet chun, Isu’n a kawm u ah, “Aw khangthak taksanna nei lote haw, bang chana na kawm u a ka um a, bang chana ka hun hungaih theih ding? amah chuh ka kawmah hun pui un,” a ti a.

LUKE 1:19

Chun, Vânsâwlchâk chun a dâwng a, a kawmah, “Gabriel, Pathien ânga ding sek ka hi a; hun hopih ding leh, zie chanchin pha chuh hun hilh dinga ei sawl ka hi.

LUKE 1:21

Zielai a mipi, Zakaria ngaka umte chun, bangti dana Pathien Ho-In sunga zie chanpi hi hung um ahi ta die! ti’n mak a sa ten tau a.

LUKE 1:22

Chun, a hung pawt phet chun, amau haw a hopih thei ta puoh a, ziephet chun, Ho-In sung achun kilâkna a mui tih, a he tau a. Thumal khat le a gen thei ta puoh a, a khuta thawh in, a kawm u ah a gen ta a.

LUKE 1:45

Chun, Lalpa’n na kawma a thugen chuh guitung ahi tih, na ginchak chuh, mi hampha na hi na lâwm lâwm e!” a ti a.

LUKE 1:64

Chun, phulo-halo in a kam leh a lei chuh a hung kiphel a, Pathien pakcha’n a hung pau dawk pai zieng a.

ROME 3:3

A lak u a mi khenkhat ginumlo in um mahleu bang a ti chuom dinga ahim? A ginum loh ziek u chun Pathien chuh ginumlo mai ding ahi a ahim?

2 TIMOTHE 2:13

Eihaw taksan um lo in um mahleu hing, Amah chuh a taksanum zing hi; Amah leh amah a kithem thei puoh ngâl a,” tih hi.

TITA 1:2

Zie chuh kumsawt a hinna kinepna thu a kinga ahi. Zie hinna chuh leisiet kisiem ma pek a Pathien lepchieh ngei lo pa chun ei tiem a,

HEBRAI 6:18

Zie chun then kit theih loh thil nih a um ta a, zie thu achun le Pathien chuh a lepchieh ngeilo ahi. Khutichun, eihaw, amah a kihumbitna mute hin, I masang uh a kinepna um chuh tuchak dingin, nasa taka sukhat in I um tau hi.

THUPHUON 3:19

Ka hehpih tak cheng chuh ka hilhgaih a, ka thunun sek hi. Khutichun. gunchuh inla, lunghei ah.