KOLOSSA 3:4 - PATHIEN LEKHABU THIENGTHO (BSI)

⁴ Krista a na hinnau tak tak chuh a hung kiphuon tieng leh, nanguh le amah kawmah lopi takin kiphuong ta’n lau.

KOLOSSA 3:4 ပူးပေါင်းရင်းမြစ်များ

JOHAN 11:25

Chun, Isu’n a kawmah, “Kei hi thawh kitna leh hinna chuh ka hii. Kuole, ei gingcha chuh, thi mahlele hing ina;

1 JOHAN 3:2

Deihtakte, tuhin Pathien chate I hiu a, bangti’n a I um dinguh tih vang a kichien tadih puoi; amah a hung kilak tieng le vang, amah bangin ki-um ina tih vang I heu hi, amah chuh a um ngei bang banga mu ding I hi ngâl uh a.

GALATI 2:20

Krista kawmah khetdên in ka um ta a, himahlele, ka hing hi, himahleh, keimah vang ka hi ta puoh a; Krista chuh keimah ah a hing zaw tai. Zie hinna, tu a ka hinna mawng hi, Pathien Chapa, ei lungsiet a keia dinga A hinna piepa taksanna mah achun ka hing ta ngâla.

1 PETER 1:13

Zieziekchun, na lungthim uh puontum chengin, pilkieu unla, Isu Krista a hung kilak tieng leh, vangsakna a hun piek ding chuh lungthuoi lo in kinem zingun.

PHILIPPI 3:21

Amah chun I taksau thithei chuh hih lamdang in, amah taksa lopi bang tak chun siem intin; zie thilhih theihna mah chun, thil chengcheng chuh amah thu nuoi ah a kawih thei ngâl a.

JOHAN 17:24

“Hepa! nangin kei nei piekte hi, ka umna a ka kawma um dingin ka deih hi; nangin nei piek, ka lopina khah a muhna dingun, lei kisiem masang apat in nei hehpih ta ngâl a.

1 PETER 5:4

Tichun, Belam Chingpa Lalpen chuh a hung kilak tieng leh, lopina lallukhuk, tuoi theilo chuh mu’n lau.

1 JOHAN 2:28

Khutichun, naute, amah ah um zing un; tichun, amah a hung kilak tieng leh, hangsan tak leh, zakcha lo a, a hungna Ni a chuh na um theihna dingun.

HEBRAI 9:28

Zie guol mah chun, Krista chu le, mi tamtak gitloh lâkmangna dingin, khatvei kithawihna’n a kipie ta ngâl a. Zieziekchun, a nih veina achun, gitloh thu ngaihtuoh ding hilo in, amah a na ngakte hukdam dingin a nih veina ah hung kilak kit ina.

THUPHUON 22:14

Hinna thing chung achun thu a neih theihna ding u leh, khawpi kawtkhak a a lut theihna dinguh a, a puon uh sawp ngim te chuh a hamphau ui.

1 KORINTH 15:43

Limbawl loh a tuhin a um a, lopi taka kaihthawh a um dingin; zawngkhal taka tuhin a um a, thilhih thei taka kaihthawh a um dingin.

THUPHUON 22:1

Chun, amah chun hinna luipi chîm tak, krustal suong tawbanga val, Pathien leh Belam No Lalchutphah apat hung luong dawk chuh ei etsak a.

JUDA 1:24

Tichun, na kipalpuk lohna dinguh a hun veng thei leh, amah lopina ângsung a nin beklo hiela, kipâk taka nanguh hun tun theipa,

1 JOHAN 5:12

Kuole, Chapa nei ta chun, hinna chule a nei a, Chapa neilo chun hinna chuh a nei puoi.

TITA 2:13

Pathien khawksaklohna leh, khawvel thil utchakna haw chuh haihsan in, tulai khang ahin pilkieu leh, diktat leh Pathien khawksa a I um dinguh ahi, tih zie hehpihna chun ei hilh ta ngâl a.

MATTHAI 13:43

Zie tieng chuleh mi diktatte chuh a Pau gam achun ni guolin vak ta’n au. Kuole zakna dinga bil nei chun zau hen.

2 TIMOTHE 4:8

Tuhin chuh diktatna Lallukhuk chuh kei dingin kawih in a um ta a, zie chuh Lalpa a ngaihtuohpa diktat chun zie Ni chu leh ei pie’n a; kei kawm mah ah hilo in, a kilâkna ngai ta chengte kawma le hi’n a.

2 KORINTH 4:17

Chun, zie buoina neucha, mitphetlohkal a beimang ding ka thawk u hin, zie buoina sanga leh tamtak a nasa leh, kumsawt a lopina mun achun ei tun ding ahi ngâl a.

JOHAN 14:6

Isu’n a kawmah, “Keimah hi lampi leh Thutak leh Hinna ka hii; keimah a chieh lo chuh, kuomah Pa kawm a tung ngei puou.

JOHAN 14:3

Chun, nang u dinga mun ka va siem zawh tieng chu leh, hungkit ing ka ting, ka kawmah nanguh hun lang ka, ka umna a nang u le na um theihna dingun.

SAM LEHKHABU THE PSALMS 17:15

Ken vang chuh diktatna nei in na mel mu’ng ka ting: Nang mah batna nei a ka thawh dawk tieng le chuh lungkim kei ta’ng ka.

2 TIMOTHE 1:1

Paul, Krista Isu tawh kipumkhatna zâla hinna thutiem I neih uh phuongzak dinga, Pathien phasak lam a Krista Isu sawlchak apat,

1 THESSALONIKA 4:17

Chun, eihaw, a na hing nalaite hi, vanthamzawl ah Lalpa muok dingin amau haw tawh, meitang haw lak akhun lak toh in um hitiu. Khutichun, Lalpa kawmah kumlekhuo’n um zing tai tiu.

1 KORINTH 1:7

I Lalpau Isu Krista hung kilâkna ding na ngaknau ahin, vangsakna na muhna dingu ah na lawhsam kha himhim puou hi.

JOHAN 20:31

Himahlele, ziehaw hi, Isu chuh Krista, Pathien Chapa a hii tih na ginchakna dingu leh, na ginchak u a, a min a hinna na neih na dinguh a zik ahi.

SAM LEHKHABU THE PSALMS 73:24

Nangin na lemguotna’n ei pui in na tin, Zie nung chuleh lopina a chun ei pui ding na hi.

THUPHUON 2:7

“Thagau in sapchuom haw lawite kawma thu a gen hih, bil nei chun zau he’n. “A zo ta cheng chuh, Pathien Paradise a um, Hinna thinggah chuh nek sak ing ka a ti ie, ti’n.

1 TIMOTHE 6:14

I Lal Isu Krista hung kilak kit masang sieh chuh, thute kha zawp a, ginum taka vawp zing dingin.

NASEPTE 3:15

Hinna Siempa chuh na that u a; himahlele, Pathien in amah chuh mithi lak apat a kaitho kit a, zie chuh a hetpihte ka hiu hi.

LUKE 17:30

Khutibang mah chun, Mihiem Chapa a hung kilak ni chu leh um ina.

ROME 8:18

Tulai a thawkna haw hi, dana I chung u a lopina suklat ding chu tawh tehkal kham in ka ngai puoi.

ROME 8:19

Thilsiem chengcheng te chun, ngaklah tak mai in, Pathien chate kilâkna ding chuh a ngak ngâl u a.