LUKE 1:17 - PATHIEN LEKHABU THIENGTHO (BSI)

¹⁷ Thiemgau Elija guola hât leh thilhih thei takin Lalpa masang achun chieh intin. Pate leh chate chuh puikhawm kit intin; mi, thu-awilo te chuh thil dik lam ah kai hêi kit intin; Lalpa mite chuh amah a dinga kisazo dingin hilh ina,” ti’n.

LUKE 1:17 ပူးပေါင်းရင်းမြစ်များ

1 LENGTE 17:1

Tishbe mi, Elijah, Gilead gama Tisbea um chun, Ahab kawmah, “Lalpa Israel te Pathien, a âng a ka din sek na hinna sâlin ka gen hi: ka thu lo in, kum bang zah ahim sung chu guoh leh dâitui himhim kie puo’n a,” a ti a.

1 LENGTE 18:18

Chun, amah chun a dâwng a, “Israel te ka sulungkham puoi; nang leh na pa inkuonte na hiu a puo, sulungkham zaw chuh, Lalpa thupiekte hih kiheisan a, Baal te na ho zawk tâk na ahin.

1 LENGTE 21:20

Chun, Ahab in Elijah kawmah, “Nei hung mudawk ta maw, ka melmapa?” a ti a. Elijah chun a dawng a, “Ka hun mu tai: Lalpa mit muh a thil phalo hih dinga na kizuok tâk ziekin.

2 LENGTE 1:16

Chun, amah chun a kawmah, “Lalpa’n hiti hin a tii: ‘Ekron khuo a pathien Baal-zebub dawng dinga mite na sawl a, Israel gama hi Pathien dawt ding um talo guol maia na hih ziek chun, dam dawk puo’n na tin, thi tei tei inla,’ ti’n” a ti a.

1 KHANGTHUBU 29:18

Aw Lalpa, ei suontuu Abraham te, Isak te, Jakob te Pathien, na mite’n hitibang lunggil hi a put zing theihna dingun, a lunggil teu hi nanga dinga ginum zing dingin siem inla.

2 KHANGTHUBU 29:36

Pathien in zie tawbang thil te chu kintaka hihdawk thei dinga amau haw a panpih ziek chun, Leng Hezekia leh mipite chu a kipâk mah mah tau hi.

SAM LEHKHABU THE PSALMS 10:17

Lalpa, kingainiem te ngetna na ngaitha a: A lungthim uh kisak sak in na tin, A bil un le zak sak in na tin,

SAM LEHKHABU THE PSALMS 111:10

Lalpa kihchak chuh chitna bul ahi; Khutibanga hih tapoh te chun hetthiemna a nei u a: Amah pahchakna chuh kumlekhuo a um ding ahi.

SAM LEHKHABU THE PSALMS 78:8

A suonteu banga, Suon genhak leh kiphin hât; Suon lunggil detlo, Pathien kawma lunggil muon umlo pu a a um loh na dingun.

ISAI 29:24

Thagau a hihkhielte chun le hun hethiem tau untin, chun, mi phunchiekte chun le sinsakna chuh pawm ta’n au,” ti’n.

AMOS 4:12

“Zieziekchun, Aw Israel, na chungah hitibang hin hih ing ka: na chunga ziehi ka hih ding ziekin, Aw Israel na Pathien tuok dingin kisazo in!”

MATTHAI 11:14

A thugen u chuh na zawp nawp u chun, a hung ding kigenlawk kha Elijah hi ahi.

MATTHAI 14:4

Johan chun a kawmah, “Amah na kichênpih hi a thieng puoi,” a tih sak ziekin.

MATTHAI 3:3

Amah chuh ahi, thiemgau Isai-in, “Gamthip a mi kiko khat chun, ‘Lalpa lamlien lai unla, A lampi hêi zang un,’ a tii,” ti a a gen kha.

MATTHAI 3:4

Zie Johan chun sangawngsau mul puon a silh a, a kâwng savun kâwnggak in a gâk a, a an chuh khaupepi leh gam khuoizu ahi.

LUKE 1:16

Tichun, Israel mipi tamtak, Lalpa a Pathien uh lam ah puikit ina.

LUKE 1:76

“Ahi, bawipu, nang hi Chungnung pên pa Thiemgau tih hin la. A lampite guonggalh lawk dinga Lalpa masanga chieh ding na hi ngâla.

JOHAN 1:13

Ziete haw chuh thisan hin a hi puou a, phehlevo deihlam a hin ahi puou a pasal deihlam a hin le ahi diek puou a, Pathien hin ahi zawu hi.

JOHAN 1:34

Zie chuh ka mu ta ngêi a, tichun, zie pa hi Pathien Chapa a hii tih ka hetsak tai,” a ti a.

JOHAN 3:28

‘Kei Krista chuh ka hi puoi, a masang a ei sawl ka hii,’ ka tih kha, nangmau haw ngêi ei hetpihte na hiu.

NASEPTE 10:33

Zieziekchun, na kawma mi ka hun sawl zieng ahi; na hung hi a phai. Khutichun, Lalpa’n thu a hun piek chengcheng za dingin, tuhin, Pathien mit muh ah, I bawn un taka hih um I hiu hi,” a ti a.

ROME 9:23

A neihzawhna hauh zie etsak theihna dingin; lungnatna bel, mangthai ding guolte chunga chun, Pathien in a lungnatna leh a thilhih-theihna latsak nuom mah lele a dawh hâmhâm chun, banga khawk ding?

KOLOSSA 1:12

Chun, thuokhat tak leh kipâk takin, lenggam vakna muna mithiengthote go chuh luohpih dinga ei siempa. Pa kawm achun kipahthu gen un.

2 TIMOTHE 2:21

Zieziekchun, mi zie thil haw laka chuh a kisukthien chun, ûmlebel thieng, Lalpa mat theih, nasep pha tin chenga dinga kiguosa, lat thiengtho chuh hi’n a.

1 PETER 2:9

Himahlele, khawthim apat a pawt a, a vak maktak a lut dinga hun sampa phatna chuh na etsak theihna dingun, nanguh vang nam ten, leng thiempute, nam thiengtho, Pathien mite ngêi; na hung hi tau hi.

1 JOHAN 2:28

Khutichun, naute, amah ah um zing un; tichun, amah a hung kilak tieng leh, hangsan tak leh, zakcha lo a, a hungna Ni a chuh na um theihna dingun.

THUPHUON 20:4

Chun, lalchutphah haw chuh ka mu a, a chungah mi a chuu a, a kawmuh achun vaihawmna a pieu a. Chuleh, Isu thu hettuoksakna thu zieka leh, Pathien thu zieka ngâwng kitante thagau leh sahang leh a lim ho lo a, a chalpâng uh ahim, a khut uh a him a, tiemtehna nei lote thagau chule ka mu a. Ziete haw chuh a hung hing tau a, kum sangkhat a dingin Krista tawh vaihawm in a um tau hi.

1 SAMUEL 7:5

Chun, Samuel chun, “Israel te chengcheng chu Mizpah ah samkhawm unla, Lalpa kawmah hun paucham sak ing ka,” a ti a.