KOLOSSA 3:9 - PATHIEN LEKHABU THIENGTHO (BSI)

⁹ Lepchieh in kithem tuoh kiu inla, mihiem lui chuh a thilchîn haw pum in na hâwk tha tau a,

KOLOSSA 3:9 ပူးပေါင်းရင်းမြစ်များ

EPHESI 4:25

Khutichun, zuou gen hai in, eimah insak inthangte kawmah thu diktak gen chiet hitiu; kika tuoh chiet I hi ngâl u a.

EPHESI 4:22

Khutichun, malai a na umdan uh mihiem lui, a milem utna zieka sie deuh deuh kha hâwk dawk unla,

THIEMPUDANTE 19:11

“Na gukchak dinguh ahi puoh a, thep leh thuol a thil na bawl dinguh ei puoi, lepchieh na kihilhtuoh dinguh ahi diek puoi.

JOHAN 8:44

Nang u chuh na pau Diabol chate na hiu a, na pau deih guol zuih na nuom uh ahi. A tunga kipatin tuolthat a hi a, thudik lam ah a pang ngei puoi, thudik amah a a um loh ziekin. Lepchieh thu a gen tieng leh, amah ngeina mawng hih a hi a, amah chuh lepchieh a hi a, lepchieh pa le ahi.

ROME 6:6

Ziehi he leuhing; I mihiem lui u chuh a mah tawh khetdên in a um ta a, gitloh puo sapum chuh sukmangthai a a um theihna dingin, tu a thak a gitloh suok a I um tâk loh na dingun.

ZEPHANIA 3:13

Israel mi, a suokcha te chun, kuomah diklo takin bawl puou un tin; lepchieh gen ta puou un tin, mi thep le guo diek ta puo’n au. Kiphathei tak leh bit takin um un tin; kuoma’n sulau ta puo’n au” ti’n.

THUPHUON 22:15

Himahlele, khawpi pawlam achun, uichate, dawithiemte, kideihchak nuomte, tuolthatte, milim hote leh, a thu leh a thilhih uh a lepchiehte um un au.

THUPHUON 21:27

Himahlele, thil buok himhim khawpi achun lut puo’n tin, thil muhdahum hihte leh, lepchieh gente le lut diek puo’n au. Belamno Hinna Lehkhabu a min a zikteu maicha lut un au.

1 TIMOTHE 1:10

kideihchak nuom haw ding leh tawkuohûk haw ding leh, mihiem-gukmang chîng haw ding leh, lepchieh a, thugin dik tawh kikalh lama hetpihtu lêm a pang te dinga siem ahi ngâl a.

THUPHUON 21:8

Himahlele, mi dawilawkte, gingchalote, kihdakumte, tuolthat te, mideihchak nuomte dawithiem te, milim hote, leh lepchieh chengcheng te chan ding chuh, mei leh kât a kâng dîl achun um ina; zie chuh thih nihna chuh ahi,” a ti a.

KOLOSSA 3:8

Tuhin vang nangun le, zie thil haw, kinuoisiehna haw. lungnatna haw, kihawtna haw, zahmawh haw, na kam u a pawt, kam zahmawh haw hi sumang un. Kigaihna leh lungnatna thu chuh na laku ah gen le kigen kihen.

ISAI 63:8

Lalpa chun, “Ka mite ahiu a, ei thêm ngei puo’n au,” ti’n. Khutichun, amau haw chuh a gimtheih thuoknau apat chun a hukdam ta a.

ZEKARIA 8:16

Ziehaw hi na thilhih dingteu chuh ahi: Mitin in amah invengte kawmah thu diktak gen chiet un la. Na vaihawmna In u ah thu diktak, chamna tun thei khawp chuh hih un.

THUCHINGTE 13:5

Mi ginum chun zuou a haw a, himahleh, migilo vang chuh kihdak a um a, muolphona a tun sek hi.