KOLOSSA 2:2 - PATHIEN LEKHABU THIENGTHO (BSI)

² Zie chuh, hansanna a a dim u a, lungsietna a a kikankhawm u a, lungmuonna hauhsakna bukim, hetchetna diktak zieka um chuh a neih theihna dingun ka hih ahi. Khutibang hin Pathien thuguk, Krista ngêi chuh he thei un au.

KOLOSSA 2:2 ပူးပေါင်းရင်းမြစ်များ

KOLOSSA 1:27

Pathien thiltup chuh, thuguk hausa tak leh lopi tak, mi cheng chenga dinga a kawih, a mite kawma hetsak chuh ahi. Zie thuguk chuh Krista nangmau a um, Pathien lopina na kikawppih ding u chuh ahi.

KOLOSSA 4:8

Zieziek tak hin amah chuh na kawm u a ka hun sawl uh a hi: ka chanchin uh na het theihna dingun leh, na lunggil uh a sukbih theihna dingin.

EPHESI 6:22

Zieziek tak hin, amah chuh na kawm u a ka hun sawl ahi, ka chanchin uh na het theihna dingu leh, amah hin na lunggil uh a sukbih theihna dingin.

KOLOSSA 3:14

Chun, ziehaw chengcheng chung achun hehpihna behlap un, zie chuh thil chengcheng kankhawmna bukim chuh a hi ngâla.

ROME 16:25

Pathien chuh lopina piei tiu. Amah chun, Chanchin Pha, Isu Krista chanchin ka gen guol ngêi leh, tuma a pata na kisel gu, thudik hung kiphuong dungzui chun, na taksannau achun a hun sudet thei ngâl a.

PHILIPPI 3:8

Ziehaw mai chuh hilo in, Ka Lalpa Krista Isu hetna chuh a lopi zawk bêk ziekin, thil bang cheng le chânna a ka ngaih vek ahi. Amah ziekin thil chengcheng ka chan vek ta a; ziehaw chuh thil bangmahlo mai in ka ngai a, Krista ka muh theihna ding leh,

PHILIPPI 2:1

Khutichun, Krista a na hinnau chun a suhat in, a lungsietna chun a hun thamuon sak na hiu hi. Thagau a kivawp khawm in, kilainat in na kilungsiet tuoh ngâl u a.

ISAI 53:11

A thuokgimna a beih tieng chuleh, kipahna hun nei intin, lung-awi ta’n tin, A thuokna chuh a thâwn ahi puoi tih hun he ta’n au. Ka suok diktak, a chunga ka kipahna mah mah pa chun mi tamtak dingin thuok intin, Amah min ziekin amau haw chuh ngaidam ing ka.

2 PETER 1:3

Amah lopina leh phatna zâla ei sampa, a chanchin het ziekin, a Pathien thilhih theihna’n, hinna leh Pathien khawksakna lam thu ah chun, thil chengcheng ei pie ngâl a.

ROME 15:13

Thagau thiengtho thilhih theihna zieka kinepna na hauh theihna dingun, kinepna Pathien chun, na ginchak ziekun, a kipakna leh chamna tin chengin hun hihdim hen.

JOHAN 10:30

Kei leh ka Pa chuh pumkhat ka hi ngâl u a,” ti’n a dâwng a.

JOHAN 6:69

Nang, Krista, Pathien hing Chapa chuh na hii tih ka gingcha tau a, het le ka heu hi,” a ti a.

HEBRAI 10:22

Zieziekchun, I lunggil uh a sielephahetna a thiemmawh kichansakna chuh sukthien saka um in, I sapum hawu le tui thieng a silngim a um in, taksanna bukim leh lunggil tak takin Pathien kawm lam naih hitiu.

1 TIMOTHE 3:16

Chun, I Pathien ngaihsakna thuguk chuh, niel guol loh a lopi ahi ngâl a: “Phehlevo a hung kiphuong a, Thagau a thiem chang a; Vânsâwlchâkte’n le a muh uh, Jentel te laka tângsappih a, Khawvel pumpi a mite ginchak a, Lopina a puih toh takpa chuh.”

HEBRAI 6:11

Himahlele, a tâwp tienga kinepna bukim mu dingin, na taimat ngêi mah uh a taimat suoh dingin ka hun ti mah mah ui.

KOLOSSA 1:9

Zieziekchun, na chanchin uh ka zak uh apat, nang haw dinga paucham leh hun nget sak ka hai puou hi. Pathien kawm achun, a Thagau in a piek, amah deihlam hetna leh, chitna tin cheng leh hetna bukima na hung dim theihna dingun ka hun nget sak sek ui.

GALATI 3:28

Khutichun, Juda leh Grik kal a kilamdanna a um ta puoh a, suok leh suok lo kal a le, numei leh pasal kal a le a um diek ta puoi; na bawn u chun Krista achun pumkhat na hung hi tau hi.

1 KORINTH 2:12

Khutichun, Pathien in a thawna ei piek haw chuh I het theihna dingun, eihaw vangin chuh, zie van nuoia thagau hi hilo in, Thagau. Pathien in ei piek chuh I muh zawk uh ahi.

JOHAN 17:3

Ziehi kumkhuo hinna a hii, Nang Pathien tak tak leh, na sawl Isu Krista het hi.

JOHAN 16:15

Ka Pa thil neih chengcheng chuh keia a hi a, zieziekchun ahi, ‘Thagau chun kei kawm apat la’n tin, na kawm u ah gensawn ina,’ ka hun tih chuh.

JOHAN 10:38

Amahvang chuh, sem ka hih chun, kei ei gingcha kileu chin le, nasephaw bêk hi gingchau in; Pa, keimah ah a um hi tih leh, Kei, Pa ah ka um hi tih na het u a, na ginchak theih na dingun,” ti’n a dâwng a.

JOHAN 5:23

Tia chuh mi cheng chengin Pa a zah guol u a, Chapa le a zahna dingun. Kuole, Chapa zahlo chuh. Pa, a sawlpa chule zahlo ahi.

JOHAN 5:17

Himahlele, Isu’n amau haw chuh a hopih a, a kawm u ah, “Ka Pa’n tu tieng inle na a sem sek, ken le ka sem sek,” a ti a.

MATTHAI 11:27

“Ka pa’n thil chengcheng ei vawp sak tai; Pa tello in kuoma’n Chapa hi a he puoi; Chapa leh, a kawm u a Chapa’n a phuon nawpna te tihloh chun kuoma’n Pa chuh a he puoi.

MATTHAI 11:25

Zielai chun Isu’n a gen a, “Aw hepa, lei leh van a Lal, nangin miching leh mi thiemte kawmah zie thu haw hi na îm a, nausente kawma na phuon ziek hin ka hun pakchai.

JEREMIA 9:24

A suong ta chengin zie hi suong hen, ‘Kei Lalpa hi,’ Hehpihnate, vaihawm diknate, diktatna te lei chunga mang sek ka hi tih ei het u a, a hetthiem nau chuh ka kipahpih lam ahi ngâla tih hi Lalpa kamsuok ahi.”

ISAI 40:1

“Thamuon unla, ahi, ka mite hi thamuon un, a Pathien un a tii.

ISAI 32:17

Tichun, diktatna gah chuh kichamna hi’n tin, chun, diktatna apat chun muonna leh kumlekhuo a taksan umna um zing ta’n a.

SAM LEHKHABU THE PSALMS 133:1

Ngaitie, unau kituok diel diel a umkhawm hi a pha’n, a nuom na mai zên e!

1 JOHAN 5:7

Aziek chuh, van achun hetpih thum a um a, Pa tawh, Chapa tawh Thagau thiengtho; zie thum te hi khat ahi.

1 JOHAN 3:19

Zie achun thutak a um I hih uh kihei ting uh, zie mawng chuh a hii, Pathien masanga I hansanna dinguh chuh.

2 PETER 3:18

Amahvang chuh, I Lalpau leh Hukdampa Isu Krista lungsietna leh hetna achun na khanglien un. Tuhin leh kumkhuo’n, amah kawm achun lopina um ta hen. Amen.

2 PETER 1:10

Zieziekchun. suohpihte, Pathien hun sapna leh hun têlna chuh sudet dingin thatnawp suoh zawsem un; ziehaw chuh na hih uh le vang, bangmah tikin puk puo’n lau.

1 THESSALONIKA 5:14

Ka suohpihte haw, ka hun nget uh na hiu hi, kituok lo taka umte chuh gai un la, mi dawilawkte chuh tîlkhoh un la, zawngkhalte chuh panpih un la, mi chengcheng lak ah thuokhat takin um un.

1 THESSALONIKA 3:2

Timothe, ka suohpihpau, Krista Chanchin Pha lama Pathien zenvielpa hi ka hun sawl tau hi. Amah chuh nang haw hun suhat ding leh, na taksanna lam u a hun panpih a,

1 THESSALONIKA 1:5

Khati a, ka Chanchin Pha genteu khah, thu maia na kawmuh tung lo a, thilhih theihna leh Thagau thiengtho tawh thudik hetna bukim tawh a hungtun tâk khah. Nangmau haw makhuo ding khuol a, bang tawbang mi ka hih uh na he ngâl u a.

NASEPTE 4:32

Khutichun, gingcha mipite chuh lungthim munkhat leh, ngaihtuohna mun khatin a um u a. A lak u a khat chan le, a thil neih teu chuh keia chuom ahi a ti puou a; a thil neih taphawt u chuh a kihawm zaw sek ui.

1 LENGTE 3:28

Chun, Israel te chengcheng chun zie chung thu a leng thutan dân chu a na zau a; leng chu a kihcha tau a; vaihawmna dingin Pathien chitna chu amah achun a um hi tih a mu ta ngâl u a.

MATTHAI 13:11

Isu’n kawm u ah, “Van gam thuguk chuh nang haw het vang phal a hi a, himahleh, amau haw het vang chuh phal ahi puoi.

LUKE 1:1

Mi tamtakin, I lak uh a thil hungtung kigen khah, a theihtawp un zik a na guo tau a.

ROME 2:4

A hihloh leh Pathien phatna’n lungheina dingin a hun pui sek hi tih helo in, a phatna hauh zie leh, a mi khuotuoh zie leh, a dawhtheih zie haw chuh na ngaidau ahi maw?

1 KORINTH 14:31

Mi cheng chengin asin theihna ding u leh, mi chengcheng sukhansan a hih theihna dingun, mitin in, khat cha cha’n, thu na gen thei ngâl u a.

EPHESI 1:7

Krista thisan ziekin amah achun I kitatnau I nei tau a, a lungsietna hauh dungzuia I sukkhelhnau ngaihdamna chuh.

EPHESI 3:3

Pathien in a thil guonggalh gûk chuh phuong dawkin, ei hetsak ahi tai. Zie thu chuh chawmcha’n ka hun zik a;

EPHESI 3:16

A Thagau zâla mihiem sungnung lama chuh a thilhih theihna a sukhat a na um theihna dingun ka ngên sek a,

KOLOSSA 1:26

Zie nasep chuh, a thu, malai pek a mihiemte apat a a na selguk, tu a a mite kawma bukim taka phuondawk ding chuh ahi.

KOLOSSA 2:19

Taksa luchangpen Krista chuh tudet lo in a um sek ui. Krista thunuoi achun taksa pumpi chuh chawm let a um in, a kizawpna leh tukmatnahaw a chuh kankhawm a um in, tichun, Pathien in a deih bang tak chun a khangto sek ahi.

KOLOSSA 4:3

Ei kân lawhnau, Krista thuguk chuh gen dingin Pathien in thu adingin kawt ei hawn sak theihna’n,