KOLOSSA 4:2 - PATHIEN LEKHABU THIENGTHO (BSI)

² Paucham hâm hâm unla, zie achun kipahthu gen kawmin khawningai un.

KOLOSSA 4:2 ပူးပေါင်းရင်းမြစ်များ

PHILIPPI 4:6

Bangmah ah lungkham kiu in; bang chengah paucham leh ngenin, kipahthu gen tel zelin, na ngetna hawu chuh Pathien kawmah hetsak in um zaw hen.

EPHESI 6:18

ziehaw chuh, bang hun ale, Pathien kawmah paucham in ngên zawu in. Hun tin ah, thagau in a hun puih bang zelin paucham un. Zie ziek tak hin, kivêng phau inla, Pathien mite dingin paucham zingun.

ROME 12:12

Kinepna lam u achun kipâk takin um unla; gimtheih thuokna lam achun, thuokhat takin um unla; pauchamna lam achun paucham tuntun un la,

MATTHAI 26:41

Thepna a na lut lohna dingun kiging zingin paucham un; thagau vangin a ngâp a, sapum vang chuh a hatlo ahi,” a ti a.

LUKE 18:1

Chun, Isu’n a sinsakte chuh, lungthuoi lo in a paucham zing dinguh ahi tih hilhna dingin a kawm u ah tehkal thu a gen a:

LUKE 21:36

Zieziekchun, zie thil hungtung dingte chuh pel tâk leh Mihiem Chapa masanga ding tâka guot na hih theihna dingun, bangtik lai inle paucham kawmin khawningai un,” a ti a.

SAM LEHKHABU THE PSALMS 109:4

Ka hehpih na chuh ei gensiet na’n a mang u a: Mahleh kei chuh amau a ding a paucham dingin ka kipie chak kêi hi.

1 PETER 4:7

Himahlele, thil chengcheng tawpna ding chuh a nai ta a. Zieziekchun, na paucham theihna dingun, lungthim diktak pu’n, chingkieu in um un.

KOLOSSA 1:9

Zieziekchun, na chanchin uh ka zak uh apat, nang haw dinga paucham leh hun nget sak ka hai puou hi. Pathien kawm achun, a Thagau in a piek, amah deihlam hetna leh, chitna tin cheng leh hetna bukima na hung dim theihna dingun ka hun nget sak sek ui.

MARK 13:33

Chingthei unla, kiging zinga um in paucham un; a phat chuh na he puoh ngâl u a.

KOLOSSA 3:17

Chun, na hih tak uh chuh, thugen in ahim, thilhih in ahim, amah zâla Pa Pathien kawma kipahthu gen kawmin, Lalpa Isu min in hih vek un.

KOLOSSA 2:7

Amah achun zung thuk taka khawh in, na hinnau chuh amah a lemto in, na taksannau achun hung hât deuh deuh tau in, sinsak a na um tâk bang u khan. Chun, kipah thugenna ngen a dim in hung um zawu in.

KOLOSSA 4:12

Epaphra, nangmau haw laka khat, Krista Isu suokpa hin a hun chibai na hiu hi. Amah chun, Pathien deihlam tin chenga buting leh taksan detna nei a na din det theihna dingun, phachuomngai takin a hun paucham sak zing sek hi.

1 SAMUEL 12:23

Zie mai chule hilo in kei ding vangin, nang haw dinga paucham haihsan a Lalpa chunga gitlohna hih ding chu thil hithei lo hiel ahi; lampi pha leh dik chu hun kâwkmuh zel zaw’ng ka.

KOLOSSA 3:15

Chun, Krista lungmuonna chun na lunggil u ah vaihawm he’n; khutibang hi ding chun sapum pumkhata Pathien in a hun sap na hi ngâl u a. Kipak in um zing un.

JOB LEHKHABU THE BOOK OF JOB 15:4

Ahi, Pathien lauhna chuh na nawhmang a, Pathien masanga pauchamna chuh na dal a.

NASEPTE 1:14

Ziehaw chengcheng chuh, numeite tawh, Isu nu Mari tawh, Isu suohpihte tawh, lungthim munkhata, phachuomngai taka paucham in a um zing sek u a.

1 SAMUEL 1:12

Chun, hiti hi ahi a, Lalpa ma a a paucham zing lai chun Eli’n a mûk phun chu a na tiemteh a.